InfoHub Logo

قىزىلوردا وبلىسى، قازالى اۋدانى،
ب. ءابدىرازاقوۆ اتىنداعى №88 ورتا مەكتەپ ءمۇعالىمى
باتىرحان نۇرىمبەت

تۇڭعىش پرەزيدەنت كۇنى مەرەكەسىنە وراي ۇيىمداستىرىلعان ب. ءابدىرازاقوۆ اتىنداعى №88 مەكتەپتىڭ «ەلى سۇيگەن، ەلىن سۇيگەن - ەلباسى» اتتى ادەبي - مۋزىكالىق سالتاناتىنىڭ باعدارلاماسى.
جىگەرلى، كوڭىلدى مۋزىكا وينالادى:
ورتاعا اسكەري شەرۋ كىرەدى: (الماس) تۋدى الىپ اينالىپ شىعىپ ءبىر شەتكە ورنالاسادى.
«قازاقستان رەسپۋبليكاسىنىڭ مەملەكەتتىك تۋى ەنگىزىلسىن!»

مۋزىكا فونىندا ەكى جۇرگىزۋشى شىعادى:

بەرەكە مەن بىرلىكتىڭ قالقانى نىق،
كيەلى ەلدىڭ ءاردايىم ءار تاڭى قۇت.
قاسيەتىم ءارقاشان باس يەتىن،
ارمىسىزدار، اعايىن، القالى جۇرت.

ونەرسىزدىڭ وتى جانىپ، سونەر دەمدە،
ونەرپازدىڭ نۇر ءجۇزى كونەرگەن بە؟
ءاز حالقىم، ارداقتايتىن ارىم مەنىڭ،
سالەم بەردىم كوزايىم كورەرمەنگە.

ءار تاسىڭ، ءار بەلەسىڭ جىلى ماعان،
تۋعان جەردىڭ تويا ما جىرىنا ادام.
تۇلپارلار دۇبىرلەتكەن ۇلى دالام،
قازاقستان - مەنىڭ ەلىم!

قويناۋىنان قازىنا سارقىلماعان
ءار سۇيەمى كيەلى التىن دالام
كۇن سايىن، ساعات سايىن قارقىنداعان
قازاقستان - مەنىڭ ەلىم!

جارقىراعان بيىكتە جۇلدىزدارى
اسقاقتاعان الاتاۋ - شىڭ قۇزدارى
وركەندەگەن ورەلى ۇل - قىزدارى
قازاقستان - مەنىڭ ەلىم!

ۇلدارى عارىش كوكتە شارىقتاعان
ەڭبەگىمەن ءدان تەرىپ جالىقپاعان
ءانۇرانى اسپاندا قالىقتاعان
قازاقستان - مەنىڭ ەلىم!

بەرەكە مەن باسىنان ب ا ق تايماعان
ۇلاندارى جۇرەكتەن وت قايراعان
بيىكتە جەلبىرەگەن كوك بايراق - ءان
قازاقستان – مەنىڭ ەلىم!

شايقالماعان تاريحتىڭ داۋىلىنا
مۇشە بولعان الەمنىڭ بار قاۋىمىنا
كوپ ۇلتتى باسقان ۇيا - باۋىرىنا
قازاقستان – مەنىڭ ەلىم!

سالت - ءداستۇرى باي حالقىم - جويىلماعان
قويناۋى قۇت - بەرەكە سايىن دالام
ەلباسىمدى بۇكىل الەم مويىنداعان
قازاقستان - مەنىڭ ەلىم!

سىزات تۇسپەي بار ۇلتپەن بىرلىگىمە
قۋات بەرگەن اق وردا تىرلىگىمە
جاسامپاز، بار ايماققا ۇلگى مىنە
قازاقستان – مەنىڭ ەلىم!

1 - ج. تاعىدا ارمىسىزدار ارداقتىدا، قۇرمەتتى سالتانات قوناقتارى، ۇستازدار، وقۋشىلار! بيىل مىنە ءبىرىنشى رەت اتالىپ ءوتىپ جاتىرعان تۇڭعىش پرەزيدەنت كۇنى مەرەكەسى بارشاڭىزعا قۇتتى بولسىن!....... ييا، ەلباسى - بۇل ءبىزدىڭ دەموكراتيالىق مەملەكەتتىڭ نەگىزگى تولاعاي تۇلعاسى، تاۋەلسىزدىكتىڭ تۇعىر تىرەگى، جاريالىلىقپەن جارقىن ىستەردىڭ جۇرەگى، ەڭبەك پەن بوستاندىقتىڭ بەرىك بوساعاسى، ءتىل مەن ءدىلدىڭ داۋىرلىك دىڭگەگى.

2 - ج. ءبىزدىڭ ەلباسى - بۇل ءبىزدىڭ ءاربىر مەملەكەت ازاماتىنىڭ ارى مەن ابىرويى، ماقتانىشى مەن مەرەيى، قاسيەتى مەن قۇرمەتى،. ونىڭ ەركىندىگى مەن ەڭبەگىنىڭ ەڭ سەنىمدى سيمۆولى. ءبىزدىڭ ەلباسى - بۇل ەلدىڭ ءوسۋىنىڭ، وركەندەۋىنىڭ، ورەسىنىڭ وزەگى، كۇش - قۋاتىنىڭ، بەدەلىنىڭ بەسىگى، ءال - اۋقاتىمەن مادەنيەتىنىڭ مايەگى!

1 - ج. ەندەشە بۇگىنگى سالتاناتىمىزدا ساليقالى ءسوز ايتىپ، مەرەكەلىك لەبىز ءبىلدىرۋ ءۇشىن ورتاعا اۋىلىمىزدىڭ اكىمى تولەمىسوۆ ابدۋللا اعا مەن ب. ءابدىرازاقوۆ اتىنداعى №88 مەكتەپتىڭ ديرەكتورى قوجا لەپەسوۆ قۋاندىق اعايدى شاقىرايىق!............. راحمەت!

2 - ج. جاسا، قازاق! جاسا ەلى قازاقتىڭ
ارتتا قالدى بارلىعى دا ازاپتىڭ
ەلباسىنىڭ ابىرويى بەدەلى
الىپ بەرگەن سونبەك ەمەس ازات كۇن!
- كەلەسى قۇتتىقتاۋ ءسوز كەزەگىن اۋىل ارداگەرلەر كەڭەسىنىڭ ءتوراعاسى سەيىلحان كوكەگە، اۋىل يمامى عابدۋللا اعاعا جانە №20 - شى «جاينا» بالاباقشاسىنىڭ مەڭگەرۋشىسى تىلەۋبەرگەنوۆا گۇلميرا اپايعا بەرەمىز................................................. راحمەت، جاقسى لەبىزدەرىڭىزگە!
-
- جەرىڭ عاجاپ، جەرىڭ بايتاق، الىپتا،
- ەلىم مەنىڭ قاي كەزدە دە تارىقپا!
- ەلباسىمەن عاسىرلاردىڭ تورىنە
- تۋىڭداعى قىران قۇس بوپ قالىقتا..
-
ەندى سىزدەردىڭ نازارلارىڭىزعا تۇڭعىش پرەزيدەنت كۇنى مەرەكەسىنە ارنالعان تانىمدىق - مۋزىكالىق كونسەرتىمىزدى ۇسىنامىز:

1. حور. «قازاقستان - وتانىم» ورىندايتىن مەكتەپ بالالار حور ۇجىمى.
2. قىمبات
3. ءان. «قازاقستانىم» ورىن: ايداۋلەت رايحان
4. جانەركە
5. ءان. «تۋعان ەل» ورىن: گۇلفايرۋس ەرماقانوۆا
6. ءان. «كىشكەنتاي بالامىز» ورىن: اقبوتا مەن گۇلزات
7. گۇلدەنگەن
8. بي. ورىس ءبيى ورىندايتىندار: بيشىلەر توبى
9. ءان. «دومبىرا» ورىن: گۇلفايرۋس ەرماقان.
10. نۇرسۇلتان
11. ءان. «سالەم ساعان، تۋعان ەل!» ورىن - ن: ءاسيما وسپان
12. بي. «اتا تولعاۋى» ورىن: بيشىلەر توبى
13. اقنۇر
14. ءان. «قازاقتاي ەل قايدا؟» ورىن: ءاسيما وسپان
15 گۇلفايرۋس
16.. ءان. «قازاقتىڭ ەلى» ورىن: ايداۋلەت رايحان
17. حور. «اق كۇرىش - ءانىم» ورىندايتىن مەكتەپ بالالار حور ۇجىمى

1 - ج قازىنالى كەنگە باي ءار توبەسى
ءوندىرىسى نارىقتىڭ نار كەمەسى
قازاقستان كيەلى ۇلى مەكەن
ەلباسىنىڭ بيىكتە تۇر مارتەبەسى

2 - ج. تۋ تىگىلىپ تورىنە تاق ورناعان
نۇر تارايدى استانا - اقوردادان
ەلباسى بار ەل سەنگەن، مارتەبەلى
قازاعىمنىڭ باسىنا ب ا ق ورناعان!

1 - ج. جاراتىلعان ار - نامىس بارىس تەكتەن
ەلباسىمنىڭ اتاعى الىس كەتكەن
قازاقستان وتانى ۇلانداردىڭ
شىرقاپ ۇشىپ، سالەم بەرگەن عارىش كوكتەن

2 - ج. كىر جۇقپاي ۇلىلىقتىڭ ۇعىمىنا
تاۋسىلماسىن تاۋەلسىزدىك جىرى مىنا
قازاقستان ورلەي بەر جوعارىعا
تىك تۇرىپ تاۋەلسىزدىك تۇعىرىنا!

1 - ج قۇرمەتتى قوناقتار، كورەرمەندەر! وسىمەن تۇڭعىش پرەزيدەنت كۇنى مەرەكەسىنە ارنالعان مۋزىكالىق سالتانات اياقتالدى! كوڭىل قويىپ، نازار اۋدارعاندارىڭىزعا راحمەت!

2 - ج. ءارقاشان ەلىمىزدىڭ ەڭسەسى بيىك، مارتەبەسى جوعارى بولىپ، ەلباسىمىزدىڭ ەل سۇيسىنگەن ەرەن ىستەرى كوپ بولعاي! ەلىمىزدىڭ باسىنان ىنتىماق پەن ىرىس، بەرەكە مەن ب ا ق كەتپەسىن! زامانىمىز تىنىش، تاڭىمىز نۇرلى بولسىن!