ساعىنىش
كىشكەنتاي قىز اناسىمەن باستاۋىش مەكتەپكە كەلە جاتادى. ءبىر كەزدە جاڭبىردان سۋ بولعان كوزىلدىرىگىن ءسۇرتىپ قويىپ ءبىر نارسەگە قاراپ توقتايدى. اناسى قىزىنىڭ نازارىنا ىلىككەن نە ەكەن دەپ قاراسا، اكەسىمەن ۆەلوسيپەدتە كەلە جاتقان باسقا كىشكەنتاي قىز ەكەنىن كورەدى. ۆەلوسيپەدتىڭ ارتقى ورنىندا وتىرعان كىشكەنتاي قىز قۇلاپ قالماۋ ءۇشىن اكەسىن جابىسا قۇشاقتاپ، سۋىقتان قىزارعان بەتىن اكەسىنىڭ ارقاسىنا تاياپ وتىر. اكەسى ءجيى-جيى قىزى جاققا باس بۇرىپ ءبىر نارسەلەردى ايتىپ قىزدى كۇلدىرىپ قويادى. الىستاپ بارا جاتقان ۆەلوسيپەدتەن كوز الماي قاراعان قىزعا اناسى كۇلىمدەپ:
- ۇيدەگى زاتتار جەتىسپەيتىندەي ەندى ۆەلوسيپەد العىزباقشىسىڭ با ماعان؟ ءبىراق ايتقانىڭ بولسىن، قاتتى ۇناتقان بولساڭ، ساتىپ الايىن، - دەيدى. كىشكەنتاي قىز جاۋتەڭدەپ:
- ۆەلوسيپەدكە قىزىققانىمنان ەمەس. اكەسى ۆەلوسيپەد ايداپ بارا جاتسا دا قىزىمەن اڭگىمەسىن ۇزبەي وتىر.
اناسى تۇك ەستىمەگەندەي... قىزىنىڭ قىمبات جىلى شاپكاسىن تۇزەتىپ تۇرىپ:
- كەيبىر بالالار وسىنداي سۋىقتىڭ وزىندە جاياۋ ءجۇر. اكەڭ بولسا جۇمىسقا اسىعىپ جاتسا دا، سەنى مەرسەدەسپەن قالاعان جەرگە اپارادى. قىزدىڭ ءالى دە ۆەلوسيپەدكە قاراپ تۇرعانىن كورىپ:
- قالاساڭ اكەڭ سەنى جىلى ماشينامەن ەمەس، ۆەلوسيپەدپەن اكەپ ءجۇرسىن، مۇنى وسىنشاما قىزىق كورسەڭ، - دەگەندە قىز مۇڭ ۇيالاعان جانارى جاساۋراپ:
- كۇشتى بولار ەدى! بالكىم سول كەزدە اكەشىمدى قۇشاقتاپ ساعىنىشىمدى باسارمىن...
You Might Also Like
-
بۇگىنگى تاڭدا اتا-انا مەن تاربيەشى اراسىنداعى ورتاق ماسەلە-بالا تاربيەسى ەكەنى بارشامىزعا ءمالىم. اتا-انا ءۇشىن بالا ءومىر جالعاسى، كوزدىڭ نۇرى،ءۇمىت كۇتكەن شىراعى، كەلەشەك قىزىق كورسەتەر بولاشاعى دەسە...
