ەلباسى - قازاق حالقىنىڭ ماقتانىشى
نۇرسۇلتان ءابىش ۇلى نازاربايەۆ - قازاقتىڭ بۇگىنىن بۇتىندەپ، ەرتەڭىن ويلاپ، ەگەمەندىكتىڭ تۇعىرىن نىقتاپ جۇرگەن ادام، قازاقستان رەسپۋبليكاسىنىڭ تاريحىنداعى تۇڭعىش پرەزيدەنت.
اللا تاعالا ءار حالىققا سول حالىقتىڭ قامىن ويلايتىن دارا تۇلعالار بەرەدى. ءبىزدىڭ تۇڭعىش پرەزيدەنتىمىز جوقتان بار جاساعان ەل باسى. قينالسا دا ءوزىنىڭ پايىمى مەن پاراساتىنىڭ ساليقالى ساياساتىنىڭ، كورەگەندىگىنىڭ ارقاسىندا قازاقستان رەسپۋبليكاسىن دۇنيە جۇزىنە تانىتتى. ەگەمەندى ەلدىڭ تىزگىنى مەن شىلبىرىن قاتار ۇستاعان كۇننەن باستاپ تالاي قيىندىقتاردى ارتقا تاستاپ، قازاق دەگەن حالىقتىڭ ۇلى كوشىن باستاپ، ۇلتتىڭ ۇلىلىعىن ساقتاپ، دارىنى مەن دانالىعىنىڭ ارقاسىندا دۇنيە ءجۇزى تانىعان قازاق دەگەن حالىقتىڭ تۇڭعىش پرەزيدەنتى. نۇرسۇلتان ءابىش ۇلى نازاربايەۆ قانداي ءىس باستاسا دا ساناسىندا ساليقالى وي، جۇرەگىندە باتىل شەشىم، تەرەڭنەن ويلاپ، تەبىرەنەتىن - ەل باسى. 1990 جىلدىڭ 24 ساۋىرىنەن باستاپ قازاقستان رەسپۋبليكاسىندا كوپتەگەن وزگەرىستەر ورىن الدى. ەلباسى جاڭا رەفورمالار ەنگىزىپ، حالىق اراسىنداعى قيىنشىلىقتاردى شەشۋ ءۇشىن ارەكەت ەتتى. قازاقستانداعى تۇرىپ قالعان ونەركاسىپتەردى، زاۋىتتار مەن ءتۇرلى ءوندىرىس ورىندارىن ىسكە قوستى. ەل استاناسىن الماتىدان اقمولاعا كوشىرىپ، استانا قالاسىن سالدى. قازاقستان رەسپۋبليكاسىنا تاۋەلسىزدىك تاڭىندا كەيىننەن رەفورمالار جاساپ، ەلىمىزدى الەمدىك ارەنادا لايىقتى تانىتاتىن جوعارى بىلىكتى كادرلار تالاپ ەتىلدى. سول سەبەپتى 1993 جىلدىڭ 5 قاراشاسىندا نۇرسۇلتان ءابىش ۇلى نازاربايەۆتىڭ قاۋلىسىمەن "بولاشاق" باعدارلاماسى قۇرىلدى. پوستكەڭەستىك كەڭىستىكتەگى مەملەكەتتەر تاريحىندا العاش رەت تالانتتى جاستارعا شەتەلدە ءبىلىمالۋ مۇمكىندىگى بەرىلدى. «بولاشاق» ستيپەندياسى تۇلەكتەردىڭ تابىستى مانساپتىق ءوسۋى مەن كاسىپتىك ءوزىن-وزى جۇزەگە اسىرۋىنىڭ وزىندىك كەپىلىنە اينالدى. سونىمەن قاتار، ەلباسى ەلدىڭ بولاشاعى - جاستار دەپ، جاستارعا سەنىم ءبىلدىرىپ، ولارعا مەملەكەتتىك جۇمىستاردى سەنىپ تاپسىرىپ، ۇنەمى ولارمەن كەزدەسىپ، پىكىرلەسىپ، اقىل-كەڭەسىن ايتىپ وتىرۋعا ۋاقىت تابۋىنىڭ ءوزى - كەمەڭگەرلىك، كورەگەندىك.
1991 جىلى جاڭا تاۋەلسىز مەملەكەت - قازاقستان رەسپۋبليكاسىنىڭ دامۋى، بارلىق اتريبۋتتارى - ۇلتتىق قاۋىپسىزدىك، مەملەكەتتىك باسقارۋ جانە بيلىكتىڭ بۇكىل تارماقتارىنىڭ ءوزارا ارەكەت ەتۋ جۇيەسى بار ۇلتتىق مەملەكەتتىلىكتىڭ قالىپتاسۋى نازاربايەۆ ەسىمىمەن تىعىز بايلانىستى. قازاقستاندا دەموكراتيالىق ينستيتۋتتاردى قۇرۋ ەلباسىنىڭ اسا زور ەڭبەگى بولىپ تابىلادى. نازاربايەۆ باسشىلىعىمەن كونستيتۋسيالىق قۇرىلىس پروسەسى جۇزەگە استى، ول 1995 جىلدىڭ تامىزىندا ەلىمىزدىڭ نەگىزگى زاڭىن قابىلداعان بۇكىلحالىقتىق رەفەرەندۋممەن اياقتالدى. نۇرسۇلتان ءابىش ۇلى نازاربايەۆتىڭ تۇسىندا ءسوز بەن باسپا ءسوز بوستاندىعى، سايلاۋ جانە سايلانۋ قۇقىعى، پارتيالار مەن قوعامدىق بىرلەستىكتەر قۇرۋ قۇقىعى، ءدىن بوستاندىعى سياقتى ازاماتتىق قوعامنىڭ مىزعىماس قۇندىلىقتارى كونستيتۋسيالىق نورمالارعا اينالدى. ەلباسى قازاقستان رەسپۋبليكاسى ءۇشىن سىڭىرگەن ەڭبەگى زور. سول سەبەپتى دە حالىق ونى قۇرمەتتەپ، ماقتان تۇتادى. ءتىپتى ەلباسىنىڭ اتىمەن الماتىدا، قازاندا، تۇركيادا داڭعىلدار اتالعان. سونىمەن قاتار قازاقستاندا نازاربايەۆ اتىنداعى ۋنيۆەرسيتەت، زياتكەرلىك مەكتەپتەرى جانە ءتۇرلى ساياباقتار بار. ونىڭ قۇرمەتىنە 2019 جىلى ەلدىڭ استاناسى استانانىڭ اتاۋىن نۇر-سۇلتانعا وزگەرتتى.
قازاقستاننىڭ 18 ميلليون تۇرعىندارى نۇرسۇلتان ءابىش ۇلى نازاربايەۆتى ماقتان ەتىپ، ءارقاشان قولدايتىنىنا 100% سەنىمدىمىن. قازىرگى تاڭدا، پرەزيدەنت وكىلەتتىگىن اتقارۋدى توقتاتقانىمەن، قازاقستان رەسپۋبليكاسىنىڭ پرەزيدەنتى رەتىندە قاسىمجومارت توقايەۆ سايلانعانىمەن، نۇرسۇلتان ءابىش ۇلى نازاربايەۆ ءارقاشاندا ەلباسى بولىپ قالادى. ول - دۇنيە ءجۇزى مويىنداعان، الىستى ايقىندايتىن، كەمەلى مەن كەمەڭگەرلىگى كۇشتى ساياساتكەر ءارى دانا تۇلعا.
You Might Also Like
-
جەتىسۋدىڭ ايگىلى باتىرلارى وتەگەن، رايىمبەك قاراشپەن تۇستاس ەكەن. وتەگەن باتىر جەرۇيىقتى ىزدەپ، جاپاندى ارالاپ ەلىنە ورالعاننان كەيىن دۋلات قاراش، وتەگەن، البان رايىمبەك، جالايىر قابان — ءتورت...
