InfoHub Logo

قوستاناي وبلىسى قاراسۋ اۋدانى «كليۋچيەۆوي ورتا مەكتەبى» مم
قازاق ءتىلى مەن ادەبيەت ءپانى ءمۇعالىمى مەيرامكۋل كاربۋزوۆا

ەلىمىز تاۋەلسىزدىك العان جىلداردان باستاپ، ەلباسىمىزدىڭ كورەگەن ساياساتىنىڭ، ۇستانعان ستراتەگيالىق باعىتى جولىندا ۇلكەن بەلەستەرگە كوتەرىلدىك. قاسيەتتى ەگەمەندىكتىڭ، ەركىندىكتىڭ ارقاسىندا تالاي ىستەر اتقارىلىپ، جەتىستىكتەرگە كۋا بولدىق، ماقتانىش ەتتىك، مەرەيىمىز ارتتى، اتا-بابالارىمىز سان عاسىرلار قول جەتكىزە الماعان ارماندارىمىزعا قول جەتكىزدىك. وسىنىڭ بارىنە حالقىمىزدىڭ ءال-اۋقاتى ەلباسىمىزدىڭ تىكەلەي باسشىلىعىمەن مەملەكەت قىزمەتكەرلەرى، جالپى ەلىن، جەرىن كوركەيتۋگە اتسالىسقان ءار سالا ماماندارىنىڭ اتقارعان ەرەڭ ەڭبەگىنىڭ اياسىندا دامىپ، وراسان جەتىستىكتەرگە جەتتىك. الەمدىك ارەنادا قازاقساتان ءوز ورنىن ويىپ الدى، ءوزىن جان-جاقتى، سەنىمدى، جاۋاپتى ەل رەتىندە تانىلىپ، كۇنى بۇگىنگە دەيىن قارقىندى دامۋ ۇستىندە. ەلىمىز ەلباسىمىزدىڭ «قازاقستان-2030» ستراتەگياسى جوسپارىن ون بەس جىلدىڭ ىشىندە جۇزەگە اسىرىپ، جاھانداعى 50 دامىعان الپاۋىت ەلدەردىڭ قاتارىنا قوسىلدى. ەلدىڭ جارقىن بولاشاعىن جاساۋشى، «ماڭگىلىك ەل» يدەياسىمەن ۇشتاسقان «قازاقستان-2050» ستراتەگياسى جول كورسەتىپ كەلەدى. ەلباسىمىز ءوز جولداۋىندا الەمدەگى سان ءتۇرلى بولىپ جاتقان وزگەرىستەر مەن سىن-قاتەرلەرگە دايىن بولۋ قاجەتتىگىن ەسكەرىپ، «قازاقستان-2050» دامۋ ستراتەگياسىمەن جاڭا الەمدەگى كوشباسشى وتىز ەلدىڭ قاتارىنا ەنۋدى ماقسات ەتىپ وتىر. وسى باعىتتا ەلدىڭ دامۋىنا 100 ناقتى قادام – ۇلت جوسپارى جۇزەگە اسىرىلىپ كەلەدى. نۇرسۇلتان نازاربايەۆ بيىلعى قازاقستان حالقىنا جولداۋىندا ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرىن، ناقتى 10 باعىت بويىنشا ماڭىزدى مىندەتتەردى اتاپ كورسەتتى. ەڭ باستىسى سيفرلىق ءداۋىر، تەحنولوگيالاردىڭ دامۋىن كورسەتتى. بيىلعى جولداۋدىڭ ەرەكشەلىگى جەتىنشى باعىتىندا ءبىلىم بەرۋدىڭ بارلىق سالاسىندا ناقتى جۇزەگە اسىرىلاتىن مىندەتتەر ايقىن كورسەتىلگەن. سيفرلىق تەxنولوگيالار بارلىق سالالاردا جۇزەگە اسىرىلادى. ايتارلىق ورتا مەكتەپ، كوللەدج، جوعارى وقۋ ورىندارىندا ۇزدىك وقىتۋشىلارىنىڭ بەينە¬ساباقتارى مەن بەينەلەك¬سيالارىن ينتەرنەتكە ورنالاستىرۋ كەرەك ەكەنىن اتاپ ءوتتى. وقۋشىلاردىڭ زاماناۋي ءبىلىم الۋى ءۇشىن كومپيۋتەرلەر، لابوراتوريالار جانە 3D-پرينتەرلەر سەكىلدى بارلىق قاجەتتى ينفراقۇرىلىمى بار بالالار تەحنوپاركتەرى مەن بيزنەس-ينكۋباتورلارىنىڭ جەلىسى قۇرىلاتىن بولماق. بۇل - ەلىمىزدىڭ بارلىق جەرىندەگى ۇستازدارىنا تاجىريبە الماسۋدا، وزىق بىلىمگە قول جەتكىزۋگە ۇلكەن مۇمكىندىك. سونىمەن قاتار وقىتۋدىڭ مازمۇندىلىعى زاماناۋي تەحنيكالىق قۇرال-جابدىقتارمەن قامتاماسىز ەتۋ جانە سيفرلىق ءبىلىم بەرۋ رەسۋرستارىن دامىتۋ، كەڭ جولاقتى ينتەرنەتكە قوسۋ جانە مەكتەپتەرىمىزدى ۆيدەوقۇرىلعىلارمەن جابىدىقتاۋ جۇمىستارىن جالعاستىرۋ جايىندا ايتقانى شالعايداعى ۇستازدار ءۇشىن قۋانتارلىق جايت. ەلباسىمىز سونداي-اق ءتىل ماسەلەسى بويىنشا تۇعىرلى ءۇش ءتىل قازاقستاندىقتاردىڭ بولاشىعى ءۇشىن ماڭىزدى ەكەنىن تيەك ەتىپ، انا ءتىلىمىز - قازاق ءتىلى عۇمىرلى بولسىن دەسەك، ونى ءجونسىز تەرمينولوگيامەن قيىنداتپاي، تەرمينولوگيا تۇرعىسىنان قازاق ءتىلىن حالىقارالىق دەڭگەيگە جاقىنداتىپ، قازىرگى زامانعا لايىق دامىتىپ قولدانۋىمىز كەرەك ەكەنىن ايتتى. بۇل ءوسىپ كەلە جاتقان ۇرپاعىمىزدىڭ باسقا دا تىلدەردى ەركىن مەڭگەرۋىنە وڭاي بولماق. ءوزىنىڭ تاريحىن،ءتىلىن، مادەنيەتىن بىلەتىن، قازىرگى زامانعا ساي، الەم كوشىنە ىلەسە الاتىن شەت تىلدەرىن مەڭگەرگەن، وزىق ءارى جاھاندىق كوزقاراسى بار قازاقستاندىق ازامات قوعامىمىزدىڭ يدەالىنا اينالۋى كەرەك. «رۋحاني جاڭعىرۋدىڭ» باستى ماقساتى دا وسى بولماق دەپ ەلباسىمىز ايقىنداپ ايتىپ كەتتى. سونىمەن قاتار ءمۇعالىم مارتەبەسىن ارتتىرۋ ماقساتىمەن ءبىلىم بەرۋدىڭ جاڭارتىلعان مازمۇنى بويىنشا كوشكەن ۇستازدارعا لاۋازىمدىق جالاقىسىن 30 پايىزعا قوسۋدى تاپسىردى. ءاسى¬رە¬سە، مۇعالىمدەردىڭ جا¬لا-قىسى ءبى¬لىكتىلىگىنىڭ راستالۋ¬ىنا بايلا¬نىستى 30 پايىزدان 50 پايىزعا دەيىن وسەتىنى تۋرالى حاباردى ەرەكشە ىقىلاسپەن قا¬بىل¬دادى. وسى وراي بيىل قوسىمشا 67 ميلليارد تەڭگە بولىنبەكشى. جالپى بولاشاقتا ۇستازدار مارتەبەسى ارتىپ، ءبىلىم سالاسىنداعى وڭ وزگەرىستەر ەلىمىزدىڭ دامۋىنا ۇلەسىن تيگىزەتىنى انىق. ەلباسىمىزدىڭ قازاقستان حالقىنا جولداۋى حالقىمىزدىڭ ءال-اۋقاتىن جاقسارتاتىن بىردەن-بىر جول. سوندىقتان ەلىمىزدىڭ ءار ازاماتى جولداۋدى دۇرىس قابىلداپ، ونىڭ جاڭعىرۋىنا تەك اتسالىسپاق. قورىتا كەلە، دامىعان ەلۋ ەلدىڭ قاتارىنا قوسىلۋ ءۇشىن الەمدىك زاماناۋي تالاپتارعا ساي بولۋمەن قاتار، جاھاندانۋ داۋىرىندە ارتتا قالماي، ۇلت رەتىندە ساقتالىپ قالۋ ءۇشىن، «ماڭگىلىك ەل» يدەياسىمەن بىرگە ەلباسىمىزدىڭ جولداۋىنداعى «ءتورتىنشى ونەركاسىپتىك رەفوليۋسيا جاعدايىنداعى تاريحي ورلەۋ باستاۋىنداعى تۇرعان ءبىرتۇتاس ۇلت بولۋدىڭ» بارلىق مۇمكىندىكتەرىن پايدالانىپ، الەم ەلدەرىنىڭ وزىق تاجىريبەسىن ساراپتاپ، ەلىمىزگە ءتيىمدى تاسىلدەرىن قولدانۋعا بار كۇشىمىزدى، اقىل-پاراساتىمىزدى سالۋىمىز كەرەك. جەتىستىككە جەتۋدىڭ جولى ايقىن، تەك جۇرت بولىپ، ەل بولىپ جۇمىلا ارەكەت ەتۋ، اتسالىسۋ. «ءعىلىم-بىلىم-يننوۆاسيا» داۋىرىندە ەلباسىمىزدىڭ جولداۋىنداعى جاپپاي سيفرلىق داۋىرگە كوشۋ – بۇل قازاقستاندىقتاردىڭ جارقىن بولاشاعىنىڭ نىشانىنا اينالماق.

---