InfoHub Logo

ينتەرنەتكە سىمسىز قوسىلۋ – زاماناۋي ءومىردىڭ اجىراماس بولىگى. ۇيدە، جۇمىستا، ساۋدا ورتالىقتارى مەن ءبىلىم وردالارىندا – بارلىق جەردە Wi-Fi بار. كەيبىر عالىمدار Wi-Fiء-دى ايتپاي كەلەتىن دەرت دەيدى. ءبىزدى كۇندەلىكتى قورشاپ تۇرعان Wi-Fi-دان تارايتىن ساۋلەلەنۋ جايلى قىسقاشا مالىمەت الىپ كورەيىك.

Wi-Fi جەلىسىنىڭ جۇمىس ىستەۋ ءپرينسيپى

Wi-Fiء-دىڭ زيانى

ۇيالى تەلەفونداردان بولىنەتىن ساۋلەلەنۋدىڭ زيانى جايلى كوپتەگەن ماسەلە قوزعالعانىمەن، ونىڭ دەنەگە اسەرى ءالى كۇنگە دەيىن تولىق زەرتتەلمەگەن. ويتكەنى ءبىز مۇنداي گادجەتتەر مەن سىمسىز جەلىلەردى قولدانىپ جاتقانىمىزعا از ۋاقىت بولدى. بۇل تەحنولوگيالار ادام اعزاسىنا قانشالىقتى زور اسەر ەتەتىنىن ءتۇسىنۋ ءۇشىن كوبىرەك ۋاقىت كەرەك.

ەلەكتروماگنيتتىك تولقىندار مەن ولاردىڭ ادام ميىنا اسەرى جايلى عىلىمي زەرتتەۋلەر بار. شىنىندا، وسىمدىكتەردىڭ ءوسۋىن تەجەيتىن جانە ادام ميىنىڭ قابىلەتىن تومەندەتەتىن جاسۋشالىق دەڭگەيدە وزگەرىستەر جۇرەدى.

Wi-Fi قۇرىلعىلارمەن جۇمىس ىستەيتىن ادامدار Wi-Fi تولقىندارىنىڭ اعزاعا تيگىزەتىن تەرىس اسەرىن تومەندەتۋ ءۇشىن قاۋىپسىزدىك تەحنيكاسى بويىنشا ناقتى نۇسقاۋلىقتاردى ۇستانادى.

Wi-Fi-دىڭ زيانىن قالاي تومەندەتۋگە بولادى؟

Wi-Fiء-دى ەشكىم قولدانباي تۇرعان كەزدە نەمەسە تۇندە روۋتەردى ءاردايىم ءوشىرىپ جۇرگەن ءجون؛

تەلەفوندى ەسكى، سىمدىق تەلەفونعا اۋىستىرىڭىز، سىمسىزدان بولىنەتىن ساۋلەلەنۋ دە ميعا تەرىس اسەر ەتەدى؛

Wi-Fi روۋتەر اس ۇيدە، بالالار بولمەسىندە نەمەسە جاتىن بولمەدە بولسا، ونى باسقا جاققا قويىڭىز. بۇل قۇرىلعى ادام از بولاتىن بولمەدە تۇرۋى ءتيىس؛

سىمسىز جەلىنىڭ ءوزىڭىزدىڭ جانە بالالارىڭىزدىڭ دەنساۋلىعىنا جاناما اسەرىن بارىنشا ازايتىڭىز: كوبىرەك تازا اۋادا بولىڭىز، سالاۋاتتى ءومىر سالتىن ۇستانىڭىز، جاڭالىقتار تاسپاسىن وقىپ وتىرعانشا قاعاز كىتاپتاردى وقىڭىز.

ءاردايىم ەلەكتروماگنيتتىك تولقىن ايماعىندا جۇرەتىن ادامنىڭ اعزاسى قالاي وزگەرەتىنىن بايقاۋ ءۇشىن بىزگە شامامەن 30 جىل ۋاقىت كەرەك. باس اۋرۋى، الاڭعاسارلىق، ۇيقىسىزدىق، ءاردايىم بولدىراپ ءجۇرۋ سىندى جاعىمسىز كۇيگە وسى تەحنولوگيالاردىڭ اسەرى سەبەپ بولۋى مۇمكىن.

---