«بىرەگەي» – بىرلىككە باستاعان كوشباسشى
ەركىن ەلدە وسكەن ۇرپاقتىڭ رۋحى ءاردايىم بيىك بولۋى ءتيىس. جاستارى جالىن جۇرەكتى، ءورشىل نامىستى، بيىك رۋحتى بولسا – ول ەلدىڭ ەڭسەسى دە بيىك بولادى.
ن.ءا.نازاربايەۆ
نۇرسۇلتان ءابىش ۇلى نازاربايەۆ- قازاقستان ەلىنىڭ دامىپ، جەتىلۋىنە ۇلكەن ۇلەس قوسقان دارا تۇلعا. نۇرسۇلتان نازاربايەۆ وتە كورەگەن، اقىلدى، ءادىل، ءار قادامىن اڭدىپ باساتىن ايبارلى ادام. ول 1940 جىلعى 6 شىلدەدە الماتى وبلىسى قاسكەلەڭ اۋدانى شامالعان اۋىلىندا دۇنيە ەسىگىن اشقان. ال 1991 جىلدىڭ 1 جەلتوقسانىندا تۇڭعىش رەت قازاقستان رەسپۋبليكاسىنىڭ پرەزيدەنتى بولىپ سايلاندى.
نۇرسۇلتان ءابىش ۇلى نازاربايەۆ- ەلباسى بولىپ سايلانعان سوڭ، قازاق حالقى تاۋەلسىزدىك الدى. ەلباسى ەگەمەندىگىمىزدىڭ العاشقى كۇنىنەن باستاپ، جاتسا- تۇرسا ويلايتىنى دا، ايتاتىنى دا ەلىمىزدىڭ تىنىشتىعى مەن بىرلىگىن ساقتاپ قالۋ بولدى. بار ۋايىمى، حالىقتى اشتىققا، جالاڭاشتىققا ۇرىندىرماۋ بولدى. قازاقستاننىڭ تاۋەلسىز مەملەكەتكە اينالار جولىندا، نە قيلى قيىندىقتار كەزىندە حالقىن قولداپ، رۋح-جىگەرىن كوتەردى. قازاق حالقىنىڭ قۇلاعان ىرگەسىن قايتادان كوتەرۋ وڭاي بولعان جوق. الايدا، ەلباسىمىز بار كۇش-جىگەرىن ەلىنىڭ اياعىنا نىق تۇرۋىنا باعىتتادى. ەلباسىمىزدىڭ ارقاسىندا ءبىز كوپ جەتىستىكتەرگە قول جەتكىزدىك. مىسال كەلتىرەر بولساق، بايتاق ەلىمىز، تۇڭعىش پرەزيدەنتىمىزدىڭ باسشىلىعىمەن الەم مويىنداعان، جاھانعا اتى جەتكەن مەملەكەتكە اينالدى. سونىمەن قاتار، ەلىمىزدىڭ ەكونوميكاسىن جاقسارتىپ، حالقىمىزدىڭ ءال اۋقاتىن كوتەردى.
2012 جىلدىڭ 14 جەلتوقسانىندا قازاقستان رەسپۋبليكاسىنىڭ پرەزيدەنتى – ەلباسى ن.ءا. نازاربايەۆ «قازاقستان-2050» ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى جولداۋىن قازاقستان حالقىنا ارنادى. ءوزىنىڭ جولداۋىندا ەلباسى وتكەن 15 جىل بويىنشا رەسپۋبليكا دامۋىنىڭ نەگىزگى ناتيجەلەرىن تالدادى، قازىرگى زاماننىڭ باستى ۇردىستەرى مەن تۇيىندەرىن بەلگىلەپ، «قازاقستان – 2030» ستراتەگياسىنداعى كوپتەگەن تاپسىرمالار ءساتتى ورىندالدى، ەندى ەلدىڭ الدىندا جاڭا تاپسىرما ورىن الىپ تۇر – ول «قازاقستان – 2050» ستراتەگياسىنىڭ ىسكە اسۋ نەگىزىندەگى دۇنيەجۇزىنىڭ دامىعان 30 مەملەكەت قاتارىنا كىرۋ».
ءال-فارابي اتىنداعى قازاق ۇلتتىق ۋنيۆەرسيتەتىندە وقىتۋشىلار جەتەكشىلىگىمەن وتەتىن كوپتەگەن عىلىمي شارالار مەن كونفەرەنسيالار وتەدى. اتاپ ايتار بولسام، ت.ع.د، پروفەسسور قوزىباقوۆا فاتيما اپايدىڭ عىلىمي جەتەكشىلىگىمەن «رۋحاني جاڭعىرۋ» جانە «ۇلى دالانىڭ جەتى قىرى» باعدارلامالارىنىڭ اياسىندا فيلولوگيا جانە الەم تىلدەرى فاكۋلتەتىندە «قازاقستان – 2050» ستراتەگياسى: قالىپتاسقان مەملەكەتتىڭ جاڭا ساياسي باعىتى: بولاشاققا باعدارلانعان دامۋ باعىتتارى» اتتى كونفەرەنسياسى بولىپ ءوتتى. اتالمىش كونفەرەنسيادا «قازاقستان-2050» ستراتەگياسىنىڭ نەگىزگى باعىتتارى، ونىڭ ءمانى مەن ماڭىزدىلىعى، ەلىمىزدىڭ بولاشاعىنىڭ دامۋىنا اكەلەر پايداسى تۋرالى تالقىلاعان بولاتىنبىز. بۇل شارا ءوز كەزەگىندە جاس ستۋدەنتتەردىڭ سانا-سەزىمىن وياتىپ، مادەني ءارى رۋحاني باعىتتا دامۋىنا زور ىقپالىن تيگىزدى.
تاريحتى بىرەگەيلەر جاسايدى. ولار ۋاقىتتىڭ تەزىنەن دە وزا شاۋىپ، ءتىپتى بولاشاقتىڭ سارا جولىن سالىپ كەتەدى. جەر عالامشارىنىڭ تۇكپىرىندە ەسىمدەرى ماڭگى جاڭعىرادى. ال ماڭگىلىكتىڭ شەگى جوق. قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆ سول بىرەگەي تاعدىردى ەنشىلەگەن تۇلعا. نۇرسۇلتان ءابىش ۇلى وتىز جىلداي مەملەكەت باسشىسى بولعان تۇستا قازاقستاننىڭ جاھاندىق ارەناداعى مارتەبەسىنىڭ بەكۋىنە وراسان زور ەڭبەك ءسىڭىردى.
2019 جىلدىڭ 19 ناۋرىزىندا كەشكى ساعات 19:00-دە نۇرسۇلتان نازاربايەۆ قازاقستان حالقىنا سوڭعى رەت مالىمدەمە جاساپ، ءوزىنىڭ پرەزيدەنت وكىلەتتىگىن توقتاتاتىنىن مالىمدەدى. وسىلايشا، نازاربايەۆ ق ر پرەزيدەنتى رەتىندەگى وكىلەتتىلىگىن توقتاتىپ، وتستاۆكاعا كەتتى. تاۋەلسىز قازاقستاننىڭ تۇڭعىش پرەزيدەنتى قازاقستان حالقىنىڭ جۇرەگىندە ۇلى ادام، دانا كوشباسشى، كەمەڭگەر دارا تۇلعا رەتىندە عانا ەمەس، سونداي-اق 30 جىل بويى ءوز حالقىنا تىنىشتىق پەن بەيبىتشىلىك سىيلاعان ۇلت كوشباسشىسى رەتىندە تاريحتا اتى قالدى.
ف.ا قوزىباقوۆا،
ءال-فارابي اتىنداعى قازۇۋ تاريح، ارحەولوگيا، ەتنولوگيا فاكۋلتەتى، تاريح عىلىمدارىنىڭ كانديداتى، پروفەسسور؛
دوسانوۆا زارينا،
فيلولوگيا جانە الەم تىلدەرى فاكۋلتەتىنىڭ 1-كۋرس ستۋدەنتى
You Might Also Like
-
اكادەميك اقاي نۇسىپبەكوۆتىڭ اتى بەرىلگەن اقاي اۋىلىنىڭ تاريحتان سىر شەرتەر مول مۇراسى مەن باعالى قازىنالارى جەتەرلىك. اقاي اۋىلىنىڭ ءومىر وتتارى، كەلەشەگىنە تىزگەن كورىكتى كوشى جانىڭدى جادىراتادى. ن...
-
ەلىمىزدىڭ تۇڭعىش پرەزيدەنتى ەلباسى ن ءا. نازاربايەۆ جالپىعا ورتاق ۇلتتىق كوشباسشى رەتىندە ءبىرقاتار جاڭا الەۋمەتتىك يدەولوگيالاردى ۇسىنىپ، ولاردىڭ جۇمىس جاساۋ مەحانيزمىنىڭ نەگىزگى تەتىكتەرىن جۇزەگە اس...
