InfoHub Logo

ەلىمىزدە توعىز ەكىنشى دەڭگەيلى بانك تاراتىلۋ ساتىسىندا تۇر. ولاردىڭ قاتارىندا Tengri Bank، Capital Bank Kazakhstan، Asia Credit Bank جانە استانا بانكى بار. بۇل قارجى ۇيىمدارى بويىنشا وتەماقى تولەۋ مەرزىمى اياقتالعانىمەن، كەيبىر سالىمشىلاردىڭ قاراجاتى ءبىرىڭعاي جيناقتاۋشى زەينەتاقى قورىنداعى (بجزق) جەكە زەينەتاقى شوتتارىنا اۋدارىلدى.

دەگەنمەن، وتەماقى مەرزىمىن وتكىزىپ العان، ءبىراق كەشىگۋىنە نەگىزدى سەبەپتەرى بار ازاماتتار ءالى دە ءوتىنىش بەرە الادى.

وتەماقىنى كەشىكتىرىپ تالاپ ەتۋگە بولاتىن جاعدايلار:

اسكەري قىزمەتكە شاقىرىلۋ؛

قازاقستاننان تىس جەردە بولۋ؛

مۇراگەرلىك راسىمدەۋ پروسەسىندە بولۋ؛

باس بوستاندىعىنان ايىرۋ ورىندارىندا وتىرۋ؛

سوتپەن بەلگىلەنگەن وزگە دە ەرەكشە جاعدايلار.

قاراجاتىن قايتارۋعا نيەتتى سالىمشىلار بەلگىلەنگەن ءتارتىپ بويىنشا ءوتىنىش بەرۋى ءتيىس. سوندىقتان وتەماقى الۋ مۇمكىندىگىن جىبەرىپ الماۋ ءۇشىن قاجەتتى قۇجاتتاردى دايىنداۋ ماڭىزدى.