InfoHub Logo

تاقىرىبى: «قىس كەرەمەتى»
ماقساتى: بالالاردىڭ تابيعاتتى تاماشالاپ، قىس قىزىقتارىن ايتىپ بەرۋگە، سۋرەتتەۋگە ۇيرەتۋ. وقۋشىلاردىڭ ويلاۋ قابىلەتىن، وي ۇشقىرلىعىن، وقۋعا ىنتاسىن ارتتىرۋ. كورنەكى ءىس - ارەكەتتىك، سوزدىك - لوگيكالىق، ويلاۋ ارەكەتتەرىن دامىتۋ، شىعارماشىلىق قابىلەتتەرىن قالىپتاستىرۋ. وقۋشىلاردى شاپشاڭدىققا، يكەمدىلىككە، ۇجىممەن جۇمىستا ۇيىمشىلدىققا، جاۋاپكەرشىلىككە، بەلسەندىلىككە تاربيەلەۋ. سوزدىك قورلارىن ارتتىرۋ
فورماسى: سايىس
ءادىسى: توپتىق، كورنەكىلىك، سۇراق - جاۋاپ، سوزدىك
ۇيىمداستىرۋ كەزەڭى: قۇرمەتتى ۇستازدار جانە وقۋشىلار! بۇگىنگى 3 «د» سىنىبى وقۋشىلارى اراسىندا وتكەلى وتىرعان «قىس كەرەمەتى» اتتى سايىسقا قوش كەلدىڭىزدەر.
كىرىسپە: قىس. بۇل مەزگىلدە ادامدار تابيعاتتىڭ قۇپياسىن، ەرەكشە ءبىر ۇمىتىلماس ساتتەرىن تاماشالايدى. «قىستىڭ كوزى قىراۋدا» دەگەن حالقىمىزدىڭ تاماشا ءسوزى وسى ءبىر مەزگىلدى اينا - قاتەسىز بايان¬داپ تۇرعانداي نەمەسە ابايدىڭ «اق كيىمدى، دەنەلى، اق ساقالدى…» دەپ كەلەتىن ولەڭ جولدارى دا قىستىڭ باسقا جىل مەزگىلدەرىنەن ەرەكشەلىگىن پاش ەتەدى. تابيعاتتىڭ ءاربىر ماۋسىمى ەرەكشە بولاتىنى ءسوزسىز. ءار ماۋسىمعا ءتان سەيىل - سەرۋەنى دە بولادى. جازدا ادامدار سۋعا شومىلىپ، كۇنگە قىزدىرىنسا، قىستا شانالارىن ارقالاپ، بيىك جوتالارعا، تاۋ¬لى قىراتتارعا بەت تۇزەيدى. دالا توسىندە قولدان سىرعاناق جاسايتىن قىزىقتى ساتتەر دە – ءوز الدىنا ءبىر اڭگىمە. بارلىعى قىستىڭ سۋىقتىعىن ەمەس، بەينەبىر جىلى نۇرىن، ىستىق تارتار ساۋلەسىن تاۋىپ العانداي قۋانىسادى. بيىك قىراتتان تومەن قاراي اپپاق قاردىڭ ۇستىندە ءىزىن قالدىراتىن شاناسىمەن ىزعيدى.
قاڭتار ايىنىڭ العاشقى كۇندەرى، مىنە، وسىنداي قۋانىشتى شاقتارعا تولى. قىستىڭ عاجايىپ ۇمىتىلماس شاقتارى ادام جانىنا شۋاعىن شاشىپ، نۇرىن توگە تۇسكەندەي، وسىنداي كوتەرىڭكى كوڭىل كۇي سىيلايتىن مەزگىلدىڭ كەرەمەتتەرى تۋرالى سايىسىمىزدى باستايمىز.
شىن جۇيرىكتەر سىنالادى جارىستا
جارىستىڭ با ورتا جولدا قالىسپا
ءادىلقازى باعالايدى سىزدەردى
جەڭىس مارە جاقىن با، الدە الىس پا؟- دەپ بۇگىنگى سايىسىمىزدىڭ ءادىل قازىلار القاسىمەن تانىس
بولايىق:
وقۋ ءىسىنىڭ مەڭگەرۋشىسى:
باستاۋىش سىنىپ مۇعالىمدەرى:
سايىسقا قاتىسۋشىلار:
3 «د» سىنىپ وقۋشىلارى
ال ەندى سايىسىمىزدىڭ جوسپارىمەن تانىس بولىڭىزدار:
1 - اينالىم. «ءبىز بىلەمىز...» (قۇراستىرىلىپ شىققان سۋرەت بويىنشا بىلەتىندەرىن ايتۋ)
2 - اينالىم. «ءبىز جىرلايمىز...» (قىس مەزگىلى تۋرالى تاقپاقتار ايتۋ) 3 - اينالىم. «ءبىز تاپقىرمىز...» (جۇمباقتار شەشۋ)
4 - اينالىم. «ءبىز اقىنبىز...» (ولەڭ قۇراستىرۋ)
5 - اينالىم. «ءبىز ايتامىز...» (سۋرەت بويىنشا ءماتىن قۇراستىرۋ) 6 - اينالىم. «ءبىز شەبەرمىز...» (توپتىڭ اتىن ءتۇرلى ءتۇستى قاعازداردىڭ كومەگىمەن اپپليكاسيالاۋ) 7 - اينالىم. «قىس قىزىعى» (ستيكەرلەر ارقىلى ءوز ويلارىن جيناقتاپ قورىتىندىلاۋ)
سايىسىمىزدى باستاماس بۇرىن وقۋشىلاردى توپقا ءبولىپ الايىق. (شىرشا مەن اققالانىڭ سۋرەتتەرى بەينەلەنگەن توسبەلگىنىڭ بىرەۋىن تاڭداپ الىپ، سونىڭ اتاۋى جازىلعان توپقا ورنالاسۋ)
- ءبىلىم دەگەن بيىك شىڭ
باقىتقا سەنى جەتكىزەر
ءبىلىم دەگەن اقىلشىڭ
قيىندىقتان وتكىزەر - دەپ ءبىلىم سايىسىمىزدىڭ ءبىرىنشى اينالىمىنا كەزەك بەرەمىز.
1 - اينالىم. «ءبىز بىلەمىز...» ءار توپقا سۋرەت قيىندىلارى بەرىلەدى، 1 مينۋت ۋاقىت ىشىندە قيىندىلاردان تۇتاس سۋرەت قۇراستىرۋ كەرەك جانە سول سۋرەت بويىنشا بىلەتىندەرىن ايتۋ قاجەت. (تۇتاس سۋرەت: اققالا مەن شىرشا) اققالا مەن شىرشا تۋرالى ۆيدەوروليك كورسەتۋ
2 - اينالىم. «ءبىز جىرلايمىز...» قىس مەزگىلى تۋرالى تاقپاقتار ايتۋ جانە اينالىمنىڭ شارتى بويىنشا بىرىندە ايتىلعان تاقپاقتى ەكىنشىسى قايتالاۋعا بولمايدى.
3 - اينالىم. «ءبىز تاپقىرمىز...» ءار توپقا جۇمباقتار بەرىلەدى، سول جۇمباقتاردىڭ دۇرىس جاۋابىن تابۋى كەرەك.
1. اق ساقالدى اتانى - اي،
مىنەزىنىڭ شاتاعى - اي (قىس)
2. بەس ءىن، بەس ءىننىڭ،
اۋزى ءبىر ءىن. (قولعاپ)

3. قاناتى جوق ۇشادى،
اياعى جوق جەلەدى،
اۋزى جوق ۇليدى. (بوران)

4. جازدا بولمايدى،
قىستا بولادى.
تەرەزەگە قونادى،
اسەم ويۋ ويادى (قىراۋ)