InfoHub Logo

وڭتۇستىك  قازاقستان وبلىسى، اسىقاتا كەنتى
«№121جوم» كوممۋنالدىق مەملەكەتتتىك مەكەمەسىنىڭ
10 «ب» سىنىپ وقۋشىسى قادىرحان  دانا
قازاق ءتىلى ءپانىنىڭ ءمۇعالىمى: تۋرماحانبەتوۆا عاليا قالدىباي قىزى

بالا كۇنىمدە ارمانىمدا شەك بولماۋشى ەدى. كورگەن دە، كورمەگەن دە نارسەمدى ارمانداي الۋشى ەدىم. وسە كەلە، ادامنىڭ اقىل-ويى تولىسىپ، ءومىردى شىنايى بەينەسىندە قابىلداي باستايتىندىقتان، ارمانىڭنىڭ باعىتى دا وزگەرۋى مۇمكىن.

ارمان - ساتتىلىككە باستار جولدىڭ العاشقى باسپالداعى. مەنىڭ دە ارمانىم بار. ارماندار ورىندالادى.ۇكىلەگەن  ءۇمىتتىڭ راحاتىنا بولەنىپ ءومىردىڭ تاتتىلىگىن سەزىندىرەتىنىن “ارمان” اتتى قۇندىلىقتىڭ  نارقىن ءبىلىپ، اپپاق ارماننىڭ يەسىنە اينالۋدان قورىقپايمىن. ويتكەنى، ءبىز قايتالانباس جارقىن ساتكە تولىعىمەن لايىقتىمىز!

ەلباسىمىز نۇرسۇلتان ءابىش ۇلى نازاربايەۆ: “جارقىن بولاشاق - جاستاردىڭ قولىندا” دەگەندەي، ءبىزدىڭ بولاشاعىمىز ءوز قولىمىزدا.

مەنى وسكەندە كىم بولامىن، قانداي ماماندىقتى تاڭدايمىن دەپ ويلانامىن.  ماماندىق تاڭداۋ - ءومىرىڭنىڭ ءبىر كىرپىشىن دۇرىس قالاۋ دەپ تۇسىنەمىن. ءوزىڭ اينالىسقىڭ كەلەتىن جۇمىستى تاڭداۋ عانا ەمەس، ءوزىڭ ارالاسقىڭ كەلەتىن ورتانى دا تاڭداۋ دەگەن ءسوز. ومىردە ادام ەكى نارسەدەن قاتەلەسپەۋ كەرەك. ءبىرىنشىسى - جار تاڭداعاندا، ەكىنشىسى – ماماندىق تاڭداعاندا. ومىردەن ءوز ورنىمىزدى تاۋىپ، ادال ەڭبەك ەتۋ ءار ادامنىڭ ارمانى دەپ ويلايمىن. ارينە، ءار ادامنىڭ دا تاڭداۋى ءار ءتۇرلى.

ماماندىق تاڭداۋدا قاتەلەسۋگە بولمايدى، ويتكەنى ءاربىر ادامنىڭ بولاشاعى تاڭداعان ماماندىعىنا بايلانىستى بولماق. بولاشاعىمدى تاڭداعان ماماندىعىممەن بايلانىستىرامىن. ول ءۇشىن مەن ەڭ الدىمەن ساباعىمدى جاقسى وقىپ، مەديسينالىق ۋنيۆەرسيتەتكە ءتۇسۋىم قاجەت.

مەنىڭ ارمانىم - دارىگەر بولۋ. دارىگەر بولۋدى جانىم سۇيەدى. دارىگەر - ول ءوزىنىڭ ادامدارعا بەرگەن شيپاسى، ادامدى ساۋىقتىرىپ، ادامداردى ءومىر سۇرۋگە كۇش سالاتىن جاندار!  سوندىقتان  «اق حالاتتى ابزال جاندار!» -دەپ حالقىمىز  ءجاي ايتپاعان. ادام ومىرىنە دەگەن جاۋاپكەرشىلىك، ادالدىق جانە ۇلكەن جۇرەك كەرەكتىگى ءسوزسىز. ادامدارعا مەنىڭ كومەگىم  تيسە، مەن ءوزىمدى باقىتتى جانمىن دەپ باعالار ەدىم.

ەڭ باستىسى، ادام ەڭبەككە قابىلەتتى، زەيىندى بولۋى قاجەت جانە ونىڭ ماماندىعى ءوزىن قورشاعان ورتاعا ماڭىزدى، باعالى ۇلەس قوساتىنداي بولۋى شارت. ءوز ىسىنە سەنىمدى، ماماندىعىن ءسۇيىپ تاڭداعان ادام عانا جەتىستىككە جەتەدى. ادام ەڭبەگىنەن قۋانىش تابا بىلسە عانا، شابىتى ارتا تۇسەدى. زور ىقىلاس، شابىتپەن ىستەلگەن ءىس بيىگىنە جەتكىزەتىن قانات. مەن ءوزىمنىڭ قالاعان مامان يەسى بولامىن! ارينە، بۇل جولدا تالاي قيىندىقتار تۋىندايتىنىن بىلسەم دە مەن ءوز ماقساتىما جەتەتىنىمە سەنىمدىمىن. وسى ورايدا ويىمدى جۇزەگە اسىرۋدا قازىرگى كۇننەن باستاپ العا قاراي قادام باسۋدامىن. بارلىق جىگەرىمدى بىلىمگە،ساباققا سالۋ كەرەك.

ويىمدى قورىتىندىلايتىن بولسام، مەن دە  قوعامعا پايدامدى تيگىزگىم كەلەدى. ماماندىق تاڭداۋدا قاتەلەسپەگەن سياقتىمىن.
اتا-انا بالانىڭ كوز قۋانىشى، ءبىراق قىز بالا ءۇشىن انانىڭ ورنى وتە زور،سول ءۇشىن انامدى قۋانتقىم كەلەدى. ارمانىمىز بيىكتە بولسىن! ءارقاشاندا ارمانىمىزعا ۇمتىلىپ، تالپىنىپ، شارىقتاۋ شەگىنە جەتەيىك دوستار دەگىم كەلەدى.

---