InfoHub Logo

سان-فرانسيسكو قالاسى. مەكتەپ ديرەكتورى 3 ءمۇعالىمدى كابينەتىنە شاقىرىپ:

— قۇرمەتتى ۇستازدار، سىزدەردى وسى مەكتەپتىڭ ەڭ تاڭداۋلى جانە ەڭ ۇزدىك شىعارماشىل ۇستازدارى دەپ سىزدەرگە جاۋاپكەرشىلىگى زور جۇك ارتپاقپىز. مەكتەبىمىزدىڭ ەڭ ۇزدىك، ەڭ اقىلدى دەگەن 90 وقۋشىسىن كەلەر جىلعا دەيىن جاقسىلاپ وقىتىپ ۇيرەتۋگە تاپسىرما بەرمەكپىز. ولارعا بىلمەگەندەرىن ۇيرەتىپ، امالداردى جىلدام ورىنداۋعا داعدىلاندىرادى، دەگەن سەنىمدەمىز،- دەيدى. ءسويتىپ، ۇستازدار مەن وقۋشىلار، وقۋشىلاردىڭ اتا-انالارى دا بۇل ۇسىنىسقا قۋانا-قۋانا كەلىسەدى. وسىلايشا قىزۋ وقۋ جىلى باستالىپ، سوڭى تابىستى دا جەمىستى جىلعا اينالادى. وقۋ جىلى اياقتالعاندا بۇل مەكتەپ وقۋشىلارى سان-فرانسيسكو قالاسىنداعى ۇلگەرىمى مەن ءبىلىم ساپاسى جونىنەن باسقا مەكتەپ وقۋشىلارىن باسىپ وزىپ، ۇزدىك ناتيجەلەرگە قول جەتكىزەدى. سوندا ديرەكتور تاپسىرما بەرگەن 3 ءمۇعالىمدى شاقىرىپ الىپ، بىلاي دەيدى: 

— سىزدەرگە ايتار العىسىم شەكسىز. دەگەنمەن مويىنداماسقا امال جوق، سىزدەرگە ەڭ اقىلدى، ەڭ ۇزدىك دەپ بەرگەن 90 وقۋشى كەزدەيسوق تاڭدالعان ورتا ءبىلىمدى وقۋشىلار ەدى،- دەيدى. مۇعالىمدەر اڭ-تاڭ. ەستىگەندەرىنە سەنەر ەمەس.

دەگەنمەن، كەز كەلگەن وقۋشىعا سەنىم ارتىپ، ەرەكشە كوڭىل بولەتىن بولسا، جەتىستىككە جەتەرى ءسوزسىز ەكەن. ديرەكتور مىرزا ءسوزىن جالعاستىرىپ: 

مويىندايتىن تاعى ءبىر ماسەلە بار — سىزدەر دە بۇل مەكتەپتىڭ ەڭ ۇزدىك شىعارماشىل مۇعالىمدەرى ەمەس ەدىڭىزدەر. ەسىمدەرىڭىزدى مۇعالىمدەر اراسىندا جەرەبە تارتىپ، تاڭداپ الدىق. مىنەكەي، سىزدەر دە وزدەرىڭىزگە ۇزدىك ءمۇعالىممىن دەپ سەنگەندىكتەن وسىنداي كەرەمەت جەتىستىككە قول جەتكىزدىڭىزدەر. سىزدەردى قۇتتىقتايمىن! — دەپ ءسوزىن اياقتايدى. 

سەنىم ادامدى جەڭىسكە جەتەلەيدى، ال كۇمان — جەڭىلىسكە. سوندىقتان، بىر-بىرىمىزگە سەنىم ارتىپ، ورتاق مۇددەنى كوزدەپ، ايانباي ەڭبەك ەتەيىك!

---