- 16 جەل. 2020 00:00
- 379
ەگەمەندىگىمىزگە 29 جىل!!!
قانشاما عاسىر، قانشاما جىلدى ارتقا تاستاپ، بابالارىمىزدان اسىل مۇرا بوپ قالعان ۇلان عايىر جەرىمىزدى قاسىق قانى قالعانشا قورعاپ جان اياماي كۇرەسىپ جەتكەن ەگەمەندىگىمىزدى العانىمىزعا دا، انە مىنە دەگەنشە 29 جىلدا بولىپتى. ەڭسەمىزدى كوتەرىپ، الەمگە ايگىلى ەل بولعانىمىز وسى تاۋەلسىزدىكتىڭ ارقاسى. بۇل ومىردە وزگەگە تاۋەلدى بولۋدان ارتىق قورلىق جوق شىعار. ەشكىمگە تاۋەلدى بولماي ەركىن فورماتتا ءومىر سۇرگەنگە نە جەتسىن؟! تاۋەلسىزدىككە اپارار جول وڭايعا سوقپاعانى بارىمىزگە بەلگىلى. تاۋەلسىزدىكتىڭ جولىندا جاستاي بار عۇمىرىن قۇربان ەتكەندەردە از ەمەس. ولاردى ەلەپ ەسكەرمەۋ بولاشاق ەلىمىزدىڭ جاستارىنا ۇلكەن كۇنا. تاۋەلسىزدىگىمىزدى العاننان كەيىن ەلىمىز ءبىرشاما ىزگى ىستەردى باستان كەشىردى. بۇۇ، شانحاي، ەقىۇ سەكىلدى كوپتەگەن ۇيىمدارعا مۇشە بولىپ، ءتىپتى ەقىۇ عا تورەلىك ەتۋ مۇمكىندىگى دە بۇيىردى. بۇل ءبىزدىڭ ەلىمىز ءۇشىن ۇلكەن مارتەبە. باستى ماڭىزدى جايتتاردىڭ ءبىرى ەلىمىز الەمدە ءبىرىنشى بولىپ يادرولىق قارۋدان ءوز ەركىمەن باستارتتى. نەگىزىنەن العاندا بۇل شەشىمنىڭ كوپتەگەن پايدالى جاقتارى بار، بىرىنشىدەن ەكولوگيالىق جاعىنان وتە ءتيىمدى شەشىم، ەكىنشىدەن بەيبىتشىلىكتى ساقتاۋ ءپرينسيپى، ۇشىنشىدەن ۇلتتىق قاۋىپسىزدىگىمىزدىڭ كەپىلى. يادرولىق قارۋدان باستارتۋىمىز الەمگە ۇلگى تۇتارلىقتاي ىستەردىڭ ءبىرى بولدى. ونىڭ دالەلى ەۋروپارلامەنتتىك دەلەگاسيا مۇشەلەرىنىڭ قازاقستانعا بىلدىرگەن پىكىرلەرى. جالپى كەڭ تۇرعىدان العاندا، قازىرگى تاڭدا ەلىمىزدى بۇكىل الەم تانيتىنداي دارەجەگە جەتتى. مۇنىڭ بارلىعى ەلباسىمىز نۇرسۇلتان ءابىش ۇلى نازاربايەۆتىڭ ەلى ءۇشىن سىڭىرگەن ەڭبەگىنىڭ ارقاسى. كوپتەگەن عالىمداردىڭ پىكىرى بويىنشا قازاقستان الەمدە بولىپ جاتقان قانداي جاعداي بولماسىن نەمقۇرايلى قۇرايلى قاراماي،كەز كەلگەن ساتتە قول ۇشىن سوزۋعا دايىن تۇراتىن ەلدەردىڭ ءبىرى،سول سەبەپتەن دە قازاقستاندى ەرەكشە باعالايمىز دەگەن سىندى كومپليمەنتتەر كەلىپ جاتىر. شىن مانىندە،قازاقستان پاكىستان،يران،ءازىربايجان،ارمەنيا سەكىلدى الەمدە بولىپ جاتقان كەلەڭسىز جايتتارعا بەيبىتشىلىك باعىتتا بەلسەنە اتسالىسىپ ءجۇر. ونداعى باستى ماقساتى:الەمدەگى تىنىشتىقتى ساقتاۋ،بەيبىت ءومىر كەشۋ. الداعى ۋاقىتتا قازاقتان دامىعان مەملەكەتتەرمەن تەرەزەسى تەڭ دارەجە دە بولاتىنىنا مەن كامىل سەنەمىن! ونىڭ ءبارى دە مىنا بىزدەر جاستاردىڭ قولىندا! العا قازاقستان!
ۋ. م. دجولدىبايەۆا ءال-فارابي اتىنداعى ءقازۇۋ-نىڭ قازاقستان تاريحى كافەدراسىنىڭ دوسەنتى
ءا. ءمۋباشىرحان ءال-فارابي اتىنداعى ءقازۇۋ-نىڭ گەوگرافيا جانە تابيعاتتى پايدالانۋ فاكۋلتەتىنىڭ 1-كۋرس ستۋدەنتى