InfoHub Logo

ءبىر مامان يەسى بولۋ وتە جاۋاپتى قيىن ءىس. ماماندىعىن دۇرىس تاڭداعان ادام عانا ءبىر مامان يەسى بولاتىنى بارىمىزگە ايان. ماماندىق-ول سەنىڭ قالامىڭ، ال ءومىر — سەنىڭ پاراعىڭ. ول پاراعىڭا قالام ارقىلى نە جازساڭدا دۇرىس جازىلۋى كەرەك. سەبەبى ۋاقىت كەتىپ جاتىر، التىن ۋاقىتىڭدى ارتقا قايتارا المايسىڭ. مىنا ومىرگە ادام بولىپ كەلگەن سوڭ، سانالى تۇردە ءقيمىل-ىس جاساۋىڭ كەرەك. سول تاڭداعان ماماندىعىڭنىڭ جەمىسىن كورىپ قانا قويماي، ماماندىعىڭدى، اينالاڭدى دامىتۋ كەرەك. ماماندىعىڭدى وزىڭە پايدالى جارات. بۇل ومىردە ەكى نارسەنى دۇرىس تاڭداۋ قاجەت. ەڭ ءبىرىنشى ماماندىعىڭدى، ەكىنشى ومىرلىك سەرىگىڭدى. وسى ەكى دۇنيە ساعان ءوز ءومىرىڭدى قۇرۋعا كومەكتەسەدى. ءيا بىلەمىن، ەكەۋى دە وتە جاۋاپتى ىستەر، ەكەۋىنەن دە قاتە جىبەرمەۋ كەرەكپىز. الايدا قانداي باعىتپەن، قانداي جولمەن جۇرسەڭدە اداسپاي العا قويعان ماقساتىڭدى كوكجيەك قىلىپ القا قاراي ۇمتىل. ماماندىق تاڭداعان كەزدە سەن ماماندىقتى عانا ەمەس، وزىڭە ورتانى دا تاڭدايسىڭ. ول ورتامەن سەن ارالاساسىڭ. سول ورتادا عانا سەن ءوزىڭدى قولايلى، ەركىن ۇستايسىڭ. سەنىڭ قورشاعان ورتاڭ، سەنىڭ اينالاڭداعى ادامدار ساعان دۇرىس اسەر ەتۋلەرى كەرەك، سەندە ولاردى دۇرىس قابىلداي ءبىلۋىڭ كەرەك. ماماندىقتى دۇرىس تاڭداۋ ول تابىستى ءومىردىڭ كىلتى، سەبەبى قالايىنشا سەن ماماندىقتى دۇرىس تاڭدايسىڭ، سولايىنشا سەن تابىستى بولاسىڭ. سەن ول ماماندىقتى ءسۇيىپ قانا تاڭداۋىڭ كەرەك، ەگەردە سەن تاڭداعان ماماندىققا كوڭىلىڭ اۋماسا، ەگەردە جۇرەگىڭ ول ماماندىقتى قالاماسا وندا ول سەنىڭ ماماندىعىڭ ەمەس. ماماندىق تاڭداۋ وتە كۇردەلى ءىس، ءوز ءىسىڭدى تاڭدار الدىندا اسىعىس شەشىم قابىلداماي، ەڭ الدىمەن بارلىق ماماندىقتاردى تانىپ، سارالاپ، ول ماماندىق نەۋشىن كەرەك ەكەندىگىن ءبىلۋىڭ قاجەت. مەنىڭ ويىمشا سەنىڭ ماماندىعىڭ ساعان قاندايدا ءبىر بەلگى بەرەدى، سەن ونى دۇرىس قابىلدا. سەنىڭ سۇيىكتى ءىسىڭ نە؟ سەن نەنى قالايسىڭ؟ 

ماماندىق تاڭداۋ — ومىرگە ءبىر كىرپىش قالاۋمەن تەڭ. توقسان اۋىز ءسوزدىڭ توبىقتاي ءتۇيىنى، ساياساتپەن شۇعىلدان ايتپەسە ساياسات سەمەن شۇعىلدانادى! ءبىر مامان يەسى بول جانە سول ماماندىعىڭنىڭ جەمىسىن كور، العا قاراي ۇمتىل سەبەبى سەن مىقتىسىڭ!

---