InfoHub Logo

"حالىقارالىق باعدارلامالار ورتالىعى" اق وقۋ ۇلگەرىمى ناشارلاپ، ستيپەنديادان ايىرىلعان ستۋدەنتتەرگە قانداي شارا قولدانىلاتىنىن ورتالىقتىڭ باسپا ءسوز قىزمەتى ءتۇسىندىردى.

ورتالىقتىڭ مالىمدەۋىنشە، "بولاشاق" ستيپەندياسىنان ايىرۋ نەمەسە "بولاشاق" ستيپەندياسىنان باس تارتۋدى قابىلداۋ تۋرالى شەشىمدى رەسپۋبليكالىق كوميسسيا بەكىتەدى جانە اكىمشى («حالىقارالىق باعدارلامالار ورتالىعى» اق) بورىشكەرلەردى ءتيىستى شەشىم شىعارىلعان كۇننەن 10 جۇمىس كۇنى ىشىندە جازباشا حابارلاندىرادى.

«بورىشكەردىڭ شىعىنداردى ءبىر جولعى تولەممەن وتەۋ مۇمكىندىگى بولماعان جاعدايدا اكىمشى بەرەشەكتى وتەۋ تۋرالى تولەمدەر كەستەسىن قۇراستىرادى جانە ەرىكتى تۇردە وتەۋدى قاراستىراتىن 3 جىلدان ارتىق ەمەس مەرزىمگە كەلىسىم بەكىتەدى»، - دەپ جاۋاپ بەردى "حالىقارالىق باعدارلامالار ورتالىعى" اق باسپا ءسوز قىزمەتى.

جاسالعان كەلىسىم شەڭبەرىندە شىعىنداردى تولەۋ بويىنشا مىندەتتەمەلەر ورىندالماعان نەمەسە بورىشكەر شىعىندار سوماسىن ەرىكتى تۇردە وتەۋدەن باس تارتقان جاعدايدا اكىمشى شىعىنداردى سوت تارتىبىندە ءوندىرىپ الادى.

"شىعىنداردى بورىشكەرلەردەن وتەۋ تۋرالى بىتىمگەرشىلىك كەلىسىمدى جاساۋ ءتارتىبى قازاقستان رەسپۋبليكاسىنىڭ ازاماتتىق زاڭناماسىنا سايكەس جۇزەگە اسىرىلادى. بورىشكەر قارىز سومانى وتەمەگەن نەمەسە بورىشكەر شىعىندار سوماسىن ەرىكتى تۇردە وتەۋدەن باس تارتقان كەزدە، كەپىلگە قويىلعان جىلجىمايتىن مۇلىكتى ساتۋ بورىشكەردىڭ قارىز سوماسىن وتەۋ ەسەبىنە قايتارۋ بويىنشا سوتتىڭ شەشىمى بويىنشا جۇزەگە اسىرىلادى"، - دەيدى ورتالىقتىڭ باسپا ءسوز قىزمەتى.  

ەسكە سالا كەتسەك، 2016 جىلى ۇلگەرىمىنىڭ تومەندىگىنە، ادەتتە، شەتەل ءتىلىن ناشار مەڭگەرگەندىگىنە بايلانىستى 28 ادام گرانتتان ايىرىلعان.

جالپى ستاتيستيكاعا سايكەس، 2005 جىلدان باستان وقۋ ۇلگەرىمىنە قاتىستى 362 ادام ستيپەنديادان قول ءۇزىپ قالدى، بۇل شامامەن 2 پايىزدى قۇرايدى. 2013 جىلى ولار 147 ملن تەڭگەنى، 2014 جىلى - 272 ملن تەڭگەنى، 2015 جىلى - 384 ملن تەڭگەنى، ال 2016 جىلى 960 ملن تەڭگەنى وتەگەن. بيىلعى جىلدىڭ سوڭىنا دەيىن 1 ملرد تەڭگە توڭىرەگىندە وتەلەدى دەپ جوسپارلانعان.

قازاقپارات

---