InfoHub Logo

ءتىستى اعارتاتىن ءتىس پاستالارى قانشالىقتى ءتيىمدى، ءتىستى اعارتۋ قالاي جۇرەدى جانە دارىگەردىڭ بۇعان قاتىسى بولۋى كەرەك پە، وسى جانە باسقا دا سۇراقتاردى تالقىلايمىز.

زاماناۋي بۇقارالىق مادەنيەت كينەماتوگرافيا جانە جارناما ارقىلى تابىستى بولۋعا جەتەلەيتىن بەينەنىڭ قانداي بولۋ كەرەكتىگىن، سىرتقى تارتىمدىلىقتىڭ قانشالىقتى ماڭىزدى ەكەنىن ناسيحاتتايدى. مۇنداي بەينەنىڭ ءبىر ەلەمەنتى – اپپاق تىستەر ەكەنى بەلگىلى. مۇنداي بەينە قانشالىقتى ءمىنسىز – بۇل بولەك تاقىرىپ، بۇگىن تىستەردى اعارتۋ جايلى اڭگىمە قوزعاماقپىز.

بۇگىندە اۋىز قۋىسىنىڭ تازالىعىنا ارنالعان زاماناۋي نارىق كەز كەلگەن ماسەلەنى شەشىپ بەرەتىندەي. گولليۆۋدتىق جىميىس پەن اپپاق قارداي ءتىستى ارماندايسىز با؟ قالاۋىڭىزعا وراي كوپتەگەن اعارتاتىن ءتىس پاستالارى بار. ءبىراق شىندىعى سول، اعارتاتىن پاستارلاردىڭ ءوزى ءتىستىڭ ءتۇسىن وزگەرتە المايدى – ولاردىڭ اعارتۋعا قاۋقارى جەتپەيدى. ولاي بولسا ولاردىڭ قاجەتى قانشا جانە شىن مانىندە تىستەردى قالاي اعارتۋعا بولادى؟ بۇل ماسەلەنى شەشۋگە Startsmile.ru جوباسىنىڭ جەتەكشىسى يۋليا كلوۋدا كومەكتەسەدى.

اعارتاتىن ءتىس پاستالارى قالاي اسەر ەتەدى؟

جوعارىدا ايتىپ وتكەنىمىزدەي، بۇل پاستالار، باسقا دا قۇرالدار سياقتى ءتىس ءتۇسىن اعىراق ەتە المايدى. كەز كەلگەن ءتىس پاستاسى ەمالعا كوبىنە مەحانيكالىق تۇردە اسەر ەتەدى جانە از دەڭگەيدە – حيميالىق، ەمدىك جانە باسقالاي اسەر ەتەدى. كەيبىر جاعدايلاردا، اعارتاتىن ءتىس پاستالارىن ءجيى قولدانسا، ءتىس شىنىندا اعىراق كورىنۋى مۇمكىن. الايدا بۇل اعارتۋ سالدارىنان ەمەس، سول باياعى مەحانيكالىق اعارتۋدان ىسكە اسادى.

ويتكەنى كوپتەگەن اعارتاتىن ءتىس پاستالارى جوعارى ءابرازيۆتى بولىپ كەلەدى، ياعني كوپتەگەن ابرازيۆ-بولشەكتەردەن تۇرادى. بۇل ءابرازيۆتى بولشەكتەر قاراپايىم پاستالار سياقتى ءتىستىڭ جۇمساق جۇقا قاباتىن الىپ قانا قويماي، قاتتى جۇقا قاباتتى دا كەتىرەدى، ال كەيدە بىرتىندەپ ءتىس تاسىن دا كەتىرەدى. ەمالدىڭ بەتىنەن بويالعان جۇقا قاباتتى كەتىرۋ ارقىلى تىستەر اعىراق كورىنەتىن بولادى. الايدا بۇل جاعدايدا ءتىس ەمالى قۇرتىلادى: ابرازيۆتەر ءتىس بەتىنە ميكروسكوپيالىق سىزات تۇسىرەدى، بۇل كەيىن جارىقشاققا اينالىپ، ءتىستى قۇرتۋى مۇمكىن.

جوعارى ءابرازيۆتى اعارتاتىن پاستالارعا بالاما بار ما؟

ءار ادام جىلىنا كەمىندە ەكى رەت ءتىس دارىگەرىنە بارۋى كەرەك ەكەنىن بالا كەزىمىزدەن بىلەمىز. وكىنىشكە قاراي، بۇل ەرەجەنى ۇستاناتىندار كەمدە كەم. جانە تىسكە كاريەس تۇسكەن-تۇسپەگەنىن تەكسەرۋ ءۇشىن جىلىنا ەكى رەت ستوماتولوگ-تەراپيەۆتى عانا ەمەس، كاسىبي تازارتۋ پروسەدۋراسىن جاساتۋ ءۇشىن گيگيەنيستكە دا قارالۋ كەرەك ەكەنىن كوبى بىلە بەرمەيدى. سەبەبى، ششەتكا مەن پاستا ءتىستى كۇنى بويى نەمەسە تۇندە جينالىپ قالاتىن جۇمساق جۇقا قاباتتان عانا تازارتا الادى. بۇدان وزگە، ءتىستى مۇقيات تازارتىپ وتىرۋعا قاراماستان تىستەردە بىرتىندەپ قاتتى جۇقا قابات تۇزەلەدى، سونىمەن قاتار ودا ءتىس تاستارى پايدا بولادى. كۇندەلىكتى جەتكىلىكتى ءتيىمسىز گيگيەنا، ديەتانىڭ بۇزىلۋى، تەمەكى شەگۋ مەن كوپتەگەن باسقا دا فاكتورلار بۇل پروسەستى كۇردەلەندىرە ءتۇسۋى مۇمكىن.

ستوماتولوگ-گيگيەنيست ارنايى سكلەيلەردىڭ كومەگىمەن قاتتى جۇقا قابات پەن ءتىس تاستارىن الىپ تاستايدى جانە مۇنىڭ جوعارى ءابرازيۆتى ءتىس پاستالارىنا قاراعاندا ءتىس دەنساۋلىعىنا زيانى جوق. بۇدان كەيىن تىستەردى ارنايى قوسپامەن وڭدەيدى جانە قاجەت بولسا لاك جاعادى. سونىمەن قاتار دارىگەر قاجەت دەپ تاپسا ءتىستى رەمينەراليزاسيالاۋ پروسەدۋراسىن ۇسىنۋى مۇمكىن. كاسىبي تازارتۋ سەانستارىن ۇدايى جاساۋ بويالعان جۇقا قاباتتى كەتىرۋ ارقىلى تىستەردى جاقسى اعارتادى. الايدا بۇل دا اعارتۋعا جاتپايدى.

ءتىستى قالاي اعارتۋعا بولادى؟

تەك كاسىبي اعارتۋ عانا ءتىستىڭ ءتۇسىن اعىراق ەتە الاتىنىن بىلگەن ءجون. ول كابينەتتە، ياعني ستوماتولوگ-ەستەتيستىڭ كرەسلوسىندا جاسالاتىن جانە ۇيدە، ياعني ستوماتولوگ-ەستەتيستىڭ نۇسقاۋلىعىمەن ۇسىنىلعان دارى-دارمەكتەردىڭ كومەگىمەن ۇيدە جاسالاتىن بولىپ ەكىگە بولىنەدى.

كابينەتتىك كاسىبي اعارتۋ حيميالىق، لازەرلىك جانە فوتواعارتۋ بولىپ بولىنەدى. نەگىزىندە، ونىڭ ءبارى حيميالىق بولىپ تابىلادى، سەبەبى باستى اسەر ەتەتىن كومپونەنت وزگەرمەيدى – بۇل سۋتەك توتىعىنا نەگىزدەلگەن قوسپا. ءبىراق ءبىرىنشى جاعدايدا اسەر ەتۋ كاتاليزاتورسىز جۇرەدى، ال ەكىنشى جاعدايدا قوسپا اسەرى لازەر ساۋلەسىمەن كاتاليزدەنەدى، ال ءۇشىنشى جاعدايدا – جارىقپەن. ءۇي جاعدايىنداعى كاسىبي اعارتۋ جوعارىدا ايتىلعان اعارتۋ قوسپاسى جانە ارنايى اعاش بەزدەرىن پايدالانۋ ارقىلى، نەمەسە وسىعان ۇقساس قوسپاعا باتىرىلعان اعارتاتىن جولاقتاردىڭ كومەگىمەن ىسكە اسادى.

تىستەردى اعارتۋ ءمولدىر بولىپ كەلەتىن ەمالعا ەمەس، تەرەڭىرەك ءتىس ءتىنى – دەنتينگە اسەر ەتۋ ەسەبىنەن جۇرگىزىلەدى. ءتىسىڭىزدىڭ ءتۇسى ەمال ارقىلى كورىنىپ تۇراتىن ءدال وسى دەنتيننىڭ رەڭكىنە بايلانىستى. دەنتين تابيعاتىنان ەشقاشان اق بولمايدى. ادەتتە ول بويالعان، پيگمەنتتەلگەن بولادى. ونىڭ ءتۇسى اشىق-سارى مەن قوشقىل-سارى اراسىندا اۋىتقىپ تۇرادى، سونىمەن قاتار سۇر نەمەسە القىزىل بولۋى مۇمكىن. كاسىبي اعارتۋدىڭ ماقساتى دەنتيندى وڭسىزدەندىرۋ بولىپ تابىلادى.

ءتىستى اعارتۋ الگوريتمى

دەنساۋلىققا زيانىن تيگىزبەي ءتىستى قالاي اعارتۋعا بولادى؟ بىرىنشىدەن، ماسەلەنى انىقتاپ الۋ كەرەك: تىستەرىڭىز نەنىڭ ەسەبىنەن جەتكىلىكتى تۇردە اق ەمەس؟ بالكىم، ءتىسىڭىز اعىراق كورىنۋ ءۇشىن سىزگە دەنتيننىڭ رەڭكى مەن ەمالدىڭ مولدىرلىك دەڭگەيىنە كاسىبي گيگيەنانىڭ ءوزى جەتكىلىكتى بولاتىن شىعار.

ەگەر بويالعان ءتىستىڭ جۇقا قاباتىن كەتىرگەن سوڭ دا ءتىسىڭىزدىڭ ءتۇسى كوڭىلىڭىزدەن شىقپاسا، ستوماتولوگ-ەستەتيسكە بارۋ كەرەك، ول اعارتۋدىڭ وڭتايلى جۇيەسىن تاڭداپ بەرەدى. الايدا كەيبىر جاعدايلاردا ءتىپتى كاسىبي اعارتۋ دا كومەكتەسپەيتىنىن ەسكەرۋ كەرەك. دارىگەر سىزگە مۇنى الدىن الا ەسكەرتەدى، مىسالى، ەگەر سىزدە تەتراسيكليندى ءتىس بولسا. ەگەر اعارتۋ ماسەلەسى قاتتى ماڭىزدى بولسا، وندا مۇنداي جاعدايدا اقىرعى شارا – ۆينيرينگ بولادى. ۆينيرلەر مەن ليۋمينيرلەر – بۇل الدىڭعى ۇستىڭگى تىستەرگە سالىناتىن، الىنبايتىن جۇقا كەراميكالىق قاپتاما. ولار اعارتىپ قانا قويماي، ءتىس قاتارىنداعى بولماشى كەدىر-بۇدىردى جانە ءتىس اراسىنىڭ كەڭەيۋىن تۇزەيدى.

اعارتاتىن پاستالار نە ءۇشىن قاجەت؟

جوعارىدا ايتىپ وتكەن تۇجىرىمنان اعارتاتىن ءتىس پاستالارى زيان جانە پايداسىز دەۋگە بولا ما؟ ارينە، جوق. اتاپ ايتقاندا – ءبارى ەمەس. كەيبىر كاسىبي اعارتاتىن ءتىس پاستالارى قۇرامىنداعى گيدروكسياپاتيتتەردىڭ – ەمالدى قايتا قالپىنا كەلتىرىپ، جۇقا قاباتتىڭ تۇزىلۋىنە كەدەرگى كەلتىرەتىن ميكروەلەمەنتتەردىڭ ەسەبىنەنكابينەتتىك اعارتۋ مەن تازارتۋ اسەرىن بەرە الادى.

سونىمەن قاتار كەيبىر اعارتاتىن ءتىس پاستالارى بويالعان جۇقا قاباتتى ەرىتۋ مەن ءتىستىڭ جۇقا قاباتىن تۇسسىزدەندىرۋ ارقىلى شىلىمقورلارعا، كوفەماندارعا جانە قارا شايدى جاقسى كورەتىندەرگە كومەكتەسە الادى. الايدا سىزگە جاعاتىن پاستانى دارىگەر ستوماتولوگ تاڭداپ بەرەدى. مۇنداي پاستادا ءبىرىنشى كەزەكتە جوعارى ءابرازيۆتى بولشەكتەر از بولۋى ءتيىس. سونىمەن قاتار، كەز كەلگەن اعارتاتىن ءتىس پاستالارى تىستەرى تىم سەزىمتال ادامدارعا، بالالار مەن اۋىسپالى تىستەستىرۋى بار جاسوسپىرىمدەرگە جانە جۇكتى ايەلدەرگە جارامايدى.

---