باقاۋوۆ «سەرپىن» تۇلەكتەرىنىڭ العاشقى لەگىن ءجۇز پايىز جۇمىسپەن قامتۋدى تاپسىردى
بۇگىن پاۆلودار وبلىسى اكىمدىگىندە وتكەن القا ماجىلىسىندە ايماق باسشىسى بولات باقاۋوۆ "سەرپىن" باعدارلاماسى بويىنشا بيىلعى جىلى وقۋ ورنىن اياقتايتىن العاشقى تۇلەكتەر لەگىن ءجۇز پايىز جۇمىسپەن قامتۋدى تاپسىردى، دەپ حابارلايدى pavlodarnews.kz.
«كۇنى كەشە عانا ءبىلىم جانە عىلىم مينيسترلىگىنىڭ وكىلىمەن كەزدەسۋ بارىسىندا وڭتۇستىك ءوڭىرى جاستارىنىڭ ءجۇز پايىزى ءبىزدىڭ ايماقتا قالۋعا نيەت ءبىلدىرىپ وتىرعانىن ايتقان بولاتىن. ولارعا باسپانا بەرە المايمىز. دەگەنمەن ارقايسىسىمەن جەكە جۇمىس ىستەپ، ەڭبەكاقىسى جاقسى جۇمىسپەن قامتۋ كەرەك. ءتىپتى، وسى جاستاردىڭ اراسىندا وتباسىمەن بىرگە قونىس اۋدارعىسى كەلەتىندەر دە بار. شىلدە ايىنا دەيىن سەرپىندىكتەردىڭ قانداي كاسىپورىندا جۇمىس ىستەيتىنىن ناقتى ءبىلۋ كەرەكپىز. ەگەر دە ءجۇز پايىز جۇمىسپەن قامتيتىن بولساق، بۇل وبلىس ءۇشىن جاقسى كورسەتكىش بولماق»، - دەدى بولات باقاۋوۆ.
وبلىستىق ءبىلىم بەرۋ باسقارماسىنىڭ باسشىسى باقىت بەكسەيىتوۆانىڭ ايتۋىنشا، «ماڭگىلىك ەل جاستارى - يندۋسترياعا» الەۋمەتتىك جوباسى بويىنشا وڭىردەگى التى كوللەدجدە ەلىمىزدىڭ وڭتۇستىك وڭىرلەرىنەن كەلگەن 393 ستۋدەنت ءبىلىم الادى. بۇل - تەحنيكالىق، بيزنەس، كولىك جانە كوممۋنيكاسيا، حيميا-مەحانيكالىق، كراسنوارمەيكا اگرارلىق-تەحنيكالىق، اقسۋ قالاسىنىڭ جاياۋ مۇسا اتىنداعى كوللەدجدەرى. تەحنيكالىق جانە بيزنەس كوللەدجىندە وقيتىن 67 ستۋدەنتتىڭ 20-سى "ينفورماتيكا"، 23ء-ى ءسۇت ونىمدەرى ءوندىرىسى، 24ء-ى ازىق-تۇلىك ءوندىرىسى سالاسىنىڭ ماماندارى اتانادى.
You Might Also Like
-
باتىس قازاقستان وبلىسىندا بيىل 10 مىڭ تۇرعىن «قازتەست» سىناعىنان وتپەك.
-
ماجىلىستەگى قازاقستان كوممۋنيستىك حالىق پارتياسىنىڭ دەپۋتاتتارى ورتا مەكتەپتەردى ۇلتتىق ءبىرىڭعاي تەستىلەۋدى وتكىزۋدەن بوساتۋدى ۇسىندى.
