InfoHub Logo

كەيبىر ادامدارمەن اقىلعا قونىمدى ديالوگ قۇرۋ مۇمكىن ەمەس. سولارلىڭ دەڭگەيگە ءتۇسىپ، ايتىسقا كىرىسىپ كەتپەس ءۇشىن، مىنا كەڭەستەردى پايدالانىپ كورىڭىز.

1. سىندى الدىن الا بولجاۋعا تىرىسىڭىز. 

ەگەر ءسىز پرەزەنتاسيا كورسەتىپ نەمەسە ءسوز سويلەيتىن بولساڭىز، وندا قاي تارماقتار تىڭداۋشىلاردىڭ سىنىنا ۇشىراۋى مۇمكىن ەكەندىگىن ويلاپ كورىڭىز. سىزگە بۇرىن دا ۇقساس ەسكەرتپەلەر جاسالعان بولۋى مۇمكىن. نە ايتاتىنىڭىزدى الدىن الا جوسپارلاڭىز. جاۋابىن دايىنداپ العان سوڭ، سىزگە جاعىمسىز سوزدەرگە جاۋاپ بەرۋ وڭايراق بولادى. 

2. دەرەۋ جاۋاپ قايتارماڭىز 

اشۋلانباڭىز جانە اسىعىس جاۋاپ بەرمەڭىز. ستاكانعا سۋ قۇيىپ، ويىڭىزدى جيناقتاپ، ايتۋ كەرەك سوزدەردى ىرىكتەپ الىڭىز. 

3. دوستىق لەبىزدى جالپىعا ورتاق سوزدەرمەن باستاڭىز. 

دجوبس سىنعا جاۋاپ بەرۋ ءۇشىن، كوپشىلىكتىڭ الدىنا شىققان ءبىر كورسەتىلىمىندە، مىنانداي سوزدەرمەن باستادى: «بىردەڭەنى وزگەرتۋگە تىرىسقان كەزدە، ەڭ قيىن كەدەرگىلەردىڭ ءبىرى — وسىنداي سۇراقتتاردى قوياتىن ادامداردىڭ ايتقانى ءبىر جاعىنان دۇرىس بولۋىندا». ول ءوزىنىڭ جاۋابىن جۇمسارتىپ، ءبىر قاراعاندا وپپونەنتپەن كەلىسىپ تۇرعانداي كورىنەدى، الايدا كەلەسى سوزدەرىنەن ولاي ەمەس ەكەندىگىن تۇسىنەسىڭ. 

ءسىز قارسىلاسىڭىزدىڭ ويىمەن مۇلدەم كەلىسپەي تۇرساڭىز دا، ءارقاشان جاۋابىڭىزدى بولىمدى تۇردە باستاڭىز.

4. ەستىگىڭىز كەلگەن سۇراققا جاۋاپ قايتارىڭىز 

دجوبسقا باعدارلامالاۋ تىلدەرىنەن جانە جەكە ومىرىنە قاتىستى ناقتى سۇراقتار قويىلعانىمەن، ول وعان پىكىر بىلدەرمەي، جالپىعا ورتاق سۇراقتارعا جاۋاپ بەردى.

بۇل ساياساتكەرلەردىڭ ءاردايىم جاساپ جۇرگەن كلاسسيكالىق ءتاسىلى.

5. سوڭىندا ءوزىڭىزدىڭ قاتەلىكتەرىڭىزدى مويىنداڭىز، ءبىراق كومانداڭىزدى دا قولداڭىز 

ءسىز ءوزىڭىزدىڭ ەڭ باستى جانكۇيەرى بولۋىڭىز كەرەك. اسىرەسە باستاپقى، تەك ءوزىڭىز بەن كومانداڭىزعا عانا ارقا سۇيەي الار كەزدە. جىبەرىلگەن قاتەلىكتەرىڭىزدى مويىنداڭىز، قانداي ساباق العانىڭىزدى ايتىڭىز، ودان كەيىن مىندەتتى تۇردە ءسىز جانە كومانداڭىزدىڭ كوپ جۇمىس ىستەيتىنىن ايتىپ كەتىڭىز، جانە نە ءۇشىن قولداۋعا لايىق ەكەندىگىن اتاپ ءوتىڭىز. 

ادامدار قاجىرلى ەڭبەكتى باعالاۋعا ۇيرەنىپ قالعان، سوندىقتان ءسىز سونى اتاپ ءوتىپ، وزىڭىزگە اۋديتوريانىڭ كوڭىلىن اۋدارىپ الا الاسىز.

مىسالى، (كورسەتىلىمىندە) دجوبس بىلاي اياقتادى: ءبىز قاتەلىكتەردى تاۋىپ، ونى تۇزەتەمىز. ءبىراق ءقازىر، ماڭىزدى كەزەڭدى وتكەرىپ جانە تىنباي ەڭبەك ەتىپ جاتقان كوماندانى قولداۋ كەرەك.

---