InfoHub Logo

ءبىر عانا دانامەن شىعارىلعان اۆتوكولىكتەر – بۇل ءتۇرلى اۆتو-شوۋلاردا كورسەتۋ ءۇشىن قۇراستىرىلعان جوبالار عانا ەمەس. كوبىنە باي جانە اۋقاتتى ادامدار اۆتوكونسەرندەرگە تانىمال ۇلگىلەردىڭ ەكسكليۋزيۆتى نۇسقالارىنا تاپسىرىس بەرەدى، نەمەسە وزدەرى اتاۋلى كۇندەرگە وراي شىعارادى.

Maybach Exelero

ءسىرا، الەمدەگى ەڭ ءساندى ءارى قىمبات سۋپەركارلاردىڭ ءبىرى. Maybach 57 ءليمۋزينىنىڭ نەگىزىندە 2005 جىلى قۇراستىرىلعان سپورتكۋپە نەمىس Fulda دوڭعالاق وندىرۋشىسىمەن بىرىگىپ جاسالعان. Fulda كومپانياسى ساعاتىنا 370 كيلومەتردەن جوعارى جىلدامدىققا ەسەپتەلگەن جوعارىجىلدامدىقتى دوڭعالاق تىسىنىڭ جاڭا بۋىنىن كورسەتۋدى ماقسات ەتكەن. 2011 جىلى اۆتوكولىكتى Birdman لاقاپ اتىمەن ونەر كورسەتەتىن امەريكالىق رەپەر برايان ۋيليامس 8 ميلليون دوللارعا ساتىپ الدى. ال ءبىر جىلدان كەيىن Daimler «مايباح» بەلگىسىن جاباتىندىعىن حابارلادى. بۇعان سەبەپ ونىڭ سوڭعى جىلدارى كونسەرنگە تەك شىعىن اكەلىپ جاتقاندىعى بولدى.

 

Ferrari F12 Berlinetta TRS

اتىن قۇپيادا ۇستاۋدى تالاپ ەتكەن كليەنتتىڭ تاپسىرىسى بويىنشا جيناقتالعان. تاپسىرىس بەرۋشى Ferrari-گە F12 Berlinetta كۋپەسىنىڭ اشىق، ەرەكشە نۇسقاسىن جاساۋدى تالاپ ەتكەن. رەسمي ەمەس اقپاراتتار بويىنشا، بۇل ەرەكشە كولىكتىڭ قۇنى $4،2 ميلليوننان اسقان.

 

McLaren X-1

بۇل ۇلگى Special Operations ءبولىمىنىڭ ينجەنەرلەرىمەن تاياۋ شىعىستىق قۇپيا كليەنتتىڭ ارنايى تاپسىرىسىمەن جاسالعان. ساتىپ الۋشىنىڭ بارلىق قالاۋى 7 ميلليون دوللاردى قۇراعان.

 

Porsche 911 Panamericana

اۆتوكولىك Porsche كومپانياسىنىڭ ديرەكتورى فەرري پورشەنىڭ تۋعان كۇنىنە 1989 جىلى سىيلاندى. ونىڭ ديزاينىن بىرنەشە جىلدان كەيىن الەمگە اڭىزعا اينالعان Porsche Boxsterء-دى سىيلاعان حارم لاگااي جاساعان.

 

Ford GT90

دەترويت اۆتوسالونىندا 1995 جىلى كورسەتىلگەن كونسەپت وندىرۋشىلەرمەن «الەمدەگى ەڭ قارىمدى سۋپەركار» دەپ ۇسىنىلدى. شىنىمەن دە، ءاۆتوموبيلدىڭ ءتورت ترۋبينالى 12ء-سيليندرلى اگرەگاتى 720 ات كۇشىنە تەڭ كەلەتىن، ال مالىمدەلگەن جىلدامدىعى شامامەن 407 كيلومەتر ساعاتقا جەتەتىن. ايتا كەتەرلىگى، ون جىلدان كەيىن تۋرا وسىنداي جىلدامدىققا يە Bugatti Veyron سۋپەركارى پايدا بولدى.

Rolls-Royce Hyperion

بۇل ەكسكليۋزيۆتى كولىكتى كوللەكسيونەر رولاند حولل تاپسىرىسپەن جاساتقان. Rolls-Royce Hyperion 2008 جىلى كابريولەت كەيپىندە جاسالعان. ونىڭ سىرت ءپىشىنى 1930 جىلدارى Rollers كۋزوۆتىق اتەلە شىعاراتىن ۇلگىلەردەن كەلگەن. ديزاينىمەن اتى اڭىزعا اينالعان Pininfarina اتەلەسى اينالىسقان.

 

Cadillac Cien

كومپانيانىڭ 100 جىلدىق مەرەيتويىنا ارنايى قۇراستىرىلعان. مەرەيگەرگە ءتان، Cien سول ساتتەگى ەڭ وزىق تەحنولوگيالارمەن قامتىلعان بولاتىن. ول OnStar كوممۋنيكاسيالار سەرىگىنىڭ جيىنتىعىنا، Communiport دىبىسپەن باسقارۋ جۇيەسىنە، تۇراق كومەكشىسىنە جانە ماڭداي ايناسىنا جول سۋرەتىن ەكراندا ۇلكەيتىپ كورسەتەتىن تۇنگى باقىلاۋ جۇيەسىنە يە ەدى. ءبىراق، مۇنىڭ ءبارى وعان ومىردە ەش قاجەت بولمادى – اۆتوكولىك كومپانيانىڭ مۇراجايىندا تۇر.

 

BMW Gran Coupe Pininfarina Lusso

اتىنا قاراپ، بۇل اۆتوكولىكتى شىعارۋعا قانداي كومپانيالار اتسالىسقانىن بايقاۋعا بولادى. كۋپەنىڭ ءتورتورىندى ينتەرەرى، قۇراستىرۋشىلاردىڭ ايتۋى بويىنشا، زاماناۋي ءسانقويلىق پەن سەنىمدى ديناميكانىڭ قوسىندىسى. ول قىمبات بىلعارى مەن كاۋري اعاشىمەن قاپتالعان.

 

Peugeot Onyx

ەرەكشەلىكتى قالايتىن فرانسۋزدار «تاس» اتاۋىمەن، ادەتتەن تىس ماتەريالدارمەن سۋپەركار قۇراستىردى. كاربوننان وزگە، Peugeot Onyx قۇرىلىسىنا جەز، كيىز بەن قاعاز پايدالانىلدى. فرانسۋزدار Peugeot Onyxء-تى سەريالاپ شىعارمايمىز دەپ بىردەن ايتتى، الايدا بولاشاقتا قانداي ستيليستيكالىق باعىتتى ۇستاناتىنىن ايقىنداپ بەردى. سونداي-اق، Peugeot باس ديزاينەرى جيل ۆيدال كونسەپتىڭ «الدى» 308 بەن 3008 ۇلگىلەرىنىڭ كەلەسى بۋىنىنىڭ الدىڭعى بولىگىنە پايدالاندى.

 

ۆاز راپان

كورشىلەس ەلدىڭ اۆتوپرومىنىڭ دا ءبىر دانامەن شىعارىلعان اۆتوكولىكتەر تىزىمىنە ۇسىناتىن ۇلگىسى بار. ۆاز راپان – پاريج اۆتوسالونىندا كورسەتىلگەن رەسەيلىك تۇڭعىش كونسەپتۋالدى ەلەكتروموبيل. ول 1998 جىلى شىعارىلعان جانە، وكىنىشكە وراي، ازسەريالى جالعاسىن دا تاپپادى. جوباعا جانارماي بەكەتتەرىن ارنايى ەلەكترلىك جانارمايمەن قامتاماسىز ەتۋ ءۇشىن «رەسەيدىڭ ەەو» ءرجش-ىن تارتپاق بولعان دەگەن مالىمەت بار، ءبىراق ولار قىزىقپاعان كورىنەدى.

 

زيس-سپورت

رودستەر زيس-سپورت زيس-101 ءشاسسيىنىڭ نەگىزىندە 1939 جىلى ءبىر عانا دانامەن قۇراستىرعان. قۋاتى 141 ات كۇشىنە تەڭ التى ءليترلى قوزعالتقىش ساعاتىنا 162 كيلومەترگە قارقىنداۋعا مۇمكىندىك بەرگەن. اۆتوكولىك ستالين مەن كاگانوۆيچتىڭ ماقۇلداۋىن الدى، الايدا سوعىستان كەيىن ءبىر دانامەن عانا شىعارىلعان زيس-سپورت ۇشتى-كۇيلى جوعالىپ كەتتى.

 

Dartz PROMBRON AS1936 Monaco Red Diamond Edition

اۆتوكولىك ءبىر عانا دانامەن Hammerء-دىڭ نەگىزىندە لاتۆيادا تاپسىرىسپەن جاسالدى، ەكسكليۋزيۆتى قاپتاماعا يە. بۇل برونيەۆيك (قارۋ ورناتىلعان قۇرىشتى اۆتوموبيل) 1.6 ملن. دوللارعا ساتىپ الىندى جانە بۇل جول تالعامايتىن كولىككە تولەنگەن ەڭ جوعارى باعا. اۆتوكولىك 312 كم/ساع-قا دەيىن قارقىندايدى، ال 100 كم-دى 5.2 سەك-تا جينايدى. 552 ات كۇشىنە تەڭ التى ءليترلى قوزعالتقىشقا يە.

 

Mercedes-Benz GWA 300 SLC

شىعىس ەۋروپالىق بەلگىسىز ءبىر اۋقاتتى ادام ءوزىن ەسكليۋزيۆتى اۆتوكولىكپەن قۋانتقىسى كەلگەن. ءوز ارمانىن ىسكە اسىرۋدى ول Mercedes كونسەرنىنە تاپسىرادى. ونىڭ يدەياسى - اڭىزعا اينالعان 1955 جىلعى Mercedes-Benz 300 SC-تەن SLS AMG نەگىزىندە زاماناۋي رودستەر قۇراستىرۋ ەدى. ناتيجەسىندە، باعاسى قۇپيا ساقتالىپ كەلگەن ەرەكشە اۆتوكولىك Gullwing Americ شىقتى. Mercedes-Benz GWA 300 SLC 571 ات كۇشىنە تەڭ كەلەتىن V8-بەن قامتىلعان، ەڭ جوعارى جىلدامدىعى 315 كم/ساع، ءجۇز كيلومەترگە دەيىن قارقىندى 3،8 سەكۋندتا جينايدى. رودستەردىڭ ديزاينى قانشالىقتى وزگەرگەنىن وزدەرىڭىز باعالاپ كورىڭىزدەر.

 

Sbarro GT1

Sbarro GT1 ءوز تەگىندە جالعىز دانا. ول Mercedes كومانداسىنىڭ 1999 جىلعى لە مانن جارىس سەرياسىنداعى جەڭىسىنىڭ قۇرمەتىنە قۇراستىرىلعان. اۆتوكولىك 450 ات كۇشىنە جەتەتىن 7،4-ليترلىك V8 قوزعالتقىشىمەن قامتىلعان. ءقازىر، ارينە، بۇل اسا كوپ ەمەس سياقتى كورىنەدى، ءبىراق سول جىلدارى مۇنداي وندىرىمدىلىك اسا زور كورىنەتىن. قوزعالتقىش ارتىندا ءارى كۇشەيتىلگەن كومپوزيتتىك قوراپتىڭ ءدال ورتاسىندا ورنالاسقان.

 

Lamborghini Egoista

2013 جىلى Lamborghini كومپانياسى ءوزىنىڭ 50 جىلدىق مەرەيتويىندا تاڭعالارلىق Lamborghini Egoista سۋپەركارىن تانىستىردى. «مەرەيتويلىق» جاڭالىقتىڭ باستى ەرەكشەلىگى، سالون، ناقتى ايتقاندا «پيلوت كابيناسى» (كونسەپت-كاردىڭ ەسىكتەرىنىڭ ورنىنا قايىرمالى شاتىر نەمەسە اسكەري تىلدە «فونار») ءبىر ادامعا عانا ەسەپتەلگەن. سىرت كەلبەتى، Egoista-نىڭ ينتەرەرى سياقتى اسكەري اۆياسيامەن ۇشتاسادى. اۆتوكولىكتى 5،2 ليترلىك موتور V10 قوزعالىسقا اكەلەدى. سپورتكار قۇرىلىسىندا كومىرقىشقىل تالشىق پايدالانىلادى، سونىڭ ەسەسىندە اۆتوكولىكتىڭ سالماعى بار-جوعى شامامەن ءبىر توننانى قۇرايدى. 

---