بعم گرانت شارتتارىن ورىنداۋدى باقىلايدى
ق ر ءبىلىم جانە عىلىم مينيسترلىگىنە قاراستى «قارجى ورتالىعى» اق جانە «نۇر وتان» پارتياسىنىڭ ساياسي مەنەدجمەنت مەكتەبى ءوزارا ىنتىماقتاستىق تۋرالى مەموراندۋمدى راسىمدەدى، دەپ قارجى ورتالىعىنىڭ باسپا ءسوز قىزمەتى حابارلايدى.
اتالعان قۇجاتتىڭ اياسىندا «قارجى ورتالىعى» اكسيونەرلىك قوعامى «نۇر ارمان» اتتى جوبانىڭ ورىنداۋشىسى - ساياسي مەنەدجمەنت مەكتەبىنە گرانت يەگەرلەرىنىڭ قويىلعان شارتتاردى ورىنداۋىن باقىلاۋعا كومەكتەسەتىن بولادى. «نۇر ارمان» جوباسىنىڭ باستى ماقساتى - جەتىم قالعان بالالارعا جانە الەۋمەتتىك قورعاۋعا الىنعان توپتاعى تالانتتى، كەلەشەگى بار جاستارعا الەمنىڭ ۇزدىك جوعارى وقۋ ورىندارىندا باكالاۆريات باعدارلاماسى بويىنشا ءبىلىم الۋعا مۇمكىندىك بەرۋ.
«بۇگىندە «نۇر وتان» پارتياسى ايماقتىق فيليالدارى وسىنداي جاستاردى ىزدەستىرىپ وتىرادى. ال استانادا ارنايى قۇرىلعان كوميسسيا ۇمىتكەرلەردى سوڭعى ىرىكتەۋدەن وتكىزەدى. وسى ۋاقىتقا دەيىن 9 ادام «نۇر ارمان» جوباسى اياسىندا ءبىلىم گرانتىنىڭ يەگەرى اتاندى. ءقازىر ولار ۇلىبريتانيا،جۇڭگو، مالايزيا مەن رەسەيدىڭ جەتەكشى ۋنيۆەرسيتەتتەرىندە ءبىلىم الۋدا»، -دەلىنگەن رەسمي حابارلامادا.
You Might Also Like
-
2017 جىلدىڭ 10 ساۋىرىنەن استانا قالاسىندا مەملەكەتتىك بالاباقشالارعا جولدامالار www.astana.kz پورتالى ارقىلى ەلەكتروندىق تۇردە بەرىلەتىن بولادى.
-
ەلوردالىق وقۋشىلار قوعامدىق-گۋمانيتارلىق وليمپيادادا 6 التىن، 7 كۇمىس، 9 قولا مەدال جەڭىپ الدى.
