InfoHub Logo

مەملەكەت باسشىسىنىڭ جارلىعىمەن ەربولات دوسايەۆ الماتى قالاسىنىڭ اكىمى لاۋازىمىنان بوساتىلدى. ول بۇل قىزمەتتى 2022 جىلدىڭ اقپان ايىنان باستاپ ءۇش جىلعا جۋىق ۋاقىت اتقاردى.

ەربولات اسقاربەك ۇلى دوسايەۆ — تاجىريبەلى مەملەكەت قايراتكەرى ءارى قارجى سالاسىنىڭ بىلىكتى مامانى. ول الماتىداعى رەسپۋبليكالىق فيزيكا-ماتەماتيكا مەكتەبىنىڭ تۇلەگى، 1993 جىلى الماتىلىق ەنەرگەتيكا ينستيتۋتىن ءتامامداعان.

كاسىپتىك جولىن جەكە سەكتوردا باستاپ، 1997 جىلى «اكسەپت» كورپوراسياسىنىڭ باس ديرەكتورى بولدى. كەيىن «بانك تۋران-الەم» باسقارما ءتوراعاسىنىڭ ورىنباسارى، سونداي-اق «الماتينسكيي تورگوۆو-فينانسوۆىي بانك» باسقارما ءتوراعاسى قىزمەتتەرىن اتقاردى.

1998 جىلى ۇكىمەت كەڭەسشىسى، كەيىن ەنەرگەتيكا، يندۋستريا جانە ساۋدا ۆيسە-مينيسترى، 2000 جىلى قارجى ۆيسە-مينيسترى قىزمەتتەرىن اتقاردى. 2001 جىلى «قازاقستان دامۋ بانكى» ديرەكتورلار كەڭەسىنىڭ ءتوراعاسى، سونداي-اق تابيعي مونوپوليالاردى رەتتەۋ اگەنتتىگىنىڭ ءتوراعاسى بولدى.

2003 جىلى قارجى ءمينيسترى، 2004 جىلى دەنساۋلىق ساقتاۋ ءمينيسترى بولىپ تاعايىندالدى. كەيىنگى جىلدارى «كازينۆەستبانك» ديرەكتورلار كەڭەسىن باسقاردى، ال 2012 جىلدان باستاپ ەكونوميكالىق دامۋ جانە ساۋدا ءمينيسترى، ۇلتتىق ەكونوميكا ءمينيسترى قىزمەتتەرىن اتقاردى.

2016 جىلى «بايتەرەك» ۇلتتىق باسقارۋشى حولدينگىن باسقارسا، 2017 جىلى پرەمەر-مينيستردىڭ ورىنباسارى بولدى. 2019–2022 جىلدارى ق ر ۇلتتىق بانكىنىڭ ءتوراعاسى قىزمەتىندە جۇمىس ىستەدى.

ەربولات دوسايەۆتىڭ الماتى قالاسىن باسقارۋ كەزەڭى ءتۇرلى رەفورمالار مەن ۋربانيستىك جوبالارمەن ەستە قالدى. ەندى ونىڭ ورنىنا جاڭا اكىم تاعايىندالادى دەپ كۇتىلۋدە.