بيىل حالىقارالىق وليمپيادالاردىڭ جەڭىمپازدارى ۇبت-دان بوساتىلمايدى
بيىلعى جىلى حالىقارالىق وليمپيادالاردىڭ جەڭىمپازدارى دا ۇبت-عا قاتىساتىن بولادى.
بۇل تۋرالى وڭىرلىك كوممۋنيكاسيالار قىزمەتىندە «2016-2017 وقۋ جىلىندا جالپى ورتا ءبىلىم بەرۋ مەكتەپتەرىندەگى قورىتىندى اتتەستاتتاۋدىڭ جاڭا فورماتى» تاقىرىبىندا وتكەن باسپا ءسوز ءماسليحاتى بارىسىندا پاۆلودار وبلىستىق ءبىلىم بەرۋ باسقارماسى باسشىسىنىڭ ورىنباسارى جومارت قارامبايەۆ ءمالىم ەتتى دەپ حابارلايدى pavlodarnews.kz.
«ەرەكشە ۇلگىدەگى اتتەستاتقا ۇمىتكەرلەر مەن "التىن بەلگى" يەگەرلەرى، جالپى ءبىلىم بەرۋ پاندەرى بويىنشا حالىقارالىق، رەسپۋبليكالىق وليمپيادالاردىڭ، عىلىمي جوبالار بويىنشا ءتۇرلى سايىستاردىڭ جەڭىمپازدارى جالپى نەگىزدە تەست تاپسىراتىن بولادى. دەگەنمەن مۇنداي ساناتتاعى تۇلەكتەرگە جەڭىلدىكتەر قاراستىرىلعان. ماسەلەن، ەكى تالاپكەر دە تەڭ دارەجەدە ۇپاي جيناعان بولسا، "التىن بەلگى" نەمەسە ەرەكشە اتتەستات يەگەرىنە باسىمدىق بەرىلەدى. تەست تاپسىرمالارىندا بايان ەسەنتايەۆا تۋرالى سياقتى ورىنسىز سۇراقتار بولمايدى. ساۋالداردى دايىندايتىن استاناداعى ساراپشى توپتىڭ ىشىنە پاۆلودارلىق بەلگىلى ۇستازدار دا كىرگەن»، - دەيدى جومارت قارامبايەۆ.
ەسكە سالا كەتەيىك، بىلتىر 2016 جىلى ق ر «ءبىلىم تۋرالى» زاڭىنىڭ مەكتەپ بىتىرۋشىلەرىن ۇبت-عا قاتىسۋدان بوساتۋ بولىگىنە وزگەرىستەر ەنگىزۋگە بايلانىستى سوڭعى ءۇش جىلدا جالپى ءبىلىم بەرەتىن پاندەر بويىنشا حالىقارالىق وليمپيادالار مەن بايقاۋلاردىڭ جەڭىمپازدارى اتانعان 43 مەكتەپ ءبىتىرۋشى ۇلتتىق ءبىرىڭعاي تەستىلەۋدەن بوساتىلعان بولاتىن.
You Might Also Like
-
ەلوردالىق وقۋشىلار قوعامدىق-گۋمانيتارلىق وليمپيادادا 6 التىن، 7 كۇمىس، 9 قولا مەدال جەڭىپ الدى.
-
ءبىلىم جانە عىلىم ءمينيسترى ەرلان ساعادييەۆ الماتىداعى ۇستازدار قاۋىمىمەن كەزدەسۋىندە مەكتەپتەردەگى پاندەردى اعىلشىن تىلىندە وقىتۋ "اتا-انالاردىڭ كەلىسىمى" بويىنشا جۇرەتىنىن مالىمدەدى دەپ جا...
