بيىل 20 مىڭ بالانىڭ ماماندىق الىپ شىعۋى ءۇشىن 4،3 ملرد. تەڭگە ءبولىندى
اعىمداعى جىلى ەلىمىزدە كوللەدجدە وقيتىن ستۋدەنتتەر سانى 105 مىڭ ادامعا جەتەدى. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
ساعادييەۆتىڭ ايتۋىنشا، ءبىلىم جانە عىلىم مينيسترلىگى ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا تەحنيكالىق جانە كاسىپتىك كادرلاردى دايىنداۋمەن اينالىسۋدا.
«ول ءبىزدىڭ 9-11 سىنىپتاردى بيىل بىتىرەتىن جانە بىلتىرعى جىلدارى بىتىرگەن بالالارعا ارنالعان 2-3 جىلدىق ستاندارت بويىنشا كوللەدجدە وتەتىن باعدارلاماسى. بىزدە جىل سايىن 85 مىڭ بالا كوللەدجدەرگە تۇسسە، بيىلعى جىلى قوسىمشا 20 مىڭ بالا وسى جوبا ارقىلى كەلىپ، 105 مىڭعا جەتەمىز دەپ وتىرمىز. بىزدە جىل سايىن 20-25 مىڭ بالا كوللەدجگە، جوعارى وقۋ ورىندارىنا تۇسپەي، ماماندىقسىز قالادى. وسى جوبا سول بالالارعا ارنالعان. بيىل قوسىمشا 4،3 ملرد. تەڭگە ءبولىنىپ، جەرگىلىكتى بيۋدجەتتەرگە جىبەرىلدى»، - دەدى ول.
ونىڭ اتاپ وتۋىنشە، وبلىستاردا 825 ءموبيلدى توپتار قۇرىلدى. ولار كادرلاردى دايىنداۋعا ادامدار ءتىزىمىن جيناقتاپ وتىر. باتىس قازاقستان وبلىسىنان باسقا ءار وبلىستا ءبىلىم ۇيىمدارى جانە ماماندىقتار تىزبەسىن بەكىتۋ ءۇشىن وڭىرلىك كوميسسيالار قۇرىلدى. 360 تەحنيكالىق جانە كاسىپتىك ۇيىمداردىڭ تىزبەسى انىقتالدى. جەرگىلىكتى ورگاندار بولجامدىق ۇسىنىس نەگىزىندە جۇمىسشى كادرلار ءۇشىن كاسىپتەر تىزبەسىن دايىنداۋدا.
«وقىتۋ باعدارلامالارى دايىن. وبلىستىق كاسىپكەرلەر پالاتاسىمەن كەلىسىپ بەكىتىلدى. وسى باعدارلاما ارقىلى وقۋعا تۇسەتىن بالالار شاكىرتاقىمەن، ءبىر رەتتىك ىستىق تاماقپەن جانە تەگىن جاتىن ورىنمەن قامتاماسىز ەتىلەدى»، - دەدى مينيستر.
You Might Also Like
-
ق ر ءبىلىم جانە عىلىم مينيسترلىگى دۇنيەجۇزىلىك بانكپەن بىرگە قازاقستاندىق عالىمداردى گرانتتىق قارجىلاندىرۋ جوباسىن قولعا الدى، دەپ قازاقپارات حابارلايدى.
-
توماس ەديسون ەلەكتر شامىن ويلاپ تاپقان ادامزات تاريحىنىڭ ەڭ ۇلى ونەرتاپقىشتارىنىڭ ءبىرى. توماس ەديسون 1847 جىلى، 11 اقپاندا وگايو شتاتىنداعى ميلان قالاسىندا دۇنيەگە كەلگەن. جەتى جاسىندا بارعان مەكتە...
