ەندىگارى ەلدى الدايسىڭ با؟
شەرىك شايىن تايىنشاعا، جارتى ماتاسىن قويعا ساتىپ، مومىنداردى زارلاتقان ءبىر قۋ ساۋداگەر بولىپتى. ساۋداگەر كەلە جاتىر دەگەندى ەستىگەن سەرىكباي قيىن اسۋداعى تار جولدان تىرداي جالاڭاشتانىپ الگى ساۋداگەردى توسىپ وتىرىپتى.
استىنداعى ەكى قورجىنعا سەرەيتە سالعان ماتا، شاي-شالاڭى بار ساۋداگەر قاس قارايا وسى جەرگە جاتىپ كەلگەندە، سەرىكباي تاپ بەرىپتى. تىرداي جالاڭاش «كىسى كيىكتى» كورگەن ساۋداگەر، تار جولدا بۇرىلا قاشۋعا ۇلگەرە الماي ساسقانىنان اتتان تۇسە قاشىپتى. تۇرا قۋعان سەرىكباي جەتەرگە تاياعاندا ساۋداگەر ىشىگىن تاستاي جونەلىپتى. ىشىكتى ءىلىپ ۇمتىلعان سەرىكباي قۋىپ جەتىپ، ساۋداگەرگە ىشىكتى جابا سالىپ ۇستىنە قارعىپ ءمىنىپ الىپ
تەكەشە باقىلداپتى. شوشىعان ساۋداگەر يمانىن ايتىپ «جانىمدى قي» دەپ جالىنا باستاپتى. سوندا سەرىكباي:
— مەن سايتاننىڭ تەكەسىمىن، ەندىگارى ەلدى الدايسىڭ با؟ مەنىڭ كاسىبىمە تالاساسىڭ با؟ — دەپ ىشىكتىڭ سىرتىنان تومپەشتەپتى. ساۋداگەردىڭ تاۋبەسى ەسىنە ءتۇستى-اۋ دەگەن مەزگىلدە ءوز جونىنە كەتىپتى. سودان باستاپ ساۋداگەر سايتاننىڭ تەكەسى ۇرادى دەپ وسى وڭىرگە اتتاپ باسپايتىن بولىپتى.
You Might Also Like
-
ءبىر رەتكى قوناقاسىندا مايباس اراقتى قالىپتان تىس كوپ ءىشىپ باسى اينالعان سوڭ دالاعا شىقپاقشى بولىپتى. ءۇي يەسى:
-
سەرىكباي جانىندا ەكى تۇيەشى بار ۇشەۋى اعاش ارتىپ، استىق الۋعا ۇرىمجىگە كەتىپ بارا جاتىپ، كەش بولعاندا ءبىر ەگىن شەتىنە ءتۇسىپتى. سەرىكباي تۇرىپ:
