InfoHub Logo

جەتىسۋدىڭ ايگىلى باتىرلارى وتەگەن، رايىمبەك قاراشپەن تۇستاس ەكەن. وتەگەن باتىر جەرۇيىقتى ىزدەپ، جاپاندى ارالاپ ەلىنە ورالعاننان كەيىن دۋلات قاراش، وتەگەن، البان رايىمبەك، جالايىر قابان — ءتورت باتىر وتەگەننىڭ ۇيىندە باس قوسادى. رايىمبەك، وتەگەن — قۇرداس، قاراشتىڭ جاسى ولاردان كىشى ەكەن، ءبارىنىڭ ۇلكەنى قابان كورىنەدى.

رايىمبەك ءسوز باستايدى:

— وتەگەن، ەل ارالاعان سىنشى دەگەن، جەر دۇنيەنى ارالاپ كەلدىڭ، جاسىمىز بولسا كەلدى، باتىرسىڭ، ءارى كوپتى كوردىڭ، ولگەن كۇندە ءجايىمىز نە بولادى، قايسىمىز قايدا قالامىز، سونى ايتشى، — دەپتى.

وتەگەن:

— «اعا تۇرىپ سويلەگەن ىنىدەن بەز» دەگەن، دۇنيەنىڭ جارىعىن بۇرىن كورگەن الدىمىزداعى اعامىز قابان ايتسىن، — دەپ ءسوزدىڭ كەزەگى قابانعا بۇرىپتى.

سوندا قابان:

— ەكەۋىڭ ءبىرىڭدى-بىرىڭ تۇرتكىلەپ، اقىرى مەنى سويلەتتىڭدەر مە، تىڭداڭدار، ايتىپ كورەيىن، — دەپ ءسوز باستاپتى. — وبالىم اتىمدى قابان قويعان اكە-شەشەمە بولسىن، اتىم قابان بولعاندىقتان، ءبىر باستاۋدىڭ باسىندا، شوق قامىستىڭ تۇبىندە بولامىن. ءۇش كۇن دەنەم جەردە جاتادى، ءۇش كۇننەن سوڭ تابىلمايدى. ال، وتەگەن، سەنىڭ جايلى، جىلى مىنەزىڭ بار ەدى، جىلجىپ اققان سۋدىڭ جاعاسىندا قالاسىڭ، ءبىراق تۇبىندە جىلجيسىڭ. رايىمبەك، سەن كوپشىل ەڭ، قيامەت قايىمعا دەيىن باسىڭنان دابىر كەتپەيتىن ۇلكەن جولدىڭ بويىندا قالاسىڭ، — دەپتى-مىس.

---