كەزەكشى سىنىپتا وقيتىن بالا ماسكانى ءوزى الىپ كەلۋى ءتيىس
قاشىقتان ءبىلىم الاتىن بالالار ءۇشىن ساباق ۇزاقتىعى — 30 مينۋتقا دەيىن. بۇل تۋرالى نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا ايتتى.
«كەزەكشى سىنىپتاردى اتا-انالاردىڭ ءوتىنىشى نەگىزىندە جاساقتايمىز. ال مەكتەپتەر كەزەكشى سىنىپ فورماتىندا جۇمىس ىستەيتىن پەداگوگتار قۇرامىن دەربەس قالىپتاستىرادى. دەگەنمەن، جاس ەرەكشەلىكتەرىنە، سوزىلمالى اۋرۋلارعا بايلانىستى ءداستۇرلى فورماتتا جۇمىس ىستەيتىن مۇعالىمدەرگە شەكتەۋلەر بار. بۇعان قوسا، پەداگوگتار ءوز قالاۋى بويىنشا وففلاين نەمەسە ونلاين رەجيمدە جۇمىس ىستەي الادى»، — دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، كەزەكشى سىنىپتاردا 15 بالادان عانا ءبىلىم السا، ونلاين وقۋ بارىسىندا قولدانىلاتىن پلاتفورمالار 20-30 بالانىڭ ءبىر مەزگىلدە ساباق وتۋىنە مۇمكىندىك بەرە الادى.
«ەگەر مەكتەپتە شتاتتىق رەجيمدە وتەتىن ساباقتاردىڭ ۇزاقتىعى 40 مينۋتقا سوزىلسا، ونلاين رەجيمدەگى ساباقتار 15-تەن 30 مينۋتقا دەيىن بولادى. ويتكەنى، بالالارعا ونلاين رەجيمدە ساباق ءوتۋ وتە قيىن. سول سەبەپتى ادەستەمەلىك ۇسىنىستا ساباقتاردىڭ وسىنداي ۇزاقتىعى ايقىندالعان»، — دەدى شولپان قادىروۆا.
سونداي-اق ول كەزەكشى سىنىپتا وقيتىن بالالار ماسكانى وزدەرى الىپ كەلۋى كەرەكتىگىن ايتتى. ال ءبىلىم ۇيىمدارى بيۋدجەت قاراجاتى ەسەبىنەن پەداگوگتەردى قورعانىس قۇرالدارىمەن قامتاماسىز ەتەدى.
You Might Also Like
-
قازاقستاننىڭ ۇيالى بايلانىس وپەراتورلارى قاشىقتان وقۋ ءۇشىن ارناۋلى تاريف ازىرلەدى. بۇل تۋرالى «كۇندەلىك» ج ش س باس ديرەكتورى مۇحتار ءىلياسوۆ ايتتى.
-
ق ر ءبىلىم جانە عىلىم مينيسترلىگى جاڭا وقۋ جىلىندا ماگيستراتۋرا مەن دوكتورانتۋرا ستۋدەنتتەرىنىڭ قالاي وقيتىنىن ءتۇسىندىردى.
