"جىرلارىم - ەلگە مۇرا، ۇرپاققا - امانات" - سۇلەيمەن بايازيتوۆ
ءومىربايانى:
سۇلەيمەن بايازيتوۆ 1944 جىلى 2 جەلتوقساندا پاۆلودار وبلىسى باياناۋىل اۋدانىنىڭ جۇمات شانين اۋىلىندا دۇنيەگە كەلگەن.
پاۆلودارداعى مال دارىگەرلىك تەحنيكۋمىن جانە قاراعاندى مەملەكەتتىك ۋنيۆەرسيتەتىنىڭ فيلولوگيا فاكۋلتەتىن ءتامامداعان.
اقىن، جۋرناليست، جازۋشى، اۋدارماشى، ءماشھۇرتانۋشى، ولكەتانۋشى.
جۇمىس باسپالداعى.
1971 جىلى باياناۋىل اۋداندىق «جەڭىس» (قازىرگى «بايانتاۋ») گازەتىندە ادەبي قىزمەتكەر، ءبولىم مەڭگەرۋشىسى ، رەداكتوردىڭ ورىنباسارى 1997-1999 جىلدار ارالىعىندا وبلىستىق «سارىارقا سامالى» گازەتىندە ءتىلشى بولىپ قىزمەت ەتتى.
1999 جىلدان 2008 جىلعا دەيىن كراسنوارمەيكا ورتا مەكتەبىندە «قازاق ءتىلى مەن ادەبيەتى» ءپانى بويىنشا ءمۇعالىم بولىپ قىزمەت ەتتى.
ەڭبەكتەرى.
العاشقى اڭگىمە، ولەڭدەرى 1962-1963 جىلدارى «تىڭ ولكەسى» گازەتىندە جارىق كورىپ، سودان بەرى اڭىز، پوۆەستەرى، رومانى، جىرلارى، سىقاق ولەڭدەرى، اڭگىمەلەرى، پوەمالارى، تانىمدىق ماقالالارى ، اۋدارمالارى كىتاپتاردا باسىلىپ ، عالامتوردا بەينەفيلمدەرى كورسەتىلىپ كەلەدى. اۋداندىق، وبلىستىق، رەسپۋبليكالىق گازەت-جۋرنالداردا جاريالانىپ تۇرادى. 1972 جىلى پاۆلودار قالاسىندا وتكەن جاس اقىن-جازۋشىلاردىڭ رەسپۋبليكالىق ايماقتىق كەڭەسىنە قاتىسقان.
«قۇدىرەتى كۇشتى ءبىر اللا» (2004)
«اقبالىق حازىرەت» - (2018)
«بالا ءماشھۇر» (2019) - اتتى جيناقتارى جارىق كوردى.
جازۋشىنىڭ «باستاۋ» (1979)، «جاسىباي باتىر» (2004)، «ەلسىزدەگى ەلەس» (2004)، «حان يەم» (2005)، «جارالى جەردىڭ جانارى» (2006) (ەكى تومدىق)، «كونە قازاقتىڭ قىڭىر قيسىنى» (2007)، «پايىمداۋ» (2007)، «مالايسارى باتىردىڭ سوڭعى ءازىلى» (2007)، «ءماشھۇرتانۋ ءورىسى» (2009)، «ءبالدۋ ءبالدۋ ءبارى وتىرىك» (2010)، «قىزىلتاۋ جەلتاۋ اياسى» (2010)، «الاش ارىستارى» (2012)،
«پوەمالار مەن اۋدارمالار» (2014)،
«جارىلىس» (2016)، ول اۋدارعان ومار حايام، پابلو نەرۋدا، ف.تيۋچيەۆ، لەسيا ۋكراينكا، يوگەننەس روبەرت بەحەر ولەڭدەرى، پوەمالارى سول سياقتى ۆ.يرۆينگ، م.تۆەننىڭ پروزالىق شىعارمالارى «الەم ادەبيەتى»، جۋرنالىندا، «پوەمالار مەن اۋدارمالار» جيناق كىتابىندا باسىلدى.
بالالارعا ارنالعان ءبىر توپ ولەڭدەرى اۋدارىلىپ (و.گريگوريەۆا)، 2013ج. ماسكەۋدەگى «حۋدوجەستۆەننايا ليتەراتۋرا» باسپاسىنان شىققان. «دومبىرا ي كولىبەل» اتتى قازىرگى زامان ادەبيەتىنىڭ ءۇش تومدىق انتولوگياسىنىڭ ءبىرىنشى تومىندا جارىق كوردى.
سول سياقتى ي. يگناتوۆسكايا اۋدارعان ءبىراز ولەڭدەرى ومبىدان شىعاتىن «يرتىش -وم»، «ينتەرەسنىي پاۆلودار» جۋرنالدارىندا جارىق كوردى.
«قوس ءتىل – قوس قانات»، «دۆا يازىكا كاك دۆا كرىلا» جىر جيناعىدا جارىق كوردى. اتالعان جيناق س.تورايعىروۆ اتىنداعى كىتاپحانا باسشىلىعىنىڭ باستاماسىمەن وبلىستا تۇڭعىش رەت زاعيپ ادامدارعا ارنالىپ، برايل شريفتىمەن باسىلىپ شىقتى. اقىننىڭ 75 - جىلدىعى لايىقتى اتالىپ ءوتتى.
ماراپاتتارى: «قازاقمىس» توبى مەن قازاقستان جازۋشىلار وداعىنىڭ ۇيىمداستىرۋىمەن وتكەن بالالارعا ارنالعان ادەبي شىعارمالار بويىنشا رەسپۋبليكالىق
«بالاۋسا» بايگەسىندە 3-ورىن يەگەرى اتاندى (2014). «ادەبيەت جانە پوەزيا» نوميناسياسى بويىنشا پاۆلودار وبلىسى اكىمىنىڭ، گرانتىنا، ستيپەندياسىنا بىرنەشە رەت يە بولدى.
پاۆلودار وبىلىس اكىمىنىڭ، قازاقستان جازۋشىلار وداعىنىڭ قۇتتىقتاۋ حاتتارىمەن ماراپاتتالدى. س. بايازيتوۆ باياناۋىل اۋدانىنىڭ قۇرمەتتى ازاماتى (2012).
پاۆلودار وبلىسى الدىندا سىڭىرگەن ەڭبەگى ءۇشىن ءتوس بەلگىسىنىڭ يەگەرى (2013).
«قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىمەن ماراپاتتالدى.
وسى سىلتەمەدە بەينە بايانى بار: https://youtu.be/WjVUA5Juv34
Kuttybai Madi
You Might Also Like
-
قازانعاپپەن سىيلاس، قادىرلەس بۇركىتباي دەگەن باي بولعان. مال تەگىن ادامعا بىتپەيدى عوي، بۇركىتباي ءتورت تۇلىكتىڭ ءتىلىن بىلەتىن، شارۋانىڭ ىعىن تاپقىش، تابيعات سىرىن تانىعىش زەرەك جان بولسا كەرەك.
-
1914 جىل ەدى. اعىلشىن كاپيتاليستەرىنىڭ قولشوقپارى پودريادششيك شەرنياز دەگەن بايدىڭ ءبىر اۋرۋ بۇزاۋى احمەت دەگەن جۇمىسشىنىڭ ءۇيىنىڭ الدىنا كەلىپ ءولىپ قالدى. شەرنياز باي اعىلشىنعا بارىپ:
