InfoHub Logo

ساباقتىڭ تاقىرىبى: بوزتورعاي - دالا ءسانى.
ساباقتىڭ ماقساتى:
بىلىمدىلىك: اڭگىمەنى وقىتا وتىرىپ مازمۇنىن اشۋ، وتكەن تاقىرىپ بويىنشا العان بىلىمدەرىنىڭ ساپاسىن انىقتاۋ.
دامىتۋشىلىق: وقۋشىلاردىڭ وي – ساناسىن، سوزدىك قورلارىن دامىتۋ، شىعارماشىلىق قابىلەتىن جۇيەلەۋ.
تاربيەلىك: جان – جانۋارلارعا، قۇستارعا قامقورلىق كورسەتۋگە تاربيەلەۋ.
ساباقتىڭ ءادىس – تاسىلدەرى: ءتۇسىندىرۋ، سۇراق – جاۋاپ.
ساباقتىڭ ءتۇرى: ارالاس ساباق.
ءپانارالىق بايلانىس: دۇنيەتانۋ، قازاق ءتىلى.
كورنەكىلىكتەر: وقۋلىق، سۋرەتتەر، ءۇنتاسپا، جەمساۋىت.
قولدانىلاتىن تەحنولوگيالار: ساتىلاي كەشەندى وقىتۋ تەحنولوگياسى.

ساباقتىڭ جوسپارى:
I. ۇيىمداستىرۋ كەزەڭى.
II. ءۇي تاپسىرماسىن تەكسەرۋ.
III. جاڭا ساباق.
IV. وقۋلىقپەن جۇمىس.
V. داپتەرمەن جۇمىس.
VI. جۇمباقتار سايىسى
VII. حالىق بولجامى
VIII. ۆيكتورينا سۇراقتار
IX. جاڭا ساباقتى بەكىتۋ.
X. باعالاۋ

• ۇيگە تاپسىرما بەرۋ.
ساباقتىڭ بارىسى:
I. ۇيىمداستىرۋ كەزەڭ: ساباقتىڭ ۇستانىمدارىمەن تانىستىرۋ.
1. ۋاقىتىندا باستاۋ.
2. بەلسەندى بولۋ.
3. ءسوزدى بولمەۋ.
4. ءبىر - ءبىرىمىزدى قۇرمەتتەپ سويلەۋ.

II. ءۇي تاپسىرماسىن تەكسەرۋ:
بوزتورعايعا جاقسىلىق جاساماق بولعاندارى ءدۇرىس پا؟
بوزتورعايدىڭ ۇياسى مەن جۇمىرتقاسىنىڭ باسقا قۇستاردىكىنەن ايىرماشىلىعى نەدە؟
جاڭا ساباق.
ءۇنتاسپادان قۇستاردىڭ داۋىستارىن تىڭداتۋ.
- بالالار، بۇل نەلەردىڭ داۋىستارى؟
- قۇستاردىڭ.
- قۇستار جايىندا نە بىلەسىڭدەر؟ (قۇستار تابيعاتقا ءسان بەرەدى، اعاشتاردى زيانكەستەردەن قورعايدى، ولار تىرشىلىك يەلەرى)
قالقىپ تۇرىپ اسپاندا،
ءۇن شىعارىپ سان قيلى.
ونەرىنە باسقاندا،
تۇلا بويىڭ بالقيدى. (بوزتورعاي)
بۇگىنگى ءبىزدىڭ وتەتىن جاڭا تاقىرىبىمىز: بوزتورعاي - دالا ءسانى.
اۆتور جايلى دەرەك بەرۋ.

وقۋلىقپەن جۇمىس:
وقۋشىلارعا اڭگىمەنى مانەرلەپ وقىپ بەرۋ.
اڭگىمەنىڭ مازمۇنىمەن تانىستىرۋ.
وقۋشىلارعا ىشتەي وقىتۋ.
وقۋشىلارعا داۋىستاپ وقىتۋ.
ءماتىن بويىنشا سۇراق - جاۋاپ.
بۇل ماتىننەن بوزتورعاي تۋرالى قانداي جاڭا دەرەكتەر بىلدىڭدەر؟
بوزتورعاي قانداي قۇس؟
ماتىندەگى نەگىزگى وي قانداي؟

داپتەرمەن جۇمىس:
قۇستار - ءبىزدىڭ دوسىمىز. 3 سويلەمنەن تۇراتىن شاعىن شىعارما جازۋ.
(قۇستار تابيعاتقا ءسان بەرەدى. ولاردىڭ اۋەنى تابيعاتتى قۇلپىرتىپ، ادامداردىڭ كوڭىل - كۇيىن كوتەرەدى. قۇستاردى قامقورلىققا الۋ كەرەك.)
ءۇنتاسپادا «بوزتورعاي» ءانى ورىندالىپ تۇرادى.
جۇمباقتار سايىسى.
«قالت ەتكىزبەي قاعىپ ال،
جاۋابىن تەز تاۋىپ ال»
اۋەدە ءبىر نوقات،
تاپجىلماي قالقىپ تۇر.
ادەمى ءبىر ىرعاق،
اسپاننان شالقىپ تۇر.(بوزتورعاي)
ءتۇسى قارا ماقپالداي،
ءتوسى اق سىر جاققانداي.
ۇشسا وقتاي زۋلايدى،
كوكتەن جۇلدىز اققانداي.( قارلىعاش)

كولدىڭ كوركى، ءسانى ەكەن،
ۇشقاندا سازدى ءان ەكەن.
اقىندار ونى ماقتاعان،
ادامدار ونى قورعاعان. ( اققۋ)

ورماندا جوعارى،
اعاشقا قونادى.
تۇمسىعىن بالتا ەتىپ،
توق - توق سوعادى. (توقىلداق)

حالىق بولجامدارى.
حالقىمىز قۇستاردىڭ كەلۋىنە، كەتۋىنە قاراپ بولجامدار جاساعان. سولاردىڭ ءبىرازىنا توقتالا كەتەيىك.
قارلىعاش جوعارى ۇشسا كۇن جىلى بولادى، تومەن ۇشسا جاڭبىر جاۋادى.
كوكتەمدە قازدار قايتقاندا جوعارى ۇشسا سۋ تاسقىنى بولادى.
جاڭبىر جاۋاردا قارعالار ۋ - دا شۋ بولادى.
شىمشىق ۇيا سالسا، قىس قاتتى بولادى.
جىل قۇسى قاپتاپ كەلسە، كوكتەم ەرتە كەلەدى.
توپپەن جۇمىس. قۇستار جونىندە ۆيكتورينا سۇراقتارى.
قۇستاردىڭ نەگىزگى مەكەنى نە؟ (ۇيا)
ادام قاي قۇستى اڭ اۋلاۋعا پايدالانعان؟ (بۇركىت)
قاي اي قۇستىڭ اتىمەن اتالادى؟ (كوكەك)
قاي قۇستا مۇلدە ۇيا بولمايدى؟ ( كوكەك)
قانداي قۇس حات تاسۋشى اتانعان؟ ( كوگەرشىن)
قۇستىڭ جۇرەگى مينۋتىنا قانشا رەت سوعادى؟ (960)

جاڭا ساباقتى بەكىتۋ:
بۇگىنگى ساباقتان قانداي جاڭا مالىمەتتەر الدىڭدار؟
قانداي سەزىمدە بولدىڭدار؟
ساباق ۇنادى ما؟
بىرىككەن ۇلتار ۇيىمىنىڭ شەشىمى بويىنشا 1 ءساۋىر حالىقارالىق قۇستار كۇنى بولىپ بەلگىلەنگەن.
قازاق حالقى ەرتەدەن اڭ - قۇستاردى كيەلى ساناعان. سۇلۋدى - اققۋعا، ءانشىنى - بۇلبۇلعا، ەر جىگىتتى - قىرانعا، ەز جىگىتتى - جاپالاققا تەڭەگەن.
«قۇس دوسىمىز، قورعايمىز ءبىز،
ءسۇپ - سۇيكىمدى، سۇيەمىز بوزتورعايدى ءبىز.
اعاشقا ۇيا جاسايمىز اق كوڭىلمەن.
قاناتتى تۋىسقاندى قولدايمىز».

ءان «بوزتورعاي»
باعالاۋ.
ساباققا قاتىسقان وقۋشىلاردى باعالاۋ.
ۇيگە تاپسىرما بەرۋ:
اڭگىمەنى مانەرلەپ، تۇسىنىكتى وقۋ.