ءبىر اڭگىمە قوزعاشى اۋىل جايلى،
بۇدان ارتىق راحات تابىلمايدى.
بۇلدىراسىن وتكەن كۇن ساعىمداي ءبىر،
ءبىر اڭگىمە قوزعاشى اۋىل جايلى.
قار دا ىلىگىپ قالعان-دى تاۋ باسىنا،
مۇز توڭدى ما بۇلاقتىڭ جامباسىنا؟
سۋىق كەلىپ، سۋىر دا جاتقان شىعار،
قامداپ الىپ ازىعىن قامباسىنا.
ءتورت تۇلىكتەن توگىلگەن شالقار ءاندى،
ۇزاتقان-دى، جايلاۋ دا تارڭاعان-دى.
ەسكى جۇرتتى تىمىسكىپ، قورقاۋ الگى
قاجالاپ تا جۇرگەن-دى قاڭقالاردى.
ساعىنىشتاي سارعايىپ جاندى ما كۇز،
سارى ءشايى جامىلىپ الدى ما ءتۇز؟
قۋرايلارىن سىڭسىتىپ سىبىزعىداي،
قاڭباعى ۇشىپ، قاڭىراپ قالدى ما اڭىز؟
اڭگىمەلە تاۋىن دا، دالاسىن دا،
قىرقاسىن دا، سايىن دا، سالاسىن دا.
اقبوز ءۇيدىڭ تۇندىگىن جەلپىلدەتىپ،
قوندى ما كەپ قويلى اۋىل قاراسۋعا؟
قاراسۋعا قوسىلىپ تۇنا بارىپ،
جاتقان بولار ىرگەدە بۇلاق اعىپ؟
ارىپ كەلىپ، تويىنىپ قايتقان بولار،
Toپ تىرنالار اسپانعا سىنا قاعىپ؟

---