InfoHub Logo

«حالىقارالىق باعدارلامالار ورتالىعى» اق "بولاشاق" حالىقارالىق ستيپەندياسى ارقىلى ءبىلىم الۋدا ۇمىتكەرلەر تاراپىنان سۇرانىسقا يە بولىپ وتىرعان ماماندىقتاردى اتادى.

"قازىرگى ۋاقىتتا ۇمىتكەرلەر تاراپىنان «قۇقىق»، «حالىقارالىق قاتىناستار»، «بۋحگالتەرلىك ەسەپ جانە اۋديت»، «مەملەكەتتىك ساياسات»، «ءبىلىم سالاسىنداعى باسقارۋ»، «جۋرناليستيكا»، «اقپاراتتىق تەحنولوگيالار جانە جۇيەلەر»، «تەحنولوگيالار مەنەدجمەنتى، يننوۆاسيالىق مەنەدجمەنت» جانە ت.ب. ماماندىقتار اسا سۇرانىسقا يە"، - دەپ جاۋاپ بەردى «حالىقارالىق باعدارلامالار ورتالىعى» اق باسپا ءسوز قىزمەتى.

ايتا كەتەيىك، 2017 جىلى «بولاشاق» حالىقارالىق ستيپەندياسى ارقىلى «مەملەكەتتىك قىزمەتشىلەر»، «عىلىمي جانە پەداگوگ قىزمەتكەرلەر»، «ينجەنەرلىك-تەحنيكالىق قىزمەتكەرلەر»، «مادەنيەت قىزمەتكەرلەرى»، «مادەنيەت ۇيىمدارىنىڭ شىعارماشىلىق قىزمەتكەرلەر»، «بۇقارالىق اقپارات قۇرالدارى رەداكسياسىنىڭ قىزمەتكەرلەرى» ساناتتارى بويىنشا  ماگيستر دارەجەسىن الۋعا جانە تاعىلىمدامادان ءوتۋ ۇمىتكەرلەرى ءۇشىن جەڭىلدىكتەر بار. ولار ءۇشىن IELTS 5.5 دەڭگەيىندەگى كورسەتكىش جەتكىلىكتى جانە تىلدىك كۋرستاردان ءوتۋ مۇمكىندىگى قاراستىرىلعان.

قازاقپارات

---