tengrinews.kz
ەلىمىزدە ەسىرتكى قولدانۋشىلاردى انىقتاۋدىڭ جاڭا ءادىسى ۇسىنىلدى
ەلىمىزدە ەسىرتكى قولدانۋشىلاردى انىقتاۋدىڭ جاڭا ءادىسى قولعا الىنباق. استانا قالالىق ءماسليحاتىنىڭ دەپۋتاتى التىنشاش تابۋلدينانىڭ ايتۋىنشا، زاماناۋي تەحنولوگيالار ارقىلى ەسىرتكى تۇتىنۋدىڭ وشاقتارىن، ءتىپتى ناقتى ۇيلەر مەن وقۋ ورىندارىنا دەيىن انىقتاۋعا مۇمكىندىك بار.
بۇل تۋرالى Infohub.kz اقپارات اگەنتتىگى حابارلايدى.
كارىز سۋىنان ەسىرتكى ىزدەيدى
تابۋلدينانىڭ ايتۋىنشا، بۇل ءادىس كارىز سۋىنداعى ەسىرتكى زاتتارىنىڭ ىزدەرىن ءتىپتى از مولشەردە دە انىقتاپ، ولاردىڭ تۇتىنۋشىلارىنىڭ قايدا ورنالاسقانىن ناقتىلاۋعا كومەكتەسەدى.
«كارىز قۇبىرلارىنان سىناما الىپ، ناقتى قاي جەردە – جەكە ءۇي مە، ۋنيۆەرسيتەتتىڭ نەمەسە باسقا مەكەمەنىڭ اۋماعىندا – وسىنداي جاعدايلاردىڭ بار ەكەنىن كورۋگە بولادى. بۇل – جۇمىس ىستەۋگە بولاتىن ناقتى توپتاردى انىقتاۋعا مۇمكىندىك بەرەدى»، - دەدى دەپۋتات.
جاستار اراسىنداعى ەسىرتكى ماسەلەسى
دەپۋتات جاسوسپىرىمدەر مەن جاستاردىڭ ەسىرتكىگە تاۋەلدىلىگىنىڭ ءورشۋى الاڭداۋشىلىق تۋدىراتىنىن اتاپ ءوتتى. ونىڭ ايتۋىنشا، دارىستەر، اقپاراتتىق كامپانيالار مەن بەينەماتەريالدار سياقتى پروفيلاكتيكالىق جۇمىستار كۇتىلگەن ناتيجە بەرمەگەن.
بۇعان دەيىن مەكتەپتەر مەن جوعارى وقۋ ورىندارىنداعى ەسىرتكى قولدانۋشىلاردى كارىز سۋى ارقىلى ىزدەۋ تۋرالى حابارلانعان بولاتىن. بۇل تۋرالى ادىلەت مينيسترلىگى دە مالىمەت بەرگەن ەدى.
-
The Coca-Cola Company has officially complained to the Ministry of Justice in Kazakhstan about counterfeit beverages being sold under its brand name.
-
الماتى قالاسىنىڭ تجد 17 ساۋىردە بولاتىن قولايسىز اۋا رايىنا بايلانىستى تۇرعىندارعا ماڭىزدى حابارلاما تاراتتى. قاتتى جاڭبىر، نايزاعاي، بۇرشاق جانە قاتتى جەل كۇتىلۋدە.
