ەلەكتروندى تەمەكى
وندىرۋشىلەر تەمەكىدە تازا سۋ بۋىنا ۇقساس مۇلدەم ءقاۋىپسىز زات قولدانىلعانىن مالىمدەيدى، اقيقاتىندا ولاي ەمەس. قۇرامىنا ءۇڭىلىپ، ونىڭ ادام دەنساۋلىعىنا نەلىكتەن زياندى ەكەنىن انىقتاۋعا تىرىسايىق.
زەرتتەۋلەر كورسەتكەندەي، اەروزول قۇرامىندا نيكوتين (ءاردايىم ەمەس)، گليسەرين، حوش يىستەندىرگىش كومپونەنتتەر، پروپيلەنگليكول، اسەتالدەگيد، فورمالدەگيد جانە باسقا دا كانسەروگەندى حيميميالىق (قاتەرلى ىسىكتەردىڭ پايدا بولۋىن قوزدىراتىن) زاتتار بار.
پروپيلەنگليكول تۇرمىستىق حيميا وندىرىسىندە قولدانىلادى. دەنەگە ەنگەننەن كەيىن ول بۇيرەك پەن ميعا اسەر ەتىپ، ولاردىڭ جۇمىسىن بۇزادى.
ۆەيپتارداعى تابيعي نيكوتين دەنەگە ودان دا ۇلكەن ءقاۋىپ توندىرەتىن حيميالىق نيكوتينمەن اۋىستىرىلدى.
حيميالىق الماستىرعىشتارعا نيكوتين سۋلفاتى جاتادى. ول ەرتەرەكتە اۋىل شارۋاشىلىعىنا زيان كەلتىرەتىن جاندىكتەرمەن جانە وسىمدىك اۋرۋلارىمەن كۇرەسۋ ءۇشىن پەستيسيد رەتىندە قولدانىلعان، ءبىراق ۋىتىنىڭ جوعارى بولۋىنا بايلانىستى تىيىم سالىنعان.
قۇرامىندا نيكوتين بولماسا، مۇنداي تەمەكىلەر ادام دەنساۋلىعىنا نەگە زياندى؟ اەروزول قۇرامىنداعى حوش يىستەر وكپەگە ەنىپ، ولاردى جاسۋشالىق دەڭگەيدە زاقىمدايدى. اقىرىندا پنيەۆمونيانىڭ، استمانىڭ جانە جۇرەك-تامىر جەتىسپەۋشىلىگىنىڭ دامۋىن قوزدىرادى. سونىمەن قاتار، شىرىشتى قاباتتارعا ۇنەمى اسەر ەتەتىن ءتۇتىن دە ايقىن زيان كەلتىرەدى.
جارىلۋ ءقاۋپى
بۇگىندە الەم بويىنشا ەلەكتروندى تەمەكىلەردىڭ ادام اۋزىندا جارىلعانى تۋرالى بىرنەشە وقيعا تىركەلگەن.
جارىلىستىڭ سالدارىنان 57 جاسار فلوريدا شتاتىنىڭ تۇرعىنى ءتىلسىز قالسا، 17 جاستاعى ماسكەۋ قالاسىندا مەكتەپ وقۋشىسىنىڭ تىستەرىن قاعىپ تۇسىرگەن. ەرنى مەن جاعىنا زيان كەلىپ پلاستيكالىق وتا جاساتىپ جاساندى تىستەر سالۋعا ءماجبۇر بولعان. 24 جاستاعى امەريكاندىق ەلەكتروندى تەمەكىنىڭ جارىلۋىنان ۇيقى ارتەرياسى ءۇزىلىپ قايتىس بولعان.
وقۋعا كەڭەس بەرەمىز:
تەمەكىنىڭ ميعا بەرەتىن زياندارى
31 مامىر – حالىقارالىق تەمەكى تارتۋمەن كۇرەس كۇنى
تەمەكى تارتۋدىڭ سالدارى: نەسىمەن ءقاۋىپتى، قانداي زيانى بار؟
You Might Also Like
-
سىرىڭكە — ەكى عاسىر بۇرىن عانا ادامزات تۇرمىسىنا ەتەنە ارالاسا باستادى. ال ونىڭ شىعۋ تاريحى 1669 جىلى حيميك براندتىڭ فوسفوردى اشۋ ۋاقىتىنان باستاۋ الادى.
