InfoHub Logo

بيتكوين تاعى دا قارقىندى ءوسىپ، بۇرىن-سوڭدى بولماعان باعا دەڭگەيىنە كوتەرىلدى. سوڭعى تاۋلىكتە كريپتوۆاليۋتا شامامەن 3% قىمباتتاپ، 112 مىڭ دوللارعا جاقىندادى.

Binance ساۋدا الاڭىنداعى مالىمەتكە سۇيەنسەك، بيتكوين باعاسى ءبىر كۇن ىشىندە 2،7% ءوسىپ، 111 698 دوللاردى قۇرادى. ساۋدا ساتىندە ونىڭ ەڭ جوعارى قۇنى 111 999،79 دوللار بولدى – بۇل جاڭا تاريحي شەك.

CoinMarketCap پلاتفورماسى دا كريپتوۆاليۋتا نارىعىنداعى بۇل سەرپىندى راستادى: ولاردىڭ دەرەگى بويىنشا، بيتكوين قۇنى ورتا ەسەپپەن 111 732،61 دوللار شاماسىندا تۇراقتادى.

ايتا كەتەيىك، مامىر ايىندا بيتكوين 105 مىڭ دوللار دەڭگەيىندە ساۋدالانعان بولاتىن. سودان بەرى ول بىرنەشە مارتە شارىقتاپ، رەكوردتىق كورسەتكىشتەردى جاڭارتىپ كەلەدى.