بولاشاق جۋرناليستەر قاراعاندىدا ب ا ق سىناستى
ناۋرىزدىڭ 29 كۇنى جۋرناليستيكا ماماندىعى بويىنشا ح رەسپۋبليكالىق ءپان وليمپياداسىنىڭ ءبىرىنشى كەزەڭى ءوتتى. قازاق تەليەۆيزياسىنىڭ 60 جىلدىعىنا ارنالعان شارا ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتى تاراپىنان وتكىزىلۋدە. ماقساتى بولاشاق مامانداردىڭ كاسىبي قابىلەتتەرىن انىقتاۋ جانە تالانتتى ستۋدەنتتەردى قولداۋ. وليمپياداعا «جۋرناليستيكا» ماماندىعى بويىنشا ءبىلىم بەرەتىن 16 جوو-نىڭ 2-4 كۋرس ستۋدەنتتەرى قاتىستى.
ءبىرىنشى كەزەڭدە ءار ۋنيۆەرسيتەت كومانداسى وزدەرىن تانىستىرسا، تۇستەن كەيىن ستۋدەنتتەر تەليەۆيزيا تاقىرىبىنا ارنالعان ەسسە جازدى.
تانىستىرۋ كەزەڭىندە سۇلتانماحمۇت تورايعىروۆ اتىنداعى پاۆلودار مەملەكەتتىك ۋنيۆەرسيتەتى مەن قورقىت اتا اتىنداعى قىزىلوردا مەملەكەتتىك ۋنيۆەرسيتەتى ەڭ جوعارعى ۇپايعا يە بولدى. ال حالىقارالىق اقپاراتتىق تەحنولوگيالار ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتى جانە سۋلەيمان دەميرەل ۋنيۆەرسيتەتىنەن كەلگەن توپتار العاشقى ۇشتىككە ەندى. شارا سوڭىندا قاتىسۋشىلار ءۇشىن قارمۋ تاراپىنان قاراعاندى قالاسىمەن تانىستىرۋ جانە ۋنيۆەرسيتەت مۇراجايىنا ساياحات سەكىلدى مادەني دەمالىس ۇيىمداستىرىلدى.
بۇگىن، ناۋرىزدىڭ 30-ى كۇنى، وليمپيادانىڭ ەكىنشى كەزەڭى باستالدى. ستۋدەنتتتەر تەوريالىق ءبىلىمىن تەكسەرۋ ءۇشىن جۋرناليستيكانىڭ جانرى مەن پىشىندەرى، تاريحى جانە تەلەراديو جۋرناليستيكاسى پاندەرى بويىنشا 100 سۇراقتان تۇراتىن تەست تاپسىردى، ەكىنشى كەزەڭنىڭ كەلەسى تاپسىرماسى جۋرناليستەرگە جەدەل اقپارات تاراتۋ. رەسپۋبليكالىق وليمپيادا جەڭىپازدارى تۇستەن كەيىن بەلگىلى بولادى. سايىس ناتيجەسى قارمۋ سايتىندا جانە باسقا دا باق-تا جاريالانادى.
You Might Also Like
-
كارىباي ادەمى بولات قىزى ورال قالاسى، بقمۋ شەتەل تىلدەرى كافەدراسى، 4 كۋرس ستۋدەنتى كيسمەتوۆا گاليا ناگيبۋدايەۆنا ورال قالاسى، بقمۋ پەد.عىل.كانديداتى، دوسەنت، عىلىمي جەتەكشى
-
1895 جىلى كەيبىر جاعداياتتار، - بۇل ارادا ولارعا توقتالىپ جاتپايمىن، - ميستەر شەرلوك حولمس ەكەۋمىزدى ايتۋلى ۋنيۆەرسيتەت قالاشىقتارىنىڭ بىرىنە ات باسىن بۇرعىزدى؛ ءبىز وندا بىرنەشە اپتا بولىپ، تۇرپايىل...
