InfoHub Logo

ءبىر رەتكى قوناقاسىندا مايباس اراقتى قالىپتان تىس كوپ ءىشىپ باسى اينالعان سوڭ دالاعا شىقپاقشى بولىپتى. ءۇي يەسى:

— اعاڭدى دالاعا ەرتىپ شىق، — دەپ ون جاسار شاماسىنداعى ۇلىن قوسىپ بەرىپتى. مايباس دالاعا شىعا اعىل-تەگىل قۇسىپتى. ادامنىڭ قاسىندا تۇرۋدى ىڭعايسىز كورگەن بالا قايتادان ۇيگە ەنىپ كەتكەن ەكەن، سونىڭ اراسىندا ءبىر يت ماكەڭنىڭ قاسىنا كەلىپ قۇسىعىن اڭدىپ شۇقيا قالىپتى. ماكەڭ ابدەن قۇسىپ بولىپ جانىنا قاراسا، ءبىر نارسە قارايىپ وتىرىپتى. ونى ءوزىمدى ەرتىپ شىققان بالا ەكەن دەپ ويلاعان ماكەڭ:

— ەي، بالام، ءبىر شىنى سۋ الىپ شىقشى، اۋزىمدى شايقايىن، — دەپتى. ءبىراق يت ءمىز باقپاپتى. ارى ايتىپ، بەرى ايتىپ ءتىلىن الدىرا الماعان ماكەڭ ءبىر كەزدە اشۋلانىپ:

— نەدەگەن ءتىلازار ءيتتىڭ بالاسىسىڭ، ەي! ءبىر شىنى سۋ الىپ شىق دەيمىن، — دەپ ءيتتى شاپالاقپەن تارتىپ جىبەرگەندە يت ارس ەتىپ ماكەڭنىڭ قولىنان الا ءتۇسىپتى، سوندا ماكەڭ:

— قاپ! مىنانىڭ بالاسى قاشان يت بولىپ كەتكەن، ەي! قولىم- دى وڭدىرماي قاپقانىن قاراشى، — دەپ ءيتتى تۇرا قۋىپتى.

 

---