InfoHub Logo

ق ر ءبىلىم جانە عىلىم مينيسترلىگى دۇنيەجۇزىلىك بانكپەن بىرگە قازاقستاندىق عالىمداردى گرانتتىق قارجىلاندىرۋ جوباسىن قولعا الدى، دەپ قازاقپارات حابارلايدى.

2016 جىلدىڭ 2 اقپانىندا قازاقستان رەسپۋبليكاسىنىڭ پارلامەنتى «ءونىمدى يننوۆاسيالاردى ىنتالاندىرۋ» جوباسى اياسىندا قازاقستان رەسپۋبليكاسى مەن دۇنيەجۇزىلىك دامۋ جانە قايتا قۇرۋ بانكىنىڭ اراسىندا جاسالعان قارىز الۋعا بايلانىستى كەلىسىمدى راتيفيكاسيالادى.  

بۇگىن استانادا «ءونىمدى يننوۆاسيالاردى ىنتالاندىرۋ» جوباسىن باسقارۋ توبى ءتوراعاسىنىڭ ورىنباسارى مۇرات سارتبايەۆ اتالمىش جوبا جايىندا ايتىپ بەردى.

ونىڭ ايتۋىنشا، گرانتتىق جوباعا 30 ميلليون اقش دوللارى ءبولىنىپ وتىر. باعدارلاما اياسىندا 60-70 تەحنولوگيالىق ستارتاپ قۇرىلادى دەپ كۇتىلۋدە. سونىمەن قاتار دوكتورانت مامانداردى شەتەلدە تاجىريبەدەن وتكىزۋگە دۇنيەجۇزىلىك بانك 10 ميلليون اقش دوللارىن ءبولىپ وتىر. ال يننوۆاسيالىق كونسورسيۋمداردى قارجىلاي دەمەۋگە 35 ميلليون اقش دوللارى كولەمىندە گرانت بەرىلمەك.

«ءونىمدى يننوۆاسيالاردى ىنتالاندىرۋ» جوباسىن ىسكە اسىرۋ شەڭبەرىندە ءۇش گرانتتىق باعدارلاما قولعا الىندى. ولار: اعا عىلىمي قىزمەتكەرلەر توبى جانە كىشى عىلىمي قىزمەتكەرلەر توبى ءۇشىن گرانتتتار باعدارلاماسى. ءۇشىنشىسى - كونسورسيۋمداردى دامىتۋ گرانتتىق باعدارلاماسى. ول ءوز كەزەگىندە جىلدىڭ سوڭىندا باستالادى. بىلتىر اعا عىلىمي قىزمەتكەرلەر توبى جانە كىشى عىلىمي قىزمەتكەرلەر توبى ءۇشىن گرانتتتار باعدارلاماسىنىڭ ءبىرىنشى كەزەڭى ءوتتى. 451 وتىنىشتەن 33 جوبا قارجىلاندىرۋعا يە بولدى. بۇگىنگى تاڭدا ولاردىڭ بىرنەشەۋى جۇزەگە اسىپ وتىر. بيىل اتالمىش باعدارلاما اياسىندا 400-دەن استام ءوتىنىش كەلدى»، - دەدى ول.

ونىڭ سوزىنشە، قازاقستان ۇكىمەتى مەن دۇنيەجۇزىلىك بانكتىڭ ورتاق جوباسى باستى ۇلتتىق يننوۆاسيالىق جۇيەنىڭ ينستيتۋتتارىنىڭ الەۋەتىن ارتتىرۋعا، يننوۆاسيالىق جوبالار مەن تەحنولوگيالىق ستارتاپتاردى قولداۋ ىرىكتەۋ جانە نارىقتىق تاڭداۋ مەزانيزمىن ەنگىزۋگە، سونداي-اق، جەكە سەكتورلاردى قاتىسۋعا ىنتالاندىرۋعا باعىتتالعان. 

جوبا ماقساتى - جوعارى ساپالى، مەملەكەت ءۇشىن اسا ماڭىزدى زەرتتەۋلەردى ىنتالاندىرۋ جانە تەحنولوگيالاردى كوممەرسيالاندىرۋ.

ۇمىتكەرلەردى ىرىكتەۋ جانە جوبالاردى باقىلاۋ جۇمىسىن عىلىم جانە كوممەرسيالاندىرۋ جونىندەگى حالىقارالىق  كەڭەس جۇرگىزەتىندىگىن اتاپ وتكەن ءجون. باعدارلاما قازاقستاندىق عالىمدار مەن كونسورسيۋمداردىڭ عىلىمي- زەرتتەۋلەر ناتيجەلەرىن كوممەرسيالاندىرۋعا باعىتتالعان.

«گرانتتىڭ كولەمى اعا عىلىمي قىزمەتكەرلەر توبى ءۇشىن 230 ملن. تەڭگەدەن، كىشى عىلىمي قىزمەتكەرلەر توبى ءۇشىن 180 ملن. تەڭگەدەن اسپاۋى ءتيىس. ءبىز تەك زەرتحانالىق زەرتتەۋلەرى اياقتالعان جوبالاردى قارجىلاندىرامىز. سونىمەن قاتار باسىمدىق ونەركاسىپتىك زەرتتەۋلەرگە بەرىلەدى. جوبانىڭ سوڭعى ناتيجەسى ساتىلىمعا شىعۋ، جەكە مەنشىك سەكتور ينۆەستيسيالارى نەمەسە ليسەنزيالىق كەلىسىمدەر جاساسۋ ارقىلى 3ء-شى جىلدىڭ سوڭىنا قاراي كومپانيانى ءوزىن-وزى قامتاماسىز ەتۋگە جەتكىزۋ»، - دەيدى م. سارتبايەۆ.

جالپى، ايتا كەتكەن ءجون، بۇكىلالەمدىك بانكتا جوبالاردى قارجىلاندىرۋدىڭ ءساتتى تاجىريبەسى بار. 2011-2015 جىلدار ارالىعىندا 65 تەحنولوگيالىق ستارتاپ قارجىلاندىرىلدى. ولاردىڭ ىشىندە 40 جوبا ءوز ونىمدەرىن نارىققا شىعاردى.

---