InfoHub Logo

ءانشى مەرۋەرت تۇسىپبايەۆا الماتىدا قايتىس بولعان ءاقنار ءحاميتتىڭ ولىمىنە قاتىستى مالىمدەمە جاساپ، بۇل وقيعا سۋيسيد ەمەس، قاساقانا جاسالعان قىلمىس دەپ ەسەپتەيتىنىن جەتكىزدى. ونىڭ ايتۋىنشا، 21 جاستاعى كيمەپ ستۋدەنتى ءاقناردى وزىمەن بىرگە جۇرگەن قۇربىلارى بىرنەشە اي بويى ۇرىپ-سوعىپ، اقىرى جەتىنشى قاباتتان يتەرىپ جىبەرگەن.

– بۇل فوتودا تۇرعان قىزىمىزدى وزىمەن بىرگە جۇرگەن قىزدار 8-9 اي بويى قورلاپ، توناپ، سوققىعا جىققان. اقىرى جەتىنشى قاباتتان يتەرىپ جىبەرگەن. ال قىلمىستىق ءىس "سۋيسيد" دەپ تىركەلگەن، – دەپ جازدى ول.

ءانشى كۇدىكتىلەردىڭ ءبىرى 24 جاستا، وزگەلەرى 20-دا ەكەنىن ايتتى. ونىڭ پىكىرىنشە، اتا-انالار قىزدارىنىڭ كىممەن ارالاسىپ جۇرگەنىن ۇنەمى قاداعالاپ وتىرۋى قاجەت.

– بيشىمبايەۆ سالتاناتتى قالاي قيناپ ولتىرسە، ءاقناردى دە قۇربىلارى سولاي ازاپتاعان. اشىق سوتتى تالاپ ەتەمىز! حالىق ولاردىڭ بەت-جۇزىن كورۋى كەرەك! – دەپ مالىمدەدى ول.

ءاقناردىڭ اناسى دا ءىستىڭ ءادىل تەرگەلۋىن سۇراپ، ادىلدىك ىزدەپ ءجۇر.