ەلىمىزدە ورىن الىپ جاتقان توتەنشە جاعدايلار كەزىندە ستۋدەنتتەردىڭ عىلىمي زەرتتەۋ جۇمىستارمەن اينالىسۋى
تاۋەلسىز مەملەكەتىمىزدە جاستاردىڭ ءبىلىم الۋىنا جانە عىلىممەن اينالىسۋىنا بارلىق مۇمىندىكتەر جاسالعان. بۇگىنگى تاڭدا ەلىمىزدەگى جوعارعى وقۋ ورىندارى ستۋدەنتتەردىڭ ساپالى ءبىلىم الۋىمەن قاتار عىلىمي زەرتتەۋ جۇمىستارمەن اينالىسۋىنا دا باسا نازار اۋدارىپ وتىرعانى بەلگىلى. ءبىلىم مەن عىلىم ءوزارا تىعىز بايلانىسقان ءال-فارابي اتىنداعى قازاق ۇلتتىق ۋنيۆەرسيتەتىندە ستۋدەنتتەردىڭ عىلىمي زەرتتەۋ جۇمىستارىمەن اينالىسۋىن بارلىق ۋاقىتتا قامتاماسىز ەتىپ، قاداعالاپ وتىرۋ وتە ماڭىزدى مىندەتتەردىڭ ءبىرى. مۇندا ستۋدەنتتەردىڭ عىلىمي زەرتتەۋ جۇمىستارىمەن اينالىسۋىنا بىلىكتى ۇستازدارمەن پروفەسسورلار جەتەكشىلىك ەتىپ، دۇرىس باعىت-باعدار كورسەتىپ، جىل سايىن عىلىمي كونفەرەنسيالار مەن بايقاۋلار وتكىزىلىپ تۇرادى. اتاپ ايتار بولساق، داستۇرگە اينالعان ستۋدەنتتەر مەن جاس عالىمداردىڭ عىلىمي كونفەرەنسياسى “فارابي الەمى” جىل سايىن ءساۋىر ايىندا وتىلەدى. 3000نان استام كىتاپ قورى بار كىتاپحانا، ينتەرنەت رەسۋرستىق ورتالىعى، عىلىمي زەرتحانا ستۋدەنتتەردىڭ عىلىمي زەرتتەۋ جۇمىستارىمەن اينالىسۋىنا كەڭىنەن مۇمكىندىك بەرەدى. بۇگىنگى تاڭدا ەلىمىزدە ورىن الىپ جاتقان “كورونوۆيرۋس ” ىندەتىنىڭ تارالۋى جاستاردىڭ عىلىمي جۇمىستارمەن اينالىسۋىنا ءبىرشاما كەرى اسەرىن تيگىزىپ جاتقانى ءسوزسىز. سەبەبى بارلىق كىتاپحانالار مەن عىلىمي زەرتتەۋ ورتالىقتارى جانە مەملەكەتتىك ارحيۆتەر ءوز جۇمىسىن توقتاتىپ، ۋاقىتشا ەسىكتەرى جابىلعان. 19-ناۋرىزدان باستاپ قازاقستاندىق ستۋدەنتتەر قاشىقتىق وقۋ جۇياسىنە كوشىپ، ونلاين ساباقتار وتىلۋدە. قازۇۋ ستۋدەنتتەرى كارانتين كەزىندە “ۇيدە بول” ۇرانىمەن عىلىمي جۇمىستارىن جالعاستىرۋدا. توتەنشە جاعدايعا بايلانىستى جىل سايىن داستۇرگە اينالعان VII حالىقارالىق «فارابي وقۋلارى» جاس عالىمدار كونفەرەنسياسى 2020-شى جىلدىڭ 6-9 ءساۋىر ارالىعىندا ونلاين تۇردە ءوتتى. ەلىمىزدە ەلەكتروندى جانە سيفرلى كىتاپحانالاردىڭ جۇمىس جاساۋى جاس عالىمدارعا مول مۇمكىنشالاكتەر بەرىپ وتىر. اتاپ ايتقاندا، قۇەق (قازاقستان ۇلتتىق ەلەكتروندىق كىتاپحانا)، « ق ر ۇلتتىق كىتاپحاناسىنىڭ سيرەك كەزدەسەتىن كىتاپتار مەن قولجازبالاردىڭ ەلەكتروندى قورى»، «الەمدىك سيفرلى كىتاپحانا (World Digital Library)، «ديسسەراسيالىق ەلەكتروندى كىتاپحانا (رمك)»، «ءال-فارابي اتىنداعى ءقازۇۋ-نىڭ عىلىمي كىتاپحاناسى». قازىرگى توتەنشە جاعدايلارعا بايلانىستى قازۇۋ ستۋدەنتتەرى ۇيلەرىندە وسى جانە باسقادا سايتتار ارقىلى عىلىمي جۇمىستارىن جالعاستىرىپ وتىر جانە عىلىمي جەتەكشىلەر ۇزدىكسىز قاداعالاپ، جۇمىستاردى تەكسەرىپ، باعىت-باعدار بەرىپ وتىرادى. ستۋدەنتتەر عىلىمي ماقالالارىن ەلىمىزدىڭ جانە شەت ەلدىڭ عىلىمي جۇرنالدارىنا جاريالاي الادى.
تاريح، ارحەولوگيا جانە ەتنولوگيا فاكۋلتەتىنىڭ 2-كۋرس ماگيسترانتى ەرجانوۆا بالنۇر ەرجان قىزى
عىلىمي جەتەكشى؛ PhD دوكتور قوشىموۆا اقنۇر ورازگالييەۆنا
You Might Also Like
-
ءشومىشباي قارت ورنىنان تۇرىپ، دارەتىن الدى، نامازىن وقىپ بولىپ، ۇيدەن قوزى كوش جەردەگى قاۋىندىققا بەتتەدى. شەلەكتەي-شەلەكتەي اق تورلامالار مانتىنەن ءۇزىلىپ، ارىق ىشىندە دومالانىپ جاتىر ەكەن. بەس-التى...
-
ءبىزدىڭ اۋىل ءوزى قىزىق اۋىل. ەگەر ءسىزدىڭ قۇدىرەت كۇشىڭىز بار بولىپ، ۋاقىت باعىتىن كەرى بۇرا بىلسەڭىز، وندا ءبىزدىڭ اۋىلدى ءقوجاناسىر جاساپ جاتقان ءداۋىر ەكەن دەر ەدىڭىز. اۋىلدىڭ كىرە بەرىسىندەگى پاجالۋ...
