ءبىرقاتار جوعارى وقۋ ورىندارىنىڭ ليسەنزياسى ۋاقىتشا توقتاتىلدى — بعم
ق ر ءبىلىم جانە عىلىم مينيسترلىگى بىرنەشە جوعارى وقۋ ورنىنىڭ ءبىلىم بەرۋ ليسەنزياسىنىڭ كۇشىن توقتاتتى. بۇل شەشىمگە ءبىرقاتار جوعارى وقۋ ورنىن قايتا تەكسەرۋ بارىسىندا ءبىلىم تۋرالى زاڭناما نورمالارىنىڭ بۇزىلۋى نەگىز بولدى.
«الماتى» ۋنيۆەرسيتەتى، «قاينار» اكادەمياسى، الماتى ەكونوميكا جانە ستاتيستيكا اكادەمياسى، قازاق مەديسينالىق ۇزدىكسىز ءبىلىم بەرۋ ۋنيۆەرسيتەتى، ا.قۋاتبەكوۆ اتىنداعى حالىقتار دوستىعى ۋنيۆەرسيتەتى جانە «Silkway» حالىقارالىق ۋنيۆەرسيتەتىن قايتا تەكسەرۋ قورىتىندىسى بويىنشا ءبىلىم بەرۋ سالاسىنداعى زاڭناما نورمالارىنىڭ بۇزىلۋى قايتا انىقتالدى.
وسىعان بايلانىستى ق ر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى «الماتى» ۋنيۆەرسيتەتى، الماتى ەكونوميكا جانە ستاتيستيكا اكادەمياسى، قازاق مەديسينالىق ۇزدىكسىز ءبىلىم بەرۋ ۋنيۆەرسيتەتى، ا.قۋاتبەكوۆ اتىنداعى حالىقتار دوستىعى ۋنيۆەرسيتەتى انىقتالعان بۇزۋشىلىقتار جويىلعانعا دەيىن ليسەنزياسىنىڭ كۇشىن توقتاتتى.
«قاينار» اكادەمياسى مەن «Silkway» حالىقارالىق ۋنيۆەرسيتەتىنىڭ ءىسى تەكسەرۋ قورىتىندىسىنا شاعىمدانۋىنا بايلانىستى سوتتا قارالۋدا. سوت پروسەسى اياقتالعاننان كەيىن ءتيىستى شارالار قابىلدانادى.
سونىمەن قاتار م.ح. دۋلاتي اتىنداعى تاراز وڭىرلىك ۋنيۆەرسيتەتىندە «قۇقىق» دايارلاۋ باعىتى بويىنشا (باكالاۆريات) ليسەنزياعا قوسىمشانىڭ قولدانىلۋى توقتاتىلدى.
وسى رەتتە تالاپكەرلەردى زاڭناماعا سايكەس ءبىلىم بەرۋ قىزمەتىن جۇرگىزۋگە ليسەنزيانىڭ قولدانىلۋى توقتاتىلعان جاعدايدا جوعارى وقۋ ورنى جاڭا 2020-2021 وقۋ جىلىنا قابىلداي المايتىندىعىنا نازار اۋدارۋلارىن سۇرايمىز.
You Might Also Like
-
ق ر ءبىلىم جانە عىلىم ءمينيسترى اسحات ايماعامبەتوۆ ەلىمىزدەگى مەكتەپتەردە وقۋ اپتاسىنىڭ ۇزارتىلۋىنا قاتىستى سۇراققا جاۋاپ بەردى.
-
ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىندا «بالالاردىڭ مەكتەپكە دەيىنگى ساپالى تاربيە جانە وقىتۋ مەن تولىق قامتىلۋىن، ولاردىڭ مەكتەپكە دەيىنگى تاربيە جانە ...
