ءبىر ولەڭى - ءبىر ەلدىڭ مۇراسىنداي،
جىر جازا الماي ءجۇرمىن مەن راسۋلداي.
راسۋلداي...
باعىم دا ءجۇر اشىلماي،
قۇسبەگىنىڭ قولىنداعى لاشىنداي.
تانىلماسا سىرىمەن، قىرىمەنەن،
تانىلماي-اق كەتسىنشى قۇرىپ ولەڭ!
راسۋلداي مەن-داعى جىرلار جازسام،
راسۋلدى توناعان ۇرى دەر ەڭ...
راسۋلداي بولا المان!
جىرىم بولەك!
ءوزىمنىڭ ءۇنىم كەرەك، ءتىلىم كەرەك.
وزگەنى دە وزىندەي سۇيگەن ەلىم،
ءوز اقىنىن تابادى تۇبىندە كەپ.
Meن - تاۋلىقپىن -
قىراننىڭ بالاپانى.
ماعان-داعى تاۋىمنىڭ تاڭى اتادى.
قاراپايىم قالتقىسىز جىرلارىمدى
قاجەتىنە ءوز حالقىم جاراتادى.
مەن ازىرگە بولا الماي راسۋلداي،
باعىم، جانىم - بارلىعى ءجۇر اشىلماي.
الىنادى توماعام، كەتەم ۇشىپ،
قۇسبەگىدەن قۇتىلعان لاشىنداي.

---