ءبىر تامشى وي...
ايگىلى قالامگەر ءازىلحان نۇرشايىقوۆتىڭ "ماحاببات، قىزىق مول جىلدار" تۋىندىسىمەن كوپشىلىگىڭىز تانىس بولارسىز.ادام بويىنا اسىل قۇندىلىقتاردى قۇياتىن شىعارمانىڭ ءاربىر بولىگى سيقىرمەن بەدەرلەنگەندەي.جۇرەكتى جاۋلاعان قوس كەيىپكەردىڭ قيلى تاعدىرى وقىرمان جۇرەگىنە جول تارتا ءبىلدى.ال، ەربولدىڭ سۇيگەن جارى -مەڭتايدىڭ اسىل اناسىنىڭ مانگە تولى جۇرەكجاردى ناقىلدارىن نازارلارىڭىزعا ۇسىنباقپىن:
"ەل بيلەگەن جاقسى ادامنىڭ ءومىردىڭ كۇندەلىكتى كۇيبەڭىمەن كەتىپ، ەرتەڭگى ۇرپاققا مۇرا بولارلىق ءوز اتىنان ەشتەڭە قالدىرماۋى وكىنىشتى.اباي اتامىزدىڭ وزگەلەردەن ارتىقشىلىعى دا وسىندا-ارتىنا تاستاپ كەتكەن اسىل كىتابىندا عوي"
"بىرەۋدى پالەنشە كوپ بىلەدى دەپ ماقتايدى.كوپ بىلگەن ادام كوپ تىندىرسا، ماقتاۋعا بولار ەدى.كوپ ءبىلىپ تۇك تىندىرمايتىندار دا بار.مۇنداي ىسكە پايداسىز بىلگىشتىكتى ءبىلدىم دەۋدىڭ قاجەتى جوق.ونداي "بىلگىشتەن" از ءبىلىپ، كوپ تىندىراتىن قوڭىرقاي ادامنىڭ ءوزى ارتىق"
"اۋىز شەشەندىك اركىمدە بولادى.اسىرەسە قىزدىڭ اۋزى سۇيرەڭدەپ، كوپ سويلەمەگەنى ابزال.ويتكەنى قىزدىڭ كۇلكىسى، جىميۋى، باس يزەۋى، كوزقاراسى، ءجۇرىس-تۇرىسى-بارى دە سايراپ تۇرعان ءسوز.سوندىقتان دا از سويلەپ، اينالاسىنا اقىلمەن تانىلعانى دۇرىس"
"شوشاڭداعان قىز شەشەنىڭ اتىنا كىر كەلتىرەدى"
"بالاسى اراق ىشسە، شەشەسى ۋ ىشەدى.ماسكۇنەم جامان بالا جاقسى انانى اجالىنان بۇرىن كورگە كىرگىزەدى"
"جامان تۋىس تىستەۋىك، جاقسى جولداس ۇيىرسەك.جاقسى دوس جامان اكەدەن ارتىق"
"اق كوڭىل مەن ادال نيەتتەن تۋعان ءىس اسەم بولماسا دا سۇيكىمدى.ايلا مەن ارامدىقتان تۋعان ءىس، ادەمى بولسا دا-جيىركەنىشتى"
"كەي ادام كىلت ەتپە كەلەدى.ءبىراق ول مىنەز جاس بالاعا، سۇلۋ ايەلگە جانە ۇلى ادامعا عانا جاراسادى.بۇل ۇشەۋىنەن باسقاعا بىتكەن قىڭىرلىق-قىرسىقپەن تەڭ"
"ءتىرى ادامنىڭ بار باقىتى، بار قىزىعى جەر بەتىندە.وعان كوككە ۇمتىلۋدىڭ نەمەسە و دۇنيەدەن ءۇمىت ەتۋدىڭ قاجەتى جوق.سول سەبەپتى بار تەردى توگىپ، بارشا وي مەن اقىلدى جۇمساپ جەر بەتىن، تۇرعان ءۇيىڭدى جۇماق ەتە ءبىل"
"دوستى سىرتتان ىزدەمە، جاقىننان ىزدە، ءوزىڭنىڭ ىشىڭنەن، ىشكى دۇنيەڭنەن ىزدە.جانىڭ جاقسى، جۇرەگىڭ جىلى، اقىلىڭ پاراساتتى بولسا-ىزدەگەن دوسىڭ الىستان ءۇيىرىلىپ ءوزى كەلەدى"
"ەشقاشان دا ەشكىمدى جامانداما.ەڭ جامان دەگەن ادامنىڭ دا ءوز جاقسىلىعى بولادى"
"ەشكىممەن بارقىلداپ ۇرىسپا، باعاڭدى جوياسىڭ"
"جازعى سالقىننان جانىڭدى اياما"
You Might Also Like
-
قازانعاپ كۇيشىنىڭ ونەرى شارتاراپقا تاراپ بەلگىلى بولا باستاعان شاعى بولسا كەرەك. قايدا بارسا دا، ەلى قۇرمەتتەپ قارسى العان عوي. جىلدا جازعىتۇرىم اۋىل-ەلدى ارالاپ، كۇمبىرلەتىپ كۇيىن تارتىپ، مايىن تا...
-
«بەرەرمەنگە بەسەۋ كوپ» دەگەندەيىن اعىلشىن كاپيتاليستەرى شاحتەرلەردىڭ قيىن قىستاۋ، تار كەزەڭدە جانى قينالىپ ءجۇرىپ تاپقان از تيىنىن «تاماعىڭ» دەپ ءبىر ۇستاسا، «جۇمىس كيىم...
