دەپۋتاتتار ورتا مەكتەپتەردى ۇبت وتكىزۋدەن بوساتۋدى ۇسىندى
ماجىلىستەگى قازاقستان كوممۋنيستىك حالىق پارتياسىنىڭ دەپۋتاتتارى ورتا مەكتەپتەردى ۇلتتىق ءبىرىڭعاي تەستىلەۋدى وتكىزۋدەن بوساتۋدى ۇسىندى.
«قازىرگى كەزدە ق ر ءبىلىم جانە عىلىم مينيسترلىگى ۇبت-نى تاپسىرۋ بويىنشا شارالاردى ۇيىمداستىرۋ جاۋاپكەرشىلىگىن مەكتەپتەرگە جۇكتەيدى. بۇل باعىتتاعى جۇمىستاردا مەكتەپ تۇلەكتەرىن جيناۋ، ءتيىستى ورىنعا دەيىن اۆتوكولىكپەن قامتاماسىز ەتۋ، تاماقتاندىرۋ، ال كەيبىر جاعدايلاردا تۇرعىلىقتى جەرىن قامتاماسىز ەتۋ ەسكەرىلۋى مۇمكىن. اتاپ ايتقاندا، اتتەستات العان تۇلەكتەر مەكتەپتەگى وقۋ پروسەسىنىڭ قاتىسۋشىسى بولىپ تابىلمايدى. وسى رەتتە ۇبت-نى ۇيىمداستىرۋ مەن وتكىزۋگە مۇعالىمدەردى تارتۋ ولارعا تيەسىلى ەمەس قىزمەتتەردى ورىنداۋ بولىپ تابىلادى»،-دەدى دەپۋتات يرينا سميرنوۆا ماجىلىستەگى جالپى وتىرىس بارىسىندا.
دەپۋتات تەستىلەۋ شارالارى مۇعالىمدەردىڭ ەڭبەك دەمالىسى كەزىندە وتەتىنىن، سوندىقتان ۇستازداردى قايتا شاقىرتىپ الۋ نۇسقاۋلارى جۇرگىزىلەتىنىن اتاپ ءوتتى.
سميرنوۆا اعىمداعى جىلى جاڭا فورماتقا سايكەس، تۇلەكتەر ورتا ءبىلىم تۋرالى اتتەستات الۋ ءۇشىن مەكتەپتە ەمتيحان تاپسىراتىنىن، كەيىننەن جوو-عا ءتۇسۋ تۇرعىسىندا ۇلتتىق ءبىرىڭعاي تەستىلەۋگە قاتىساتىنىن ەسكە سالىپ ءوتتى.
«وسى ماسەلەگە بايلانىستى مەكتەپ ۇستازدارىن ۇبت-نى ۇيىمداستىرۋ مىندەتىنەن بوساتۋ قاجەت دەپ سانايمىز، سونداي-اق ۇبت قورىتىندىسى بويىنشا مەكتەپ رەيتينگىن قۇرۋ تاجىريبەسىن دوعارعان دۇرىس بولادى دەپ پايىمدايمىز»،-دەدى ول.
You Might Also Like
-
بۇگىن پاۆلودار وبلىسى اكىمدىگىندە وتكەن القا ماجىلىسىندە ايماق باسشىسى بولات باقاۋوۆ "سەرپىن" باعدارلاماسى بويىنشا بيىلعى جىلى وقۋ ورنىن اياقتايتىن العاشقى تۇلەكتەر لەگىن ءجۇز پايىز جۇمىسپە...
-
كامچاتكادا ويانعان بەزىمياننىي جانارتاۋىنان شىققان كۇل 10 كيلومەتر بيىكتىككە دەيىن جەتكەن. نازارلارىڭىزعا كەز كەلگەن مەزەتتە ويانۋى مۇمكىن الەمدەگى ەڭ ءقاۋىپتى جانارتاۋلاردى ۇسىنامىز.
