بورا-بورا - الەمنىڭ ادەمى ارالى
بورا بورا ارالى - فرانسۋز پولينەزياسىنىڭ شيپاجايى ءارى تىنىق مۇحيتىنىڭ مارجانى.
ول ءتايتيدىڭ سولتۇستىك-باتىسىندا 240 شاقىرىم جەردە ورنالاسقان. ءولى جانارتاۋدىڭ اسەرىنەن ارالدىڭ قاق ورتاسىندا ەكى قۇز پايدا بولعان. ال شەتىن ءمۇيىس قورشاپ تۇر. بورا بورا – "الەمنىڭ ەڭ ادەمى ارالى" اتاعىن ەكزوتيكالىق كورىنىسى مەن ءتۇرلى-تۇستى فلوراسى، سان الۋان جانۋارلار تۇرىنە تولى فاۋناسىنىڭ ارقاسىندا العان. مارجان تۇستەس ساياباقتاردى ارالاپ، اكۋلالار مەن باسقا دا جانۋارلارعا جەم بەرۋ كەلۋشىلەردىڭ ساياحاتىن جانداندىرا تۇسەدى. ءمۇيىس تۇبىندە ەكسكۋرسيا كەزىندە جەم بەرۋگە رۇقسات ەتىلەتىن بارراكۋدتار مەن اكۋلالار بار. بورا بورانىڭ قاق ورتاسىندا ءار ءتۇرلى بالىقتارعا تولى ۇلكەن لاگۋناريۋم (اكۆاريۋم) سالىنعان. وسى جەرگە سۋعا ءتۇسىپ، تاسباقالار، اكۋلالارمەن بىرگە جۇزسەڭىز بولادى. بۇدان وزگە يتاليان، فرانسۋز، شىعىس، اۋستراليا ەلدەرىنىڭ تاعامدارىن دايىندايتىن مەيرامحانالار دا بار. تاماق ىشەتىن ورىندار تەك قۇرعاق جەرلەردە ەمەس، سۋ بەتىندە دە ورنالاسقان. بورا بورا ايماعىندا 7500 ادام تۇرادى. ال ارالدىڭ باتىس جاعىنداعى ۆايتاپە ايماعىندا 4000 تۇرعىن قونىستانعان. ارال ەكونوميكاسىن كوتەرىپ، تۇرعىندارعا جايلى ءومىردى قامتاماسىز ەتىپ وتىرعان - تۋريزم. ارالدىڭ وڭتۇستىگىندەگى ماتيرا جاعاجايى فرانسۋز پولينەزياسىنداعى ەڭ ءادىمىسى. ونىڭ ءسانىن كىرگىزىپ تۇرعان بيىك كاكوس اعاشتارى. ال جاعاجايدىڭ ۇزىندىعى 3 شاقىرىم.
You Might Also Like
-
امەريكاندىق پەداگوگ حەلەن پاركەرحەرست مەكتەپتەگى وقۋشىلاردى وقىتۋ پروسەسىن زەرتتەپ، وقۋشىلاردى وقىتقان كەزدە مۇعالىمدەر ماجبۇرلەپ وقىتادى دەگەن قورىتىندىعا كەلگەن.
-
قازاقتىڭ الاۋ باتىرىنىڭ زامانىندا بولسا كەرەك، اتتارى ەدىل، جايىق دەگەن ەكى ادام بولىپتى. ەدىل ەدىلدىڭ ارعى بەتىن، جايىق جايىقتىڭ شىعىس بەتىن ...
