InfoHub Logo

گەنناديي گولوۆكيننىڭ قارسىلاستارى ونىڭ ويسىراتا ۇراتىن سوققىسىنا توتەپ بەرە الاتىنىن جانە GGGء-دىڭ مەرزىمىنەن بۇرىن جەڭىسكە جەتۋ ءۇردىسى كەزدەيسوق جاعداي ەكەندىگىن ءجيى ايتادى. نازارلارىڭىزعا گولوۆكيننىڭ قارسىلاستارىنىڭ ايقاسقا دەيىن ونىڭ جۇدىرىقتاسۋ ءستيلى جايلى بىلدىرگەن پىكىرلەرى ۇسىنىلىپ وتىر. ريڭگە شىعار الدىندا نە دەپ پىكىر بىلدىرگەن ەدى، جانە كەزدەسۋ ناتيجەسىندە نەمەن اياقتالدى؟

دەنيەل گيل (26 شىلدە 2014 جىل):
— گولوۆكيننىڭ بەدەلى ماعان ۇرەي تۋدىرمايدى. وسىعان دەيىن وعان ادەيى سونداي (ءالسىز) قارسىلاستاردى تاڭداپ اكەلگەن، سوڭعى كەزدەسۋلەرىنىڭ ەرتە اياقتالىپ ءجۇرۋىنىڭ سەبەبى دە وسىدا. سولاي بولۋى كەرەك بولعان. ءبىراق، مەنىمەن بوكستاسۋ -  بۇل باسقا دەڭگەي ەكەنىن تۇسىنىڭىزدەر، مەن مۇنى دالەلدەيمىن. جوعارى دەڭگەيلى بوكسشىعا قارسى قانداي ونەر كورسەتە الاتىنىن كورەيىك. 
ايقاس تەحنيكالىق نوكاۋتپەن 3-راۋندتا GGGء-دىڭ جەڭىسىمەن اياقتالدى. 

وسۋمانۋ اداما (1 اقپان 2014 جىل):
— گولوۆكين ءقاۋىپتى جانە مىقتى بوكسشى. ءبىز ءبارىمىز مۇنى بىلەمىز. ول ءاردايىم پرەسسينگتەپ، ۇدايى سوققىلار جاساپ وتىرادى. ءبىراق مەن دە مىقتى بوكسشىمىن جانە ەشكىمنەن قورىقپايمىن. مەن وعان ەرەكشە بىردەڭە كورسەتپەكپىن. مەن وزىمە سەنىمدىمىن. گولوۆكينمەن جۇدىرىقتاسۋ ءۇشىن بوكسشى بولۋىڭ كەرەك. قيمىلداي وتىرىپ، سوققى جاساپ وتىرۋىڭ كەرەك. ريڭدە مەن ءدال وسىنى جاساماقپىن. ايقاسقا جاساعان جوسپارىم وسى. 
گولوۆكينمەن ايقاستا اداما 1، 6 جانە 7 راۋندتاردا نوكداۋندا بولدى. كەيىن ايقاس مەرزىمىنەن بۇرىن اياقتالدى. 

كەرتيس ستيۆەنس (2 قاراشا 2013 جىل):
— مەن ايقاسقا دەمالۋ ءۇشىن بارامىن، مەن وندا كوڭىل كوتەرۋ ءۇشىن بارامىن. مەن وندا ىستەپ جۇرگەنىمدى ىستەۋ ءۇشىن بارامىن. ءبىراق ول باسقا قارسىلاستارعا كورسەتىپ جۇرگەن ونەرىن ماعان كورسەتە الا ما؟ مەن جۇدىرىقتاسىپ، ونى باسىپ تاستاۋعا دايىنمىن. مەن جەڭۋگە دايىن بولىپ بارامىن. 
كەزدەسۋ تەحنيكالىق نوكاۋتپەن اياقتالدى. سەگىزىنشى راۋندتان كەيىن رەفەري ايقاستى توقتاتۋعا شەشىم شىعاردى. 

گابريەل روسادو (19 قاڭتار 2013 جىل):
— مەن ونى نوكاۋتقا جىبەرەمىن. 8-9 راۋندقا جەتپەي-اق! مەنىڭ بۇعان مۇمكىندىگىم از دەپ ويلايدى. ءبىراق ەگەر ءبىزدى مۇقيات سالىستىرار بولساڭىزدار، مەن وزگەشە بوكسشى ەكەنىمدى بايقايسىزدار. مەنىڭ تاجىريبەم جوعارى. ونىڭ مىقتىلىعى جايلى كوبى ايتادى. ءبىراق مەنىڭ كۇشىمە لايىقتى باعا بەرمەي جۇرگەن سىڭايلى. مەن دە ويسىراتا سوققى جاساي الامىن. نوكاۋتقا جىبەرە الامىن. 
12 راۋندتىق ايقاستا گولوۆكين 7-راۋندتا تەحنيكالىق نوكاۋتپەن جەڭدى. 

گجەگوج پروكسا (1 قىركۇيەك 2012 جىل):
— گولوۆكيندى نوكاۋتقا جىبەرە الاتىنىما كۇمانىم جوق. مەن بۇكىل الەمگە ونەرىمدى كورسەتە الاتىنداي مۇمكىندىك الدىم جانە مۇنى جىبەرىپ الماس ءۇشىن بارىمدى سالامىن. قيىن ايقاس كۇتىپ تۇر، ءبىراق مەن جەڭەتىنىمە سەنىمدىمىن. 
5-راۋندتا تەحنيكالىق نوكاۋتپەن گولوۆكيننىڭ جەڭىسى. 
گولوۆكينمەن جۇدىرىقتاسۋعا شىعىپ، جەڭىلىس تاپقاننان كەيىن ونىڭ مىقتىلىعىن مويىنداپ، جەڭىلگەندەرىن ابىرويمەن كوتەرگەن سپورتشىلاردىڭ ەرلىگىن اتاپ وتپەسكە بولمايدى. 

ماركو انتونيو رۋبيو (19 قازان 2014 جىل):
— مەن ءوز قارسىلاسىمدى وتە قۇرمەتتەيمىن. ول مىقتى، قايتالانباس بوكسشى ەكەنىن بىلەمىن، ءبىراق مەن دە قالىسپايمىن. مەن جانكۇيەرلەرىمە جەڭىس سىيلاعىم كەلەدى، جانە ولارعا قىزىقتى ايقاس كورسەتە الاتىنداي تاجىريبەم بار ەكەنىن بىلەمىن. مەن جەڭىلىس جايلى ويلامايمىن. مەن قۇربان بولماي، جانكۇيەرلەرىم مەن بوكس الەمىنىڭ سىيلاستىعىنا كەنەلۋ ءۇشىن بارىمدى سالامىن. 
گولوۆكين رۋبيونى ەكىنشى راۋندتا نوكاۋتقا جىبەردى. 

داۆيد لەمە (17 قازان 2015 جىل):
— ايتقانىمداي، مەن مىقتىلاردىڭ كەز كەلگەنىمەن جۇدىرىقتاسۋعا دايىنمىن، ال گولوۆكيىن ورتا سالماقتاعىلاردىڭ ىشىندەگى ەڭ مىقتىسى. گولوۆكين، بالكىم، بوكستاعى ۇرەي  تۋدىراتىن ادامداردىڭ ءبىرى شىعار، ءبىراق 17 قازان كۇنى ورتا سالماقتا جاڭا ۇرەي تۋدىراتىن بوكسشى پايدا بولادى. قان توگىلەدى، وتشاشۋ بولادى، ءبىراق بۇل ايقاستا مەن جەڭىمپاز بولىپ شىعامىن. 
گەنناديي گولوۆكين 8-راۋندتا مەرزىمىنەن بۇرىن جەڭىسكە جەتتى. 

 

---