InfoHub Logo

ساباقتىڭ تاقىرىبى: ەلىن سۇيگەن، ەلى سۇيگەن - ەلباسى
ساباقتىڭ ماقساتى: قازاقستان رەسپۋبليكاسىنىڭ تۇڭعىش پرەزيدەنتى ن. ءا. نازاربايەۆتىڭ ەلى ءۇشىن ەتكەن ەرەن ەڭبەگىن جاس ازاماتتارىمىزعا ۇلىقتاۋ، وقۋشىلاردى حالقىنىڭ تەگىن، تاريحىن بىلۋگە، وتانىنا ادال قىزمەت ەتۋگە تاربيەلەۋ.
كورنەكىلىگى: بۋكلەتتەر، ەلباسى تۋرالى سلايدتار.
ءادىسى: تۇسىندىرمەلى، زەرتتەۋشىلىك، تالداۋ.
جوسپار

1. كىرىسپە.
2. نەگىزگى ءبولىم.
ا) بالا نۇرسۇلتان - دانا نۇرسۇلتان.
ءا) ءومىر ورنەكتەرى.
ب) مەنىڭ ايتارىم...

3. قورىتىندى.

ساباقتىڭ بارىسى:
ءمۇعالىم: ارمىسىزدار، اياۋلى ۇستازدار، وقۋشىلار! ەلىمىزدە تۇڭعىش رەت اتالىپ وتىرعان مەرەكە 1 - جەلتوقسان پرەزيدەنت كۇنى مەرەكەسىمەن سىزدەردى قۇتتىقتايمىن. ءبىزدىڭ قاسيەتتى جەرىمىز، قۋاتتى ەلىمىز ەلباسىنىڭ ارقاسىندا ەڭسەلى دە، رۋحتى دا. كەمەڭگەر باسشى سوڭىنا ەرگەن ەلىن اداستىرماي نىق باستاپ كەلە جاتىر. ەلباسىنىڭ وسىنشا ەڭبەگىن ارينە، ايتىپ تاۋىسۋ مۇمكىن ەمەس شىعار، دەگەنمەن سىزدەردىڭ دە ويلارىڭىزدى تىڭداپ كورەيىك. جوسپار بويىنشا ءار وقۋشى ءوز بىلىمدەرىن ورتاعا سالسىن.
(وقۋشىلار ەلباسىنىڭ بالالىق شاعى، ستۋدەنتتىك ءومىرى، جاساعان جۇمىس ورىندارى، وسى دارەجەگە قالاي جەتكەنى جونىندە تولىق قامتيدى.)
نازەركە:
ەلباسىنا
پەرزەنتسىڭ، تۋعان جەرگە ءبىر بالاسىڭ،
باسىشىسىڭ، بىرگە باۋىر، بىرگە اعاسىڭ
الدىمەن سەن تولقيسىڭ، قۋاناسىڭ
قازاقتىڭ كورسەڭ عاجاپ ءبىر دالاسىن

قانشا جىل ماڭداي تەردى كول عىپ توگىپ
سان كۇرەس، قيىن جولعا ءتوزىپ، كونىپ
اقىلدىڭ اسپانىنان سىرعاناماي
قايراتتى قولمەن ىستەپ، كوزبەن كورىپ

سابىردىڭ، كەڭپەيىلدىڭ، جومارتتىقتىڭ
ۇلگىسىن مىنەزى باي، وي ارتىقتىڭ
كورسەتكەن تالاي، تالاي كەزەڭدەردە
جۇرمەدى كولەڭكەڭە قول ارتىپ كىم

تۇرعام جوق بوس دارىپتەپ، توگىپ ولەڭ
جارالعام ادامدىقتىڭ تەگىنەن مەن
جەتسە دە قازاقستان قاي بيلىككە
قاشان دا سول بيلىكتەن سەنى كورەم

ول مەنىڭ وتانشىلدىق ماقتانىشىم
اقىندىق اق شابىتىم، اپپاق ءىسىم
مەن ەمەس، ماقتانادى تۋعان دالا
ۇلداردى «ەلىم» دەيتىن تاپقانى ءۇشىن

ءان. قازاقستان. ورىنداعان:
ءمۇعالىم: ەندى بالالار، مەنىڭ ايتارىم... ءبولىمى بويىنشا ارينە، سىزدەرگە ازىرشە سىزدەردى ەلباسىمەن كەزدەستىرۋ مۇمكىندىگى بولماي وتىر، دەسەكتە، ءوزىمىزدىڭ كوكەيىمىزدە تولعاندىرىپ جۇرگەن ماسەلەمىزدى حات جولدارىمەن جەتكىزىپ كورەيىك..
(ءار وقۋشى پرەزيدەنتكە حات جازادى. حاتتار وقىلىپ، قورتىندى ءتۇيىنى ەلباسىنا جولدانعان ۇندەۋ رەتىندە قابىلدانادى.)
3. قورىتىندى.
ءمۇعالىم: تاۋەلسىزدىك تاڭى ءۇشىن كۇرەسكەن ەلباسى تۋرالى ايتىلعان وسى ىقىلاس - نيەتتەرىڭىز ءۇشىن، اپپاق كوڭىلدەرىڭىز ءۇشىن سىزدەرگە كوپ كوپ راحمەت. ەلىمىزدىڭ كوز قۋانىشى بولىپ، امان – ەسەن ەر جەتىڭدەر. تاۋەلسىزدىگىمىز بەرىك، تۇعىرىمىز بيىك بولسىن!