«دوسايەۆ قىزمەتىنەن كەتتى» تۇركىستان وبلىسىنىڭ بۇرىنعى اكىمى دارحان ساتىبالدى الماتى قالاسىنىڭ اكىمى بولىپ تاعايىندالدى
«دوسايەۆ قىزمەتىنەن كەتتى» تۇركىستان وبلىسىنىڭ بۇرىنعى اكىمى دارحان ساتىبالدى الماتى قالاسىنىڭ اكىمى بولىپ تاعايىندالدى،-دەپ جازادى ينفوحاب.
پرەزيدەنت قاسىم-جومارت توقايەۆتىڭ جارلىعىمەن ەربولات دوسايەۆ الماتى قالاسىنىڭ اكىمى قىزمەتىنەن بوساتىلىپ، ونىڭ ورنىنا دارحان امانگەلدى ۇلى ساتىبالدى تاعايىندالدى.
ەربولات دوسايەۆ مەگاپوليستى 2022 جىلدىڭ اقپانىنان بەرى باسقاردى. ونىڭ اكىمدىك كەزەڭى الماتىنىڭ ينفراقۇرىلىمدىق دامۋى مەن ۋربانيستيكا سالاسىنداعى جوبالارمەن ەرەكشەلەندى.
جاڭا اكىم دارحان ساتىبالدى — تاجىريبەلى باسقارۋشى كادر. ول 2025 جىلدىڭ قاڭتارىنان باستاپ پرەزيدەنت اكىمشىلىگى باسشىسىنىڭ ءبىرىنشى ورىنباسارى قىزمەتىن اتقاردى. بۇعان دەيىن تۇركىستان وبلىسىنىڭ اكىمى بولعان. تۇركىستاندى باسقارۋ كەزەڭىندە ايماقتىڭ الەۋمەتتىك-ەكونوميكالىق دامۋىنا ۇلەس قوسىپ، ءبىرقاتار ءىرى جوبالاردى جۇزەگە اسىردى.
دارحان ساتىبالدىنىڭ الماتىنى باسقارۋىنداعى باستى مىندەتتەرىنىڭ ءبىرى – حالىقتىڭ ءومىر ساپاسىن ارتتىرۋ جانە مەگاپوليستىڭ تۇراقتى دامۋىن قامتاماسىز ەتۋ بولماق.
You Might Also Like
-
استانادا قازاقستان پرەزيدەنتى قاسىم-جومارت توقايەۆ پەن ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لام اراسىندا شاعىن قۇرامدا كەلىسسوزدەر ءوتتى. مەملەكەت باسشىسى بۇل ساپاردى ەكى ە...
-
"شەرزاتتىڭ ءولىمىن موينىما الا سالايىن دەدىم":سوتتا باستى ايىپتالۋشى ابزال شىناسىل مالىمدەمە جاسادى
