بقو وقۋشىلارى نازاربايەۆ زياتكەرلىك مەكتەپتەرىنىڭ باعدارلاماسىمەن وقي باستايدى
باتىس قازاقستان وبلىسىنىڭ اكىمدىگىندە «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ تاجىريبەسىن تاراتۋ ماسەلەسىنە ارنالعان كەڭەس ءوتتى.
شاراعا «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارما ءتورايىمى كۇلاش ءشامشيدينوۆا قاتىستى.
وبلىس اكىمى التاي كولگىنوۆتىڭ اتاپ وتكەنىندەي، ەلباسى تاپسىرماسىنا سايكەس ەلىمىزدە ءبىلىم سالاسىندا دا ساپالى وزگەرىستەر ورىن الۋدا. «رۋحاني جاڭعىرۋ» باعدارلاماسىن جۇزەگە اسىرۋداعى باستى كريتەرييدىڭ ءبىرى - قوعامداعى ءبىلىم دەڭگەيىنىڭ جوعارى بولۋى. وسى ورايدا حالىقارالىق ءبىلىم ستاندارتتارىنا سايكەس نازاربايەۆ ۋنيۆەرسيتەتى مەن زياتكەرلىك مەكتەپتەر ناتيجەلى جۇمىس اتقارىپ كەلەدى. زياتكەرلىك مەكتەپتەر ءبىلىم بەرۋ باعدارلامالارىنىڭ قازىرگى زامانعى ۇلگىلەرىن ازىرلەۋمەن بىرگە، ولارعا مونيتورينگ جاساپ، زەرتتەۋ، تالداۋ جۇمىستارىن جۇرگىزە وتىرىپ، جۇزەگە اسىرادى. سوندىقتان نازاربايەۆ زياتكەرلىك مەكتەپتەرىنىڭ تاجىريبەسىن وبلىستاعى بارلىق ءبىلىم وردالارىنا ەنگىزۋدىڭ ماڭىزى زور. ياعني جاڭارتىلعان ءبىلىم مازمۇنىنان ەشكىم دە تىس قالماق ەمەس. وسىعان وراي التاي كولگىنوۆ 22 قاراشا كۇنى جاڭادان تاعايىندالعان وبلىستىق ءبىلىم باسقارماسى باسشىسىنىڭ الدىنا قويىلعان تاپسىرمالاردى وبلىستاعى پەداگوگ كادرلارىنىڭ الدىندا تاعى ءبىر مارتە ەسكە سالدى.
جيىندا كۇلاش ءشامشيدينوۆا ءبىلىم سالاسىنداعى ماڭىزدى ماقسات-مىندەتتەردى اتاپ كورسەتتى.
سونداي-اق ءوڭىر ۇستازدارى جاڭارتىلعان ءبىلىم مازمۇنىن ەنگىزۋگە بايلانىستى ءوز وي-تولعامدارىمەن، ىس-تاجىريبەلەرىمەن ءبولىستى. مىسالى، ورال قالاسىنداعى ا.ماكارەنكو اتىنداعى №6 ورتا مەكتەپكە نازاربايەۆ زياتكەرلىك مەكتەبىنىڭ جۇمىس تاجىريبەسى 2012 جىلدان بەرى ەنگىزىلۋدە. سول سەكىلدى جاڭارتىلعان ءبىلىم بەرۋ ۇلگىسىنە كوشۋگە بايلانىستى 2015-2016 وقۋ جىلىندا رەسپۋبليكاداعى وتىز مەكتەپتىڭ قاتارىندا ورالداعى م.ىقسانوۆ اتىنداعى №36 جانە تەرەكتى اۋدانىنداعى شاعان ورتا مەكتەپتەرىنىڭ اپروباسيادان وتكەنى ءمالىم. قازىرگىدەي ءبارى وزگەرىسكە ءتۇسىپ جاتقان مەزگىلدە پەداگوگتاردىڭ كاسىبي دەڭگەيىن كوتەرۋ دە ماڭىزدى ءرول اتقاراتىنى بەلگىلى. ەڭ باستىسى، ءار مەكتەپ جاڭاشىلدىقپەن جۇمىس جاساسا، ءبىلىم دەڭگەيى دە وسەدى. ورتاق ماقسات تا وسى.
مىنە، وسىنداي وزەكتى ماسەلەلەردى تالقىعا سالعان جيىن سوڭىندا «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمى مەن بقو اكىمدىگى اراسىندا مەموراندۋمعا قول قويىلدى.
قازاقپارات
You Might Also Like
-
ادام بالاسى شىر ەتىپ دۇنيەگە كەلگەن كەزدە ەڭ ءبىرىنشى ءوز اناسىن كورەدى. سودان كەيىن جارىق دۇنيەنى، قورشاعان الەممەن تانىسادى. تەز ءوسىپ قىزىق كورگەن سۇراقتارىنىڭ جاۋابىن الۋعا اسىعادى.
-
وڭتۇستىك قازاقستان وبىلىسى شاردارا اۋدانى № 16 كوللەدج ستۋدەنتى ورىنداعان: ف-40 توپ ستۋدەنتى ءامىر نۇرجان اناربەك ۇلى
