InfoHub Logo

نۇرسۇلتان نازاربايەۆ «ستراتەگيا-2050» اتتى حالىققا جولداۋىندا ەكولوگيانىڭ جاڭا ساتىسىنا، ياعني جاسىل ەل باعىتىنا كوشۋدى جەتەلدەتۋدى شاقىرعان بولاتىن. ايتا كەتسەك، ەكولوگيالىق پروبلەمالاردىڭ كوپتەگەن فاكتورلارىن الدىن الۋىنا ءتيىمدى جولداردىڭ ءبىرى: ەنەرگيانى كۇن ساۋلەسىنەن الۋ، كوشەلەردەگى فاۋنالاردى كوبەيتۋ، ال ەڭ باستىسى وقۋشىلار مەن جاسوسپىرىمدەرگە ەكولوگيالىق تاربيە بەرۋ بولىپ تابىلادى.

ەكولوگيالىق تاربيە قازاقستانداعى كوكەيكەستى ماسەلەلەردىڭ ءبىرى بولىپ تابىلادى. ونىڭ ۇستىنە EXPO-2017 جاھاندانۋ ساياساتىنىڭ العىشارتى ەكەنى بەلگىلى. جالپى ەكولوگيالىق تاربيەنىڭ قازىرگى تاڭداعى ماقساتى: جاستاردىڭ قورشاعان ورتا مەن تابيعات اياسىنا نەمقۇرايدى قاراماي، تازالىقتىڭ ماڭىزىن جەتە ءتۇسىندىرۋ، وقۋشىلاردىڭ بويىندا ەكولوگيالىق مادەنيەتتىڭ داعدىعا اينالۋىنا جاردەمدەسۋ، ەڭبەك ارقىلى تابيعاتتى كۇتىپ ۇستاۋ.

ەكولوگيالىق تاربيە بەرۋدىڭ مەكتەپ وقۋشىلارىنا تاربيە ساعاتى رەتىندە ءوتىلۋى، جاستاردىڭ ەكولوگياعا، تابيعاتقا دەگەن قوزقاراستارىنىڭ جاۋاپكەرشىلىك سەزىنۋىنە ىقپال جاساۋىنا سەبەپشى بولۋى ءتيىس. ەكولوگيالىق تاربيەنىڭ وقۋ تاربيەسىمەن تىعىز قارىم-قاتىناستا بولعانىنا بايلانىستى، ەڭبەك ەتۋ ارقىلى تابيعات رەسۋرستارىن ۇنەمدى پايدالانا وتىرىپ، ءونىم قالدىقتارىنا سالعىرتتىقپەن قاراماۋعا تاربيەلەۋ. تاربيە ساعاتى بارىسىندا وقۋشىلاردى ءونىم ءوندىرۋ فابريكالارىمەن، زاۋىتتارمەن تانىستىرا وتىرىپ، سول شىعارىلعان ونىمدەردى دۇرىس پايدالانۋعا ۇيرەتۋ ءمۇعالىمنىڭ مىندەتى بولىپ تابىلادى.

وقۋشىلاردىڭ اۋىلشارۋاشىلىق ەڭبەكپەن اينالىسۋدىڭ دا ماڭىزى جايلى ايتا كەتكەن ءجون. مىسالى تال وتىرعىزۋدان باستاپ، كوشە اۋلاسىن تازارتۋ جۇمىستارىنا بەلسەنە قاتىسۋ. سونىمەن قاتار قازىرگى تاڭداعى كەڭ تاراعان ەكولوگيالىق اپاتتاردىڭ سيپاتىمەن تانىستىرا وتىرىپ، قاۋىپسىزدىك شارالارىن پراكتيكا جۇزىندە وقىتىپ ۇيرەتۋ.

---