InfoHub Logo

استانانىڭ بارلىق مەملەكەتتىك بالاباقشالارىندا جولدامالار ەلەكتروندىق جۇيە ارقىلى بەرىلەتىن بولدى. بۇل تۋرالى استانا قالاسى ءبىلىم باسقارماسىنىڭ باسپا ءسوز قىزمەتىنەن حابارلادى.

«بۇگىندە استانادا ءتۇرلى ۇلگىدەگى 261 مەكتەپكە دەيىنگى مەكەمە بار. وندا تاربيەلەنەتىن بالالاردىڭ جالپى سانى - 48 154. سونىڭ ىشىندە: مەملەكەتتىك - 95، وندا 27 193 بالا قامتىلعان؛ ۆەدومستۆولىق  - 2، وندا 383 بالا قامتىلعان؛ جەكەمەنشىك - 116، وندا 14 854 بالا قامتىلعان، 95 مەكەمەدە 8 949 ورىنعا مەملەكەتتىك ءبىلىم بەرۋ تاپسىرىسى ورنالاستىرىلعان؛ شاعىن ورتالىقتار - 48، وندا 5 724 بالا قامتىلعان»، -دەلىنگەن حابارلامادا.

1 قاڭتارداعى جاعداي بويىنشا، مەكتەپكە دەيىنگى مەكەمەدەن ورىن الۋ كەزەگىندە 3-تەن 6 جاسقا دەيىنگى 33 240 بالا تىركەلگەن.

كەزەككە كۇن سايىن 100-دەن استام بالا قويىلادى. بالا تۋۋ جانە كوشى-قون   كورسەتكىشتەرىنىڭ جوعارىلاۋى ەسەبىنەن مەكتەپكە دەيىنگى جاستاعى بالالاردىڭ سانى كوبەيدى. ماسەلەن، مەكتەپكە دەيىنگى جاستاعى بالالاردىڭ كونتينگەنتى 2010 جىلمەن سالىستىرعاندا 7 ەسە ارتقان.

استانادا www.e.astana.kz پورتالى ارقىلى ءوتىنىش جولداۋ جانە كەزەكتى قاراۋ مۇمكىندىگىمەن قاتار، جولدامالاردى اۆتوماتتى تۇردە بەرۋ جۇيەسى ىسكە قوسىلعان.

ورىنداردى بولۋگە ءبىلىم باسقارماسى ماماندارى قاتىسپايدى. سونداي-اق جوسپارلى جيناقتاۋ جۇمىستارىن كۇتپەي-اق، بوساعان ورىندارعا جىلدىڭ ىشىندە جولدامانى الۋعا بولادى. ءاربىر اتا-انا كەز كەلگەن ۋاقىتتا جەكە كابينەت ارقىلى جۇيەگە كىرە الادى. جۇيە جولدامانىڭ بەرىلۋى تۋرالى حابارلامانى اۆتوماتتى تۇردە سمس جانە ەلەكتروندىق پوشتا ارقىلى جولدايدى، ودان كەيىن اتا-انالار مەكتەپكە دەيىنگى مەكەمەگە ۇسىنۋ ءۇشىن جولدامانى جۇكتەي الادى. 

10 ساۋىردەن باستاپ استانانىڭ بارلىق مەملەكەتتىك بالاباقشالارىنا جولدامالار ەلەكتروندىق تۇردە بەرىلەدى. ەگەر ءوتىنىش بەرۋشىلەردىڭ بالالارى 2015 جىلى دۇنيەگە كەلسە، ولار ءۇشىن 10 ساۋىردەن، تيىسىنشە 2014 - 12 ساۋىردەن، 2013 - 18 ساۋىردەن، 2012 - 21 ساۋىردەن، 2011 - 25 ساۋىردەن باستاپ مەملەكەتتىك بالاباقشاعا جولدامانى الۋعا مۇمكىندىك بار.

ءاربىر تۋعان جىل ءۇشىن مەملەكەتتىك بالاباقشالارعا جولدامالاردىڭ بەرىلۋىن كۇتۋ مەرزىمى پايدالانۋشىلارعا ەسكەرتپە جولدانعان ساتتەن باستاپ 15 جۇمىس كۇنىن قۇرايدى. سەبەبى اتا-انالاردا ەلەكتروندىق قىزمەتتەردى الۋدا قيىندىقتار تۋىنداۋى ىقتيمال: ينتەرنەتتەگى اقاۋلار، NCLayer باعدارلاماسىن ورناتۋداعى قيىندىقتار، ەلەكتروندى ساندىق قولتاڭبانىڭ جوقتىعى، جەكە كابينەتتە بايلانىس مالىمەتتەرىنىڭ بولماۋى جانە ت.ب.

ستاندارتقا سايكەس اتا-انا قولىنا العان جولدامانى بەرىلگەن كۇننەن باستاپ 5 كۇن ىشىندە مەكتەپكە دەيىنگى ۇيىمعا ۇسىنۋى ءتيىس.

بيىل ەلوردانىڭ مەملەكەتتىك بالاباقشالارىندا 6310 ورىن بوسايدى. ونىڭ بارلىعى قاتاڭ تۇردە تەك كەزەككە سايكەس بولىنەدى: 1240-cءى 2015 جىلى تۋعان بالالارعا، 2233ء-سى 2014 جىلعى، 1340-ى 2013 جىلعى، 1111ء-ى 2012 جىلعى، 386-ى 2011 جىلعى بالالارعا قاراستىرىلعان.

ايتا كەتۋ كەرەك، ەگەر بالا ءۇش جاسقا تولىپ، مەكتەپكە دەيىنگى مەكەمەگە كەزەگى كەلمەسە، وندا اتا-انالار بالانى ءتورت جاستان باستاپ قىسقا ۋاقىت بولاتىن شاعىن ورتالىقتارعا نەمەسە بالا ءۇش جاسقا تولعان كەزدە ورىن بولىنەتىن مەملەكەتتىك تاپسىرىسى بار جەكەمەنشىك بالاباقشالارعا بەرە الادى.

ەلەكتروندىق جولدامانى الۋدىڭ تولىق نۇسقاماسىمەن استانا ق. ءبىلىم باسقارماسىنىڭ سايتىندا http://bilim.astana.kz/ru/catalog/infografika «ينفوگرافيكا» بولىمىندە تانىسۋعا بولادى.

ەلباسى نۇرسۇلتان نازاربايەۆتىڭ بيىلعى  قازاقستان حالقىنا ارنالعان جولداۋىندا مەملەكەت-جەكەمەنشىك ارىپتەستىك اياسىن كەڭەيتۋ كاسىپكەرلىكتى دامىتۋعا زور مۇمكىندىك بەرەتىنى باسا ايتىلعان. ونىڭ ارقاسىندا 3-6 جاستاعى بالالاردى مەكتەپكە دەيىنگى ءبىلىم بەرۋمەن 100 پايىز قامتۋعا جول اشىلادى.

ەلوردادا 2016 جىلى كاسىپكەرلەردى تارتۋ ارقىلى 44 جەكەمەنشىك بالاباقشا اشىلدى، وندا 3949 ورىنعا مەملەكەتتىك ءبىلىم بەرۋ تاپسىرىسى ورنالاستىرىلعان؛ قولدانىستاعى مەملەكەتتىك بالاباقشالاردا دايارلىق باعدارلاماسى بار 1360 ورىنعا ارنالعان 23 شاعىن ورتالىق بار. مەملەكەتتىك-جەكەمەنشىك ارىپتەستىك اياسىندا «قازاقتەلەكوم» اق 2016 جىلى 680 ورىنعا شاقتالعان 3 بالاباقشا قولدانىسقا بەرىلدى.

بالاباقشانى بالامالى تاڭداۋدىڭ مۇمكىندىگىن ۇسىنۋ ءۇشىن جەكەمەنشىك بالاباقشالاردا اتا-انالاردىڭ تولەماقىسى 23 000 تەڭگەدەن 20 800 تەڭگەگە دەيىن تومەندەتىلدى. 

بۇگىندە مەملەكەتتىك-جەكەشەلىك ارىپتەستىك اياسىندا بالاباقشالار بويىنشا 1680 ورىنعا شاقتالعان 6 جوبا جۇزەگە اسىرىلۋدا.  بالاباقشالاردىڭ قۇرىلىسى بويىنشا جەكە سەرىكتەستەردى انىقتاۋ كونكۋرسى وتكىزىلدى. ولاردىڭ قۇرىلىسى 2019 جىلى اياقتالادى دەپ جوسپارلانعان.

2017 جىلعا دەيىن مەملەكەتتىك-جەكەشەلىك ارىپتەستىك اياسىندا ۇلتتىق كومپانيالارمەن 720 ورىنعا ارنالعان 3 بالاباقشانىڭ قۇرىلىسى اياقتالادى.

---