وردا.كز
«نازاربايەۆتار اۋلەتىنىڭ زيراتىندا جاڭا ءقابىر پايدا بولدى» ەسكى قازاقستان سارا الپىس قىزىنىڭ قايتىس بولعانىن جاسىرىپ وتىر ما؟
تۇڭعىش پرەزيدەنت نۇرسۇلتان نازاربايەۆتىڭ جۇبايى سارا الپىس قىزىنىڭ قازاسى تۋرالى اقپاراتتى باسپا ءسوز حاتشىسى ايدوس ۇكىباي رەسمي تۇردە جوققا شىعارعانىمەن، كەيبىر اقپارات قۇرالدارى بۇل مالىمەتتى جوققا شىعارۋعا اسىعار ەمەس.بۇل تۋرالى Infohub.kz حابارلايدى.
Orda.kz پورتالىنىڭ حابارلاۋىنشا، الماتى وبلىسىنداعى شامالعان اۋىلىنداعى نازاربايەۆتار اۋلەتىنىڭ زيراتىندا جاڭا ءقابىر پايدا بولعان. جۋرناليستەر كورگەن قابىردە ەشقانداي جازۋ بولماعانىمەن، ول مارقۇم بولات نازاربايەۆتىڭ بەيىتىمەن قاتار ورنالاسقان. بۇل جاعداي سارا الپىس قىزىنىڭ ومىردەن وزعانى تۋرالى بولجامدى كۇشەيتىپ وتىر.
بۇدان بولەك، 16 مامىر كۇنى الماتى قالاسىنىڭ جوعارعى بولىگىندە ورنالاسقان نازاربايەۆتار وتباسىنىڭ رەزيدەنسياسى ماڭىندا پوليسيا مەن كۇزەت قىزمەتى كۇشەيتىلدى. مۇحاممەد حايدار دۋلاتي كوشەسى ۋاقىتشا جابىلىپ، رەزيدەنسياعا كىرىپ-شىعىپ جاتقان كولىكتەر، سونىڭ ىشىندە ءمايىت تاسيتىن كولىككە ۇقساس بىرنەشەە ارنايى كولىك بايقالعان. وقيعا ورنىندا بولعان Orda.kz تىلشىلەرىنىڭ ايتۋىنشا، بەيرەسمي كيىمدەگى كۇزەت قىزمەتكەرلەرى ولاردان بارلىق فوتو جانە ۆيدەو ماتەريالداردى ءوشىرۋدى تالاپ ەتكەن.
دەگەنمەن،قازىرگى تاڭدا بۇل اقپارات رەسمي تۇردە راستالماعان. سارا الپىس قىزىنىڭ ناقتى جاعدايىنا قاتىستى ءالى دەرەكتەر جاريالانعان جوق.
You Might Also Like
-
11 مامىر – انالار كۇنى. بۇل كۇن – جۇرەگىمىزدىڭ تورىنەن ورىن العان اسىل جاندى ارداقتاپ، بار مەيىرىم مەن العىستى ارنايتىن ەرەكشە مەرەكە. انا – ءومىردىڭ باستاۋى، وتباسىنىڭ تىرەگى، ىزگىلىكتىڭ سيمۆولى.
-
تاراز قالاسىندا الماتى وبلىسى ىلە اۋداندىق ءماسليحاتىنىڭ دەپۋتاتى، ادۆوكات نۇرلان بايعازييەۆ سوققىعا جىعىلدى. وقيعا 13 مامىر كۇنى كەشكىسىن جەرگىلىكتى كافەلەردىڭ بىرىندە بولعان. الدىن الا مالىمەتكە ءسا...
