InfoHub Logo

تانىمال بلوگەر دينارا ءساتجان اقتوبەدەگى TikTok پەن Instagram جەلىلەرىندە اقشاعا باتا بەرەتىن ەمشى باعداگۇلدى سوتقا بەرىپ، ونىڭ قىزمەتىن تەكسەرۋدى تالاپ ەتتى. بۇل تۋرالى Infohub.kz اقپارات اگەنتتىگى حابارلايدى.

دينارا ءساتجان ەمشىنىڭ قىزمەتىنىڭ زاڭدىلىعىنا قاتىستى ءبىرقاتار سۇراقتاردى العا تارتتى. ول باعداگۇلدىڭ اقىلى باتاسىنىڭ اقشاسى قايدا تۇسەتىنىن، سالىق تولەي مە، ادام ەمدەۋگە ليسەنزياسى بار-جوعىن انىقتاۋدى سۇرايدى. سونداي-اق، ەمشىنىڭ كيەلى زاتتار ساتۋى مەن جەلىلىك بيزنەسكە قاتىستى ارەكەتتەرىنىڭ زاڭدىلىعىن دا تەكسەرۋدى تالاپ ەتتى.

زاڭسىز ارەكەتتەر مەن قورلاۋ

بلوگەر ەمشىنىڭ حالىقتى الداپ، اقشا تاۋىپ وتىرعانىن ايتىپ، ونىڭ ارەكەتىن ادىلەتسىز دەپ باعالادى. «اۋىز وزىمدىكى ەكەن دەپ نەگە ەلدىڭ ءبارىن قورلايدى؟ ماعان دا “شليۋحا” دەپ ءتىل تيگىزدى. بۇل — جاريا تۇردە قورلاۋ»، — دەپ اشۋلاندى دينارا ءساتجان.

ول ەمشىنىڭ ارەكەتى قازاقستان رەسپۋبليكاسى قىلمىستىق كودەكسىنىڭ 131-بابىنا سايكەس، قورلاۋعا جاتاتىنىن ەسكەرتتى. ءساتجان سونداي-اق، ەمشىنىڭ ءوزى تۋرالى جالعان اقپارات تاراتقانىن، مەملەكەتتىك جوبالاردان اقشا الادى دەپ ايىپتاعانىن ايتتى. بۇل ماسەلەمەن بلوگەردىڭ ادۆوكاتى اينالىسىپ جاتىر.

سوتقا ارىز بەرىلدى

دينارا ءساتجان مەن ونىڭ ادۆوكاتى اقتوبە وبلىسىنىڭ پوليسياسىنا ارىز جازدى. «ول زاڭ اياسىندا بارلىق ىس-ارەكەتىنە، ايتقان سوزدەرىنە جاۋاپ بەرەدى. بۇل بەيبەرەكەتسىزدىكتى توقتاتاتىن ۋاقىت كەلدى»، — دەدى بلوگەر.