ماجارستان قازاقستاندىق ستۋدەنتتەر ءۇشىن 200 گرانت ءبولدى
ماجارستان ۇكىمەتى قازاقستاندىق ستۋدەنتتەر ءۇشىن 200 گرانت ءبولىپ وتىر. بۇل تۋرالى وكق-دا وتكەن باسپا ءسوز ءماسليحاتىندا ق ر بعم زاڭ قىزمەتى مەن حالىقارالىق ىنتىماقتاستىق دەپارتامەنتى ديرەكتورىنىڭ ورىنباسارى اقەركە ابىلايحان ءمالىم ەتتى.
«ماجارستاننىڭ ادامي رەسۋرستار مينيسترلىگى مەن قازاقستان رەسپۋبليكاسىنىڭ ءبىلىم جانە عىلىم مينيسترلىگى اراسىندا 2013 جىلى قول قويىلعان بولاتىن. قازىرگى ۋاقىتتا كەلىسىمگە وزگەرىستەر ەنگىزىلدى. ياعني، بۇگىنگى تاڭدا قازاقستان ازاماتتارىنا ماجارستان ۇكىمەتى تاراپىنان 200 گرانت بولىنەدى. ونىڭ 90 گرانتى باكالاۆريات، 90 گرانتى ماگيستراتۋرا، 20 گرانت دوكتورانتۋرا بويىنشا بولىنبەك. وقۋ قۇنى تەگىن. سونىمەن قاتار، ءبىز جاقتان بارعان جاستار ايلىق شاكىرتاقى الادى. ناقتىراق ايتقاندا، باكالاۆريات پەن ماگيستراتۋرادا شاكىرتاقى 130 ەۋرو بولسا، دوكتورانتۋرادا 420 ەۋروعا دەيىن بولادى. ستۋدەنتتەر جاتاقحانامەن قامتاماسىز ەتىلەدى. مەديسينالىق قىزمەت كورسەتۋ جاعى دا ماجارستان ۇكىمەتى تاراپىنان تولەنەدى. جول شىعىنىن شاكىرتاقىعا يە بولعان ستۋدەنتتەر ءوزى كوتەرەدى»، - دەيدى ول.
اقەركە ابىلايحان سونىمەن بىرگە، ەكى ەل اراسىندا تىكەلەي اۋە رەيسى بولعاندىقتان، ستۋدەنتتەر الماسۋ ۇردىسىندە بۇل وتە جاعىمدى جاڭالىق بولىپ وتىر.
«گرانتتار بويىنشا 2018 جىلدىڭ 16 اقپانىنا دەيىن ونلاين-تىركەۋ وتكىزىلمەك. ياعني، بعم مينيسترلىگىنىڭ سايتىندا ءقازىر قاجەتتى اقپارات تۇر. ول جەردەن ستۋدەنتتەر وزىنە قىزىقتى مالىمەتپەن تانىسا الادى. ول سايتتاعى سىلتەمە بويىنشا «حۋنگاريۋم ستيپەنديۋم» سايتىندا تىركەلۋى كەرەك. بۇل تىركەۋ 14 اقپانعا دەيىن جالعاسادى. كەز كەلگەن ستۋدەنت سول تىركەۋ ارقىلى قانداي جوو-نى، قانداي ماماندىقتى تاڭداۋعا بولاتىنى كورسەتىلگەن»، - دەيدى اقەركە ابىلايحان.
ماجارستاندا وقۋ ءتىلى - اعىلشىن ءتىلىن تاڭداعان ازاماتتارعا اعىلشىن، سونىمەن بىرگە ماجار تىلىندە وقۋعا بولادى. بارلىق قۇجاتتاردى قابىلداۋ بعم حالىقارالىق باعدارلامالار ورتالىعىندا قابىلدانادى. بايقاۋ ىرىكتەۋىنەن وتكەن ازاماتتاردىڭ قۇجاتتارى ماجارستان تاراپىنا جولدانىپ، سوڭعى شەشىم سول جاتقا قابىلدانادى.
قۇجاتتى تاپسىراتىن ازاماتتاردىڭ جاسى - 2018 جىلدىڭ 1 قىركۇيەككە دەيىن 18 جاسقا تولۋى كەرەك. ياعني، ستۋدەنتتىڭ جاسى 2000 جىلعى 31 تامىزدان كەيىن بولۋى كەرەك. بارلىق قۇجاتتار ءتىزىمى بعم سايتتا ورنالاسقان.
You Might Also Like
-
لاتىن الىپبيىنە كوشەمىز دەگەنشە ەكى نۇسقانىڭ باسىن شالىپ كوردىك. اۋەلگىسى قازاققا ءتان دىبىستاردى ديگرافپەن، ودان كەيىنگىسى اپوستروفتارمەن كومكەردى. مەنىڭشە لاتىنعا كوشۋ دەگەن - تەك اعىلشىندا بار ءار...
-
وڭتۇستىك قازاقستان وبىلىسى شاردارا اۋدانى № 16 كوللەدج ورىنداعان: ت-54 توپ ستۋدەنتى احمەديوۆا سافييە ناريمان قىزى جەتەكشىسى: ايتەنوۆا نۇرگۋل ىدىرىس قىزى
